Josué 1:8 - Bible in Tzotzil de Chenalhó with Deuterocanon

⁸ Alilano me scotol c'ac'al c'usi chal ta svunal li mantaletic cu'une. Nopilano ta c'ac'al ta ac'ubal yu'un jech chc'ot ta pasel avu'un li c'usitic te ts'ibabile. Jech lec chbat avu'un buyuc no'ox chaxanov, xchi'uc lec chbat avu'un scotol c'usi chapas.

Bible in Tzotzil de Chamula

⁸ Oyuc ono'ox ta ave ta ati' ta yavtael jpoc svunal ti oy jbel ti c'usi tsots yaloj ti Diose. C'ac'al ac'ubaluc, nopilano yo' jech ta xc'ot ta spasel avu'un ti c'u s'elan ta xale. Ti jech taj une, scotol ti c'usi ta xapase, lec ta xc'ot ta loq'uel avu'un.

Josué 1:8 Iomraidhean Croise

Génesis 24:63

C'alal bat xa'ox c'ac'ale, li Isaaque iloc' batel ta paxal; ja' to laj yil ti oy camelloetic te chanovic batele.

2 Crónicas 26:5

Laj yac' yo'nton ta sa'el Muc'ul Dios ti c'alal cuxul li Zacariase, yu'un ja' ichanubtasat ta yich'el ta muc' li Diose. C'alal ja' laj yich' ta muc' li Diose, lec ibat yu'un scotol.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 119:15

Ja' ta jnopilan o li mantaletic avu'une; ja' ta jna'ilan o li c'usitic chac'ane.

Salmos 119:97

Li vu'une toj lec jc'anoj ta jyalel li amantaltaque; ja' batem o co'nton snopilanel sbejel c'ac'al.

Salmos 119:99

Vu'un xa ep la jna' jech chac c'u cha'al li jchanubtasvanejetic cu'une, yu'un ja' batem co'nton ta snopilanel o li chanubtaseletic avu'une.

Salmos 19:14

Muc'ul Dios, ja' ac'o loc'uc ta que, ja' ac'o jnopilan ta co'nton li c'usi lec chavile, vo'ot li muc'ta ton c'otemot cu'une, vo'ot li jpojvanejot cu'une.

Salmos 40:10

Mu'yuc bu la jnac' ta co'nton ti lec tuc' avo'ntone; laj cal ta jamal ti mu xana' xajel avo'nton, xchi'uc ti lec chacoltavane. Mu'yuc bu la jnac' ti c'u x'elan chac'uxubinvane xchi'uc ti melel c'usitic chavale; jamal laj cal ta stojol li yepal jchi'iltaque.

Proverbios 3:1

Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

San Mateo 12:35

Li lequil vinique ja' chloc' tal ta ye li c'usi lec oy ta yo'ntone. Yan li chopol vinique ja' chloc' tal ta ye li c'usi chopol oy ta yo'ntone.

San Mateo 28:20

Chanubtasic lec ta xch'unel scotol li jmantaltac laj calboxuc ava'yique. Na'ic me, te jchi'inojoxuc o scotol c'ac'al c'alal to ta slajebal c'ac'al —xut yajchanc'optac li Jesuse.

San Mateo 7:21

“Oy ep boch'otic jech ta xalic: ‘Cajval, Cajval’, xiyuticun, pero mu scotoluc ch-ochic yo' bu chventainvan li Diose. Ja' no'ox ch-ochic li boch'otic tspasic c'usi tsc'an yo'nton li Jtot te oy ta vinajele.

San Mateo 7:24

“Li boch'o ta cha'ay c'usi chcale, me ta xch'une, ja' co'ol jech chac c'u cha'al jun bijil vinic la spas sna ta ba ton.

San Lucas 11:28

Itac'ov li Jesuse: —Ja' toj xcuxet yo'ntonic ta melel li boch'otic cha'yic li sc'op Diose, ti ta xch'unique —xut.

San Juan 13:17

Me laj ava'yic lec scotol li c'usitic tsc'an chapasique, me jech chapasique, xcuxet no'ox avo'ntonic.

San Juan 14:21

Li boch'o te oy ta yo'nton li jmantaltaque, me ta xch'une, le'e ja' li boch'o sc'anojicune. Li boch'o sc'anojicune ta xc'anatic yu'un ec li Jtote. Jech jc'anojic ec; ta xcac' jba ta ilel ta stojolic —xi li Jesuse.

Efesios 4:29

Mu xa me xloc' ta aveic scotol c'usitic mu'yuc lec. Ja' alic c'usitic lec ti ja' sventa chijtsatsubutic yu'une, yu'un jech xu' chtun yu'unic ec li boch'otic oy to c'usi sc'an yu'unique.

Deuteronomio 29:8

Jech laj quich'betic o li yosilalique. Ja' laj cac'betic yu'uninic li jchop liquemic ta Rubén, ta Gad, xchi'uc li j'o'lol jchop liquemic ta Manasese.

Deuteronomio 29:9

Ja' yu'un ch'unic me scotol li c'usitic yaloj Muc'ul Diose. Pasilanic me yu'un jech lec chabatic, xchi'uc jech lec chbat scotol li c'usitic chapasique.

Deuteronomio 30:14

Yu'un li sc'ope nopol oy ta atojolic, te oy ta aveic, te oy ta avo'ntonic sventa ac'o apasic scotol li c'usitic chale.

Deuteronomio 31:11

xchi'uc ti c'alal ja'o yorail te tstsob sbaic scotol jchi'iltactic yo' bu st'ujoj stuc li Muc'ul Diose, ja' me yorail te xavaptaic scotol li mantaletique yu'un ac'o ya'yic scotolic.

Deuteronomio 31:24

C'alal la sts'iba ta vun scotol mantaletic yu'un Dios li Moisese,

Deuteronomio 5:1

Li Moisese lic stsob scotol li israeletique, jech laj yalbe: “Jchi'iltac israeletic, a'yo me ava'yic li mantaletique xchi'uc li c'usitic chacalboxuc li' ta orae. Chanic me lec. Pasilanic me scotol ora.

Deuteronomio 5:29

Toj lec ti jechuc yo'ntonic o scotol c'ac'ale, xchi'uc ti jechuc chiyich'icun o ta muq'ue, xchi'uc ti spasicuc o scotol ora c'usi chal li mantaletic cu'une. Yu'un jech xcuxet no'ox yo'nton chcuxiic xchi'uc yalab xnich'nabic ti jechuque.

Deuteronomio 5:32

Ja' yu'un ch'unic me scotol c'usi chayalboxuc li Muc'ul Dios cu'untique. Me jutuc mu me xacomtsanic spasel.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

Josué 1:7

Ja' no'ox chacalbot ti ac'o oyuc lec stsatsal avo'ntone; mu me xaxi'. C'otuc me ta pasel avu'un li jmantaltac ti laj yalbot comel li Moisese. Paso me scotol; mu me xacomtsan me jutuc, yu'un jech lec chbat avu'un scotol li c'usitic chapase.

Josué 8:34

Ja' yu'un li Josuee te lic yapta ta jujubel li mantaletic yu'un Diose. Te laj yaptabe sc'oplal li bendicione xchi'uc li vocoletique jech chac c'u cha'al ts'ibabil ta svunale.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.