Josué 1:7 - Bible in Tzotzil de Chenalhó with Deuterocanon

⁷ Ja' no'ox chacalbot ti ac'o oyuc lec stsatsal avo'ntone; mu me xaxi'. C'otuc me ta pasel avu'un li jmantaltac ti laj yalbot comel li Moisese. Paso me scotol; mu me xacomtsan me jutuc, yu'un jech lec chbat avu'un scotol li c'usitic chapase.

Bible in Tzotzil de Chamula

⁷ Ti tsots sc'oplal ta jc'anbote, ja'uc ti oyuc lec yip ti avo'ntone, ti mu xatsiq'uese. Tsotsuc sc'oplal ti c'otuc ta pasel avu'unic ti oy jbel ti c'usi tsots albil ti laj yalbot comel ti cajtunel Moisese. Tsotsuc sc'oplal ti c'otuc ta pasel avu'une yo' jech lec ta xc'ot ta loq'uel avu'un scotol ti c'usi ta xapase.

Josué 1:7 Iomraidhean Croise

1 Reyes 2:2

“Li vu'une jutuc xa sc'an xibat yo' bu chbatic scotol li cristianoetic ta banamile. Tsotsan me, oyuc me lec stsatsal avo'nton; lequil vinic me xapas aba.

1 Reyes 2:3

Ja' me xach'un c'usitic yaloj li Muc'ul Dios cu'untique. Ch'unbo me scotol li smantaltaque; ich'o me ta muc' li chanubtasel yu'un jech chac c'u cha'al ts'ibabil yu'un Moisese, yu'un jech lec chbat scotol li c'usitic chapase xchi'uc ti buyuc no'ox chabate.

2 Reyes 22:2

Toj lec c'usitic la spas ta stojol li Muc'ul Diose. Ja' co'ol la spas jech chac c'u cha'al la spas li smoltot David ta vo'onee. Me jutuc mu'yuc la stam yan be stuc.

1 Crónicas 22:13

Jech lec chbat avu'un scotol me chach'un li mantaletic, li chanubtaseletic yu'un Muc'ul Dios ti yaloj comel Moisés ta stojol jchi'iltactique. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton.

2 Crónicas 15:7

Pero li vo'oxuque aq'uic persa. Mu me xa'alubic, yu'un mu alticuc li avabtelique; persa chavich'beic stojol”, xi.

2 Crónicas 26:5

Laj yac' yo'nton ta sa'el Muc'ul Dios ti c'alal cuxul li Zacariase, yu'un ja' ichanubtasat ta yich'el ta muc' li Diose. C'alal ja' laj yich' ta muc' li Diose, lec ibat yu'un scotol.

Job 1:8

Li Muc'ul Diose jech la sjac'be li banquilal pucuje: —¿Me laj avil li cajtunel Job ti mu'yuc boch'o yan jech te ta banamil jech chac c'u cha'al ti lec tuc' yo'ntone, ti lec c'usitic tspase, ti lec yich'ojun ta muq'ue, xchi'uc ti svoc'oj sba o ta sventa li c'usi chopole? —xut.

Salmos 80:19

Muc'ul Dios, vo'ot ti chapas ta mantal scotol te ta vinajele, cha'toyuncutic xa liquel yan velta; ac'o tal xojobal asat ta jtojolcutic, jech colem chicomcutic.

Proverbios 4:27

Mu me xatselbuj ta yolon be xchi'uc ta yac'ol be; mu me xavac' batel avacan ti bu chopole.

Proverbios 8:20

Vu'un chituq'uibtasvan batel ta sbelal c'usi tuc' xchi'uc ta sbelal c'usi lec.

Daniel 10:19

Jech laj yalbun: ‘Vo'ot ti lec c'anbilote mu xaxi', junuc avo'nton, ich'o lec atsatsal, cuxo lec avo'nton’, xiyutun. “C'alal jech laj yalbune, te lic ayinuc jtsatsal, jech laj calbe: ‘Cajval, c'opanun, yu'un laj xa avac'bun jtsatsal’, xcut.

Números 27:23

Laj yac' sc'ob ta sjol, jech laj yac'be yabtel jech chac c'u cha'al laj yal mantal Muc'ul Dios ta sventa li Moisese.

Deuteronomio 11:8

“Ch'unic me scotol li mantaletic li' laj calboxuc ava'yique, yu'un jech chata ep atsatsalic, xchi'uc jech xu' chavich'ic li banamil bu chbat apojique.

Deuteronomio 12:32

“Pasilanic me scotol c'ac'al li c'usitic laj calboxuc ava'yique. Mu me xabolesic, mu me xach'ayesic.

Deuteronomio 28:14

xchi'uc me mu xacomtsanic spasel oe, me mu ja'uc chbat ats'aclinic li c'usitic cuybilic ta diosetique, xchi'uc me mu ja'uc chbat avich'ic ta muq'ue.

Deuteronomio 29:8

Jech laj quich'betic o li yosilalique. Ja' laj cac'betic yu'uninic li jchop liquemic ta Rubén, ta Gad, xchi'uc li j'o'lol jchop liquemic ta Manasese.

Deuteronomio 29:9

Ja' yu'un ch'unic me scotol li c'usitic yaloj Muc'ul Diose. Pasilanic me yu'un jech lec chabatic, xchi'uc jech lec chbat scotol li c'usitic chapasique.

Deuteronomio 31:7

Li Moisese laj yic' li Josuee. Te ta stojol scotol xchi'iltac jech laj yalbe: “Tsotsan me. Oyuc me stsatsal avo'nton. Yu'un vo'ot chavic' batel scotol li jchi'iltactic te ta banamil ti albilic ono'ox yu'un Muc'ul Dios jmoltotactic ta vo'one ch-ac'batique. Vo'ot chbat avac'be yich'ic scotol li osile.

Deuteronomio 4:2

Mu me xavepajesic, xchi'uc mu me xach'ayic li mantaletic chacalboxuc ava'yique. Ja' me ch'unic c'usi chal li mantaletic yu'un Muc'ul Dios li' chacalboxuc ava'yique.

Deuteronomio 5:32

Ja' yu'un ch'unic me scotol c'usi chayalboxuc li Muc'ul Dios cu'untique. Me jutuc mu me xacomtsanic spasel.

Josué 1:1

C'alal chamen xa'ox li yajtunel Muc'ul Diose, ja' li Moisese, li Muc'ul Diose lic sc'opan li Josuee, ja' li yajcoltaubbail ono'ox ta abtel li Moisese, ja' li xnich'on Nune. Jech laj yalbe:

Josué 1:8

Alilano me scotol c'ac'al c'usi chal ta svunal li mantaletic cu'une. Nopilano ta c'ac'al ta ac'ubal yu'un jech chc'ot ta pasel avu'un li c'usitic te ts'ibabile. Jech lec chbat avu'un buyuc no'ox chaxanov, xchi'uc lec chbat avu'un scotol c'usi chapas.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 11:15

Ti c'u x'elan albil yu'un Muc'ul Dios li Moisese, ja' li yajtunel Diose, ja' jech laj yalbe comel ec li Josuee. Jech ec li Josuee xquechet la spas scotol, me jbeluc mu'yuc la scomtsan.

Josué 23:6

“Aq'uic me persa xch'unel spasel scotol li c'usi ts'ibabil comel ta svunal mantaletic yu'un li Moisese. Xquechet xach'unic spasel scotol.