Josué 11:3 - Bible in Tzotzil de Chenalhó with Deuterocanon

³ Xchi'uc la stac batel mantal noxtoc ta stojol canaanetic ti te nacajtic ta stuq'uil sloq'ueb c'ac'al xchi'uc ta stuq'uil smaleb c'ac'ale. Xchi'uc la stac batel mantal noxtoc ta stojol amorretic, hetetic, ferezetic, jebusetic ti te nacajtic ta toyolaltic ta vitsetique, xchi'uc ta stojol hevetic ti te nacajtic ta yoc vits Hermón ta Mizpa banamile.

Bible in Tzotzil de Chamula

³ Ma'uc no'ox taje, laj stac batel mantal xtoc ta stojol ti cananeoetic ti nacalic ta yeloval sloq'ueb c'ac'ale, xchi'uc ti nacalic ta yeloval smaleb c'ac'ale, ti amorreoetique, ti hititaetique, ti ferezeoetique, ti jebuseoetic ti nacalic ta muc'tiquil vitstique, xchi'uc ti heveoetic ti oyic ta vits Hermon ti oy ta yosilal ti Mizpae. Scotol ti c'u yepal taje, laj yich'ic mantal yo' jech ta svol sc'opic xchi'uquic.

Josué 11:3 Iomraidhean Croise

Génesis 31:49

Xchi'uc Mizpa yan sbi noxtoc, yu'un jech laj yal li Labane: —C'alal me mu xa bu xquil jbatic oe, Muc'ul Dios ac'o sq'uel ti c'u x'elan ta jpastic batel jujunutique.

2 Samuel 24:16

C'alal jutuc xa'ox sc'an x'ul sjunul lum Jerusalén yu'un li j'almantale, li Muc'ul Diose lic c'uxubajuc ta yo'nton, jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Arauna jebuseo vinique.

2 Samuel 24:7

Ts'acal ibatic ta Tiro, ja' li lum ti lec setbil ta tsatsal coraltone, xchi'uc ta scotol slumal hevetic xchi'uc cananetic. Te to ic'otic ta loq'uel ta stuq'uil sur yu'un Judá ta lum Beerseba.

1 Reyes 15:22

Li ajvalil Asae la stac ta iq'uel scotol li israeletic ta Judae, me junuc mu'yuc boch'o xcom. Bat yich'ic tal scotol li tonetic, li te'etic sventa ta set ox ta coralton lum Ramá li ajvalil Baasae. Li Asae ja' la set o ta coralton li lum Geba ta Benjamine xchi'uc li lum Mizpae.

1 Reyes 9:20

Scotol li yanlumetic te nacajtic ta yosilalique ja' li amorretic, hetetic, ferezetic, hevetic, xchi'uc jebusetic ti mu ja'uc israeletique,

Salmos 133:3

Ja' jech noxtoc jech chac c'u cha'al sjob osil ta Hermón ti chyal batel ta sba li vitsetic ta Sione, yu'un li Muc'ul Diose ja' te chac' batel lec bendición xchi'uc cuxlejal sventa sbatel osil.

Salmos 89:12

Vo'ot laj avac' ac'o oyuc noxtoc li norte xchi'uc sure; li vits Tabor xchi'uc Hermone xcuxet no'ox yo'nton tsq'uejintaic abi.

Cantares 4:8

Yalan me tal te ta Líbano, cunin elub; yalan me tal te ta Líbano. Yalan me tal te ta jol vits Amana, ta jol vits Senir, ta jol vits Hermón, te ta xch'en leonetic, te ta svitsal bolometic.

Jeremías 40:10

Li vu'une li' chinaqui ta Mizpa, jech vu'un chic'opoj ta aventaic ti c'alal ta xtalic li caldeaetic li'i. Li vo'oxuque tsobic ep li ya'lel ts'usube, li sat te'etique, xchi'uc li aceitee, tiq'uic ta snail; te comanic o ta lumetic avu'unic ti bu aventainojique”, xut.

Jeremías 40:6

Li Jeremiase bat xchi'in li Gedalías xnich'on Ahicam te ta Mizpae; te la xchi'in ta naclej li xchi'iltac ti te icomic ta yosilalique.

Jeremías 41:14

Scotol li boch'otic ay xchuc loq'uel ta Mizpa li Ismaele ibatic ta stojol Johanán scotolic.

Jeremías 41:3

La smilic noxtoc li judaetic ti te xchi'inojic li Gedalías te ta Mizpae, xchi'uc la smilic noxtoc li caldea soldadoetic te oyique.

