Josué 10:8 - Bible in Tzotzil de Chenalhó with Deuterocanon

⁸ Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Bible in Tzotzil de Chamula

⁸ Xi albat yu'un ti Diose: “Mu xaxi' yu'unic. Ta xcac'bot ta avoc ta ac'ob. Yu'un mi ja'uc junuc ti xyolet no'ox ta stsacot ta letoe.”

Josué 10:8 Iomraidhean Croise

1 Reyes 20:13

Oy jun yaj'alc'op Dios ibat ta stojol Acab, ja' li ajvalil ta Israele, jech laj yalbe: —Jech chal li Muc'ul Diose: ‘Ac'o me laj xa avil ti bats'i ep li avajcontra chtal ta atojole, pero vu'un ta xcac' ta ac'ob scotol, yu'un jech ac'o ana' ti ta melel vu'un Muc'ul Diosune’, xi li Muc'ul Diose —x'utat.

Romanos 8:31

¿C'usi yan xu' chcaltic ta sventa scotol le'e? Me jech oy yo'nton ta jtojoltic stuc li Diose, ¿boch'o xu' chiscontrainutic?

Deuteronomio 3:2

“Li Muc'ul Diose jech laj yalbun: ‘Mu me xaxi' yu'un li ajvalile, xchi'uc li yajsoldadotaque, xchi'uc li steclumale, yu'un cac'ojbot xa ta ac'ob. Chbat atsal jech chac c'u cha'al laj atsal li ajvalil yu'un amorretic, ja' li Sehón ti te to'ox nacal ta Hesbone’, xiyutun.

Deuteronomio 7:24

Chayac'boxuc ta ac'obic noxtoc li ajvaliletic yu'unique. Vo'oxuc chalajesbeic sc'oplal li' ta banamil, yu'un jech mu'yuc xa boch'o tsna' o. Me junuc mu'yuc boch'o xu' chastsaloxuc. Ja' vo'oxuc chavulesic scotol.

Josué 10:25

Li Josuee jech laj yalbe: “Mu me xaxi'ic; mu me xlo'ilaj avo'ntonic. Tsc'an oy lec stsatsal avo'ntonic; tsc'an mu xlo'ilaj avo'ntonic. Yu'un li Muc'ul Diose ja' jech co'ol ta spas batel ta stojol scotol avajcontraic ti bu chapasic batel pleitoe”, xut.

Josué 10:9

Li Josuee iloq'uic tal ta Gilgal; sbejel ac'ubal ixanovic tal. Ch'ayel yo'nton itaatic li amorretique.

Josué 11:6

Pero li Muc'ul Diose jech laj yalbe li Josuee: “Mu me xaxi'. Oc'om jech ora chac c'u cha'al li'i chacac'bot ta ac'obic. Scotol ta xcham avu'unic vo'oxuc li israeloxuque. C'asbeic yacan scotol li sca'ique; ac'beic sc'ac'al li scaretaic sventa pleitoe”, xut.

Josué 8:1

Li Muc'ul Diose jech laj yalbe li Josuee: “Mu me xaxi'; mu me xchibaj avo'nton. Ic'o batel scotol li viniquetic ti xu' xa yu'unic pleitoe. Muyanic batel ta lum Hai yu'un cac'ojbot xa ta ac'ob li ajvalile, xchi'uc li svinictaque, xchi'uc scotol li slumale, xchi'uc li yosilale.

Jueces 6:16

Itac'ov li Muc'ul Diose: —Xu' avu'un, yu'un vu'un chajchi'inot batel. C'alal chc'ot amil li madianetique, ja' no'ox jech chac c'u cha'al jun vinic chava'ay —xut.

Jueces 7:9

Ta yac'ubalil jech i'albat yu'un Muc'ul Dios li Gedeone: “Lican me; yalan batel yo' bu oy li madianetique yu'un cac'ojbot xa ta ac'ob.

1 Samuel 17:47

Scotol li boch'otic li' tsobolique chlic sna'ic ti muc ta espadauc, ti muc ta lanzauc chcoltavan li Muc'ul Diose. Ja' tstsalvan stuc li Muc'ul Diose; ja' chayac'oxuc ta jc'obcutic acotolic —xut.