Josué 1:6 - Bible in Tzotzil de Chenalhó with Deuterocanon

⁶ Tsotsan me, oyuc me lec stsatsal avo'nton, yu'un vo'ot chavoc'be yosilic li achi'iltaque yu'un ja' yu'unic o, jech chac c'u cha'al calojbe ono'ox li amoltotaquic ta vo'onee.

Bible in Tzotzil de Chamula

⁶ Tsotsan un cha'e, mu xatsiq'ues avo'nton. Yu'un abainoj ta xch'acbel sbanomil ti lum li'e. Yu'un ja' xrexto osilic ti laj jva'an jba ta yalel ta stojol ti smolmuc'totic laj ech'icuc ta vo'nee.

Josué 1:6 Iomraidhean Croise

Génesis 12:7

Li Muc'ul Diose te laj yac' sba ta ilel ta stojol li Abrame. Jech laj yalbe: “Li banamil li'i ja' ta xcac'beic li amomnich'nabtaque”, x'utat. Ja' yu'un li Abrame te lic spasbe jun scajleb smoton li Muc'ul Diose yu'un chich' ta muc' ta sventa ti laj yac' sba ta ilel ta stojole.

Génesis 26:3

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

2 Samuel 10:12

Tsotsan me, cac'tic persa spojel li jchi'iltactique xchi'uc li lumetic yu'un Diose. Ja' ac'o spas c'usi lec cha'ay tana li Muc'ul Diose”, xut.

1 Reyes 2:2

“Li vu'une jutuc xa sc'an xibat yo' bu chbatic scotol li cristianoetic ta banamile. Tsotsan me, oyuc me lec stsatsal avo'nton; lequil vinic me xapas aba.

1 Crónicas 22:13

Jech lec chbat avu'un scotol me chach'un li mantaletic, li chanubtaseletic yu'un Muc'ul Dios ti yaloj comel Moisés ta stojol jchi'iltactique. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton.

1 Crónicas 28:10

A'yo ava'ay, li Muc'ul Diose la st'ujot sventa chava'anbe jbej xch'ulna. Ja' yu'un tsotsan me, abtejanic me”, xut.

1 Crónicas 28:20

Li Davide jech lic yalbe li Salomone: “Tsotsan me, junuc me avo'nton abtejan. Mu me xaxi'; mu me xchibaj avo'nton. Li' xchi'inojot li Muc'ul Dios cu'untique; me jutuc mu'yuc chascomtsanot o c'alal to chvu' avu'un scotol li abtel sventa ch'ulnae.

2 Crónicas 15:7

Pero li vo'oxuque aq'uic persa. Mu me xa'alubic, yu'un mu alticuc li avabtelique; persa chavich'beic stojol”, xi.

2 Crónicas 20:11

Li' ta orae talem xa yac'bun jtojolcutic ta sventa ti muc xich'ic milele, yu'un talem scontrainuncutic, