Josué 10:4 - Bible in Tzotzil de Chenalhó with Deuterocanon

⁴ “La'ic ta ora; la' coltaicun ta stsalel li gabaonetique yu'un laj xa spas ta co'ol yo'nton xchi'uquic li Josué xchi'uc scotol li israeletique”, xut batel.

Bible in Tzotzil de Chamula

⁴ “La'ic li'e, la' coltaun ta stsaquel ta leto ti jteclum Gabaone. Yu'un laj xa sco'oltas sjolic xchi'uc ti Josuee, xchi'uc ti israeletique.”

Josué 10:4 Iomraidhean Croise

San Mateo 16:24

Li Jesuse jech laj yalbe: —Li boch'o tsc'an chists'aclinune tsc'an mu tsotsuc sc'oplal cha'ay sba stuc. Ac'o xq'uech scruz, ac'o sts'aclinun batel.

San Juan 15:19

Ti co'oluc to chapas achi'uquic li cristianoetic ti oyic ta sventa banamile, lec cha'yic ti jechuque, yu'un ja' jech tsc'anic. Pero li vo'oxuque mu'yucoxuc xa ta sventa banamil, yu'un laj xa jt'ujoxuc loq'uel, ja' yu'un bajbil chac'otic.

Hechos 21:28

Tsots i'avanic: “¡Jchi'iltac, israeletic, la' coltauncutic! Li vinic li'i ja' ti chanov ta buyuc no'oxe, ti chopol c'u x'elan chchanubtas li cristianoetique, yu'un ta scontrain li jlumaltique, xchi'uc li mantaletic cu'untique, xchi'uc li ch'ulna li'i. Jech noxtoc, li' ta orae laj xa yic' ochel ta ch'ulna li yanlum cristianoetique; solel laj xa sbolibtas o li ch'ul banamil li'i”, xiic.

2 Timoteo 3:12

Yu'un li boch'o scotol yo'nton chtun o yu'un li Jesucristoe ta ono'ox xich' ep uts'intael.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.

Josué 10:1

Li Adonisedeque, ja' li ajvalil ta Jerusalene, toj ep ixi' c'alal laj ya'ay ti laj xa stsalic lum Hai li Josuee, ti co'ol la spasbeic c'alal ta ajvalil yu'un jech chac c'u cha'al la spasbeic li lum Jericoe. Xchi'uc laj ya'ay noxtoc ti laj xa spas ta co'ol yo'ntonic xchi'uc israeletic li gabaonetique ti te xa xchi'uquic ta nacleje. C'alal laj ya'ay ti i'ochic xa ta c'abal li gabaonetique, yo'to ixi' ta jyalel, yu'un sna'oj ti ja' jun muc'ta lum li Gabaone, ti ich'bil lec ta muq'ue. Xchi'uc ja' xjelov smuc'ul yu'un li lum Haie, xchi'uc puru simarón viniquetic li yajvaltaque.

Josué 10:5

Ja' yu'un li vo'ob ajvaliletic le'e la stsob sbaic tal scotolic xchi'uc yajsoldadoic; te ivul spas scarpanaic ta sjoyobal lum Gabaón sventa tstsaquic ta pleito.

Josué 9:15

Jech li Josuee te laj yac' ye ta stojolic. Laj yalbeic ta jamal ti mu'yuc ta spasic pleito xchi'uquique, ti te cuxul ac'o comicuque. Ja' jech laj yalic jamal ec scotol li banquilaletic yu'un israeletique.

1 Pedro 4:4

Li vo'oxuc li' ta orae, labal cha'yic ti mu'yuc xa chachi'inic ta spasel li c'usitic chopol tspasic ti mu'yuc spajebal yu'unique, jech chopol xa chal ac'oplalic.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.