Números 13:29

Te ta nopol Negueve ja' te nacajtic li amalequetique. Ta toyolal te'tic ta vitsetique ja' te nacajtic li hetetique, li jebusetique, xchi'uc li amorretique. Te ta ti'ti' nab xchi'uc ta ti'ti' uc'um Jordane ja' te nacajtic li canaanetique —xiic.

Deuteronomio 4:48

Li yosilalic chib ajvaliletique xlic ta Aroer ta ti' uc'um Arnón c'alal to ta vits Sirión, ja' li Hermón yan sbie,

Deuteronomio 7:1

“Li Muc'ul Dios cu'untique ja' chayic'oxuc ochel ta banamil ti bu chayac'boxuc avich'ique. Xchi'uc ta snuts loq'uel ta atojolic li vucub muc'tic lum ti toj tsotsique: ja' li hetetique, li gergesetique, li amorretique, li canaanetique, li ferezetique, li hevetique, xchi'uc li jebusetique.

Josué 11:17

Xlic ta vits Halac, xmuy batel ta stuq'uil Seir c'alal to ta Baal-gad ta stenlejaltic yu'un Líbano xchi'uc c'alal ta ch'utch'ut vits Hermón. C'alal ta ajvaliletic i'och ta sc'obic, jech la smilic ta espada scotol.

Josué 11:8

Li israeletique i'ac'bat ta sc'obic yu'un Muc'ul Dios scotol, jech la smilic, la snutsic batel c'alal to ta muc'ta lum Sidón, xchi'uc c'alal to ta Misrefot-maim, xchi'uc c'alal to ta stenlejaltic Mizpa ta stuq'uil sloq'ueb c'ac'al. La smilic scotol, ja' to ti c'alal mu xa junuc cuxul icom yu'unique.

Josué 13:11

Ja' laj yich'ic noxtoc li Galaad banamile, xchi'uc li yosilal gesuretic xchi'uc maacaetique, xchi'uc scotol li banamil te ta vits Hermón xchi'uc ta Basán c'alal to ta Salcae.

Josué 13:5

Xchi'uc comen to avu'un noxtoc li yosilal gibletique, xchi'uc scotol li osil te ta Líbano ta stuq'uil sloq'ueb c'ac'al ti te xlic ta Baal-gad te ta yoc vits Hermón c'alal to ta yochebal lum Hamate.

Josué 15:38

Dileán, Mizpa, Jocteel,

Josué 15:63

Li smomnich'nabtac Judae muc xu' yu'unic la snutsic loq'uel ta Jerusalén li jebusetique, jech te xchi'uquic o ta naclej ta Jerusalén c'alal to tana li smomnich'nab Judae.

Josué 18:26

Mizpa, Cafira, Mozah,

Josué 3:10

Li'i ja' svinajeb ti ta melel li' xchi'inojutic li mero cuxul Diose. C'alal chijxanovutic batele, ja' stuc ta smes loq'uel scotol li canaanetic, hetetic, hevetic, ferezetic, gergesetic, amorretic, xchi'uc li jebusetique.

Jueces 20:1

Scotol li israeletic xlic ta Dan c'alal ta Beerseba xchi'uc c'alal ta Galaade la stsob sba scotolic te ta Mizpa ta stojol li Muc'ul Diose. Jech chac c'u cha'al jun no'ox vinic laj ya'ay sba ta scotolic.

Jueces 21:5

Jech te lic sjac'be sbaic: “¿Boch'o muc x'ay cu'untic ti c'alal la jtsob jbatic ta stojol Muc'ul Dios te ta Mizpae?”, xiic. Yu'un laj caltic ta stojol Muc'ul Dios ti chich' milel li boch'otic mu'yuc te oye.

Jueces 21:8

¿Me oy boch'o jchopucal cu'untic li'i ti muc x'ay ta stojol Muc'ul Dios te ta Mizpae?”, xiic. Te ivul ta sjolic ti ja' mu'yuc boch'o x'ay yu'unic li Jabes te ta Galaade.

Jueces 3:3

Ja' te icomic li vo'ob banquilaletic yu'un filistaetique, xchi'uc scotol li canaanetique, li sidonetique, xchi'uc li hevetic ti te nacajtic ta vitsetic ta Líbano xlic ta vits Baal-hermón xc'ot c'alal to ta Hamate.

Jueces 3:5

Ja' yu'un li israeletique te inaqui xchi'uquic li canaanetique, li hetetique, li amorretique, li ferezetique, li hevetique, xchi'uc li jebusetique.

1 Samuel 10:17

Ts'acal to lic yic' scotol israeletic li Samuele yu'un ac'o bat yich'ic ta muc' Muc'ul Dios te ta Mizpa.