Josué 1:9 - Bible in Tzotzil de Chenalhó with Deuterocanon

⁹ Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Bible in Tzotzil de Chamula

⁹ Vu'un ta xcal ti tsotsane, ti mu xatsiq'ues avo'ntone. Mu xasibtas aba. Mi ja'uc xavul avo'nton. Yu'un vu'un ti Ajvalil Diosun avu'une ta jva'an jba ta atojolal ti buyuc no'ox ta xabate.”

Josué 1:9 Iomraidhean Croise

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

Génesis 39:2

Pero li Josee te ono'ox chi'inbil yu'un li Muc'ul Diose, jech toj lec ibat yu'un c'usi la spas c'alal te oy ta sna li yajvale, ja' li egipto vinique.

Génesis 39:3

Li yajvale laj yil ti chi'inbil yu'un Muc'ul Dios li Josee yu'un lec ibat scotol li c'usi la spase.

2 Samuel 13:28

Xchi'uc jech xa'ox yalojbe li smozotaque: “Q'uelic me lec, c'alal me laj avilic ep xa bat yuch'el vino yu'un li Amnone, me laj calboxuc ti ac'o amilique, milic ta ora. Mu me xaxi'ic, yu'un vu'un chacalboxuc mantal. Ja' yu'un tsotsanic me; mu me xaxi'ic”, xut.

1 Crónicas 28:20

Li Davide jech lic yalbe li Salomone: “Tsotsan me, junuc me avo'nton abtejan. Mu me xaxi'; mu me xchibaj avo'nton. Li' xchi'inojot li Muc'ul Dios cu'untique; me jutuc mu'yuc chascomtsanot o c'alal to chvu' avu'un scotol li abtel sventa ch'ulnae.

2 Crónicas 15:7

Pero li vo'oxuque aq'uic persa. Mu me xa'alubic, yu'un mu alticuc li avabtelique; persa chavich'beic stojol”, xi.

Salmos 46:7

Li Muc'ul Dios ti tspas ta mantal scotole li' oy ta jtojoltic; li Dios yu'un Jacobe ja' jchabivanej cu'untic.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 43:1

Jacob, jech chayalbot li Muc'ul Diose, ja' li Boch'o la spasote; Israel, jech chayalbot li Boch'o laj yac'ote: “Mu xaxi', vu'un ta jcoltaot; vu'un laj quic'ot ta abi, vu'un cu'unot o.

Isaías 43:5

Mu xaxi', vu'un chajchi'inot; chbat quic' tal c'alal to ta sloq'ueb c'ac'al, c'alal to ta smaleb c'ac'al li achi'iltaque yu'un ac'o tal stsob sbaic.

Isaías 8:12

“Mu me xavalic ti oy c'usi chapanbil ta mucul jech chac c'u cha'al chalic li achi'iltaque, xchi'uc mu me xaxi'ic, mu me xaniquic yu'un ec li c'usi chi'ic yu'une.

Daniel 10:19

Jech laj yalbun: ‘Vo'ot ti lec c'anbilote mu xaxi', junuc avo'nton, ich'o lec atsatsal, cuxo lec avo'nton’, xiyutun. “C'alal jech laj yalbune, te lic ayinuc jtsatsal, jech laj calbe: ‘Cajval, c'opanun, yu'un laj xa avac'bun jtsatsal’, xcut.

Hageo 2:4

Ajvalil Zorobabel, tsotsan me. Banquilal pale Josué, oyuc lec stsatsal avo'nton. Jteclum, aq'uic me persa. Abtejanic, vu'un li' chajchi'inoxuc”, xi li Muc'ul Dios ti tspas ta mantal scotol te ta vinajele.

Hageo 2:5

“Jech chac c'u cha'al laj ono'ox calboxuc c'alal laloq'uic tal ta Egiptoe, ja' jech li' oy o ta atojolic li jtsatsale; mu me xaxi'ic.

Hechos 4:19

Pero li Pedro xchi'uc Juane jech la staq'uic: —Nopo ava'yic bu junucal tsots sc'oplal ta ch'unel. Me ja' xjelov sc'oplal amantalic li vo'oxuque, me ja' yamal sc'oplal smantal li Diose.

Deuteronomio 1:21

Q'uelavilic, li osil li'i yac'ojboxuc xa ta ac'obic li Dios cu'untique. Ochanic batel. Ich'ic li avosilic jech chac c'u cha'al yaloj ono'ox li Muc'ul Diose, ja' li Dios yu'un jmoltotactic ta vo'onee. Mu me xaxi'ic. Mu me xchibaj avo'ntonic’, xacutoxuc.

Deuteronomio 20:1

“C'alal me oy chaloq'uic batel ta pleito yu'un chbat atsal avajcontraique, me chavilic ti bats'i ep ca'etic yu'unic, xchi'uc caretaetic sventa pleito, xchi'uc bats'i ep yajsoldadoic ti ja' mu'yuc ep avu'unic li vo'oxuque, mu me xaxi'ic yu'un. Na'ic me c'u x'elan la sloq'uesoxuc tal ta Egipto banamil li Muc'ul Dios cu'untique.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 31:28

Iq'uic tal scotol li moletic xchi'uc li banquilaletic yu'un jujuchop jchi'iltactique yu'un ta xcalbe ya'yic scotol li c'usitic laj calboxuc ava'yic li'i, xchi'uc ac'o sva'anic ta testigo yu'unic li vinajele xchi'uc li banamile.

Josué 1:10

Ja' yu'un li Josuee lic yalbe mantal li banquilaletic yu'un israeletique. Jech laj yalbe:

Josué 1:17

Persa ta jch'uncutic amantal jech chac c'u cha'al calojbecutic ono'ox li Moisese. Ja' no'ox ta jc'ancutic ti ac'o xchi'inot Muc'ul Dios buyuc no'ox chabat jech chac c'u cha'al chi'inbil yu'un Muc'ul Dios li Moisese.

Josué 1:18

Li boch'o ta sbaj amantale, ti mu sc'an xch'un c'usi chavalbe, ac'o milatuc. Ja' no'ox ta jc'antic ti ac'o oyuc lec stsatsal avo'nton, ti mu me xaxi'e —xiic.

Josué 10:25

Li Josuee jech laj yalbe: “Mu me xaxi'ic; mu me xlo'ilaj avo'ntonic. Tsc'an oy lec stsatsal avo'ntonic; tsc'an mu xlo'ilaj avo'ntonic. Yu'un li Muc'ul Diose ja' jech co'ol ta spas batel ta stojol scotol avajcontraic ti bu chapasic batel pleitoe”, xut.

Josué 10:8

Li Muc'ul Diose jech laj yalbe li Josuee: “Mu me xaxi'; vu'un chacac'bot ta ac'ob, me junuc mu xu' yu'un chatsalicot”, xut.

Josué 3:7

Li Muc'ul Diose jech laj yalbe li Josuee: “Li' tanae ta xcac' ich'atan lec ta muc' yu'un scotol li achi'iltac ta israelale. Yu'un jech ac'o yilic ti ta melel li' jchi'inojot jech chac c'u cha'al la jchi'in li Moisese.

Josué 6:27

Li Josuee chi'inbil o yu'un Muc'ul Dios, jech ipuc batel sc'oplal.

Josué 8:1

Li Muc'ul Diose jech laj yalbe li Josuee: “Mu me xaxi'; mu me xchibaj avo'nton. Ic'o batel scotol li viniquetic ti xu' xa yu'unic pleitoe. Muyanic batel ta lum Hai yu'un cac'ojbot xa ta ac'ob li ajvalile, xchi'uc li svinictaque, xchi'uc scotol li slumale, xchi'uc li yosilale.

Jueces 6:14

Li Muc'ul Diose la sq'uelbe lec sat li Gedeone, jech laj yalbe: —Bat tuneso li atsatsal cac'ojbote. Bat coltao loq'uel ta sc'ob madianetic li achi'iltac ta israelale. Vu'un jtuc chajtacot batel —xut.

1 Samuel 10:7

C'alal me ic'ot ta pasel jech li senyailtac le'e, xu' xa chapas li c'usi tsc'an Dios chapase; Dios chascoltaot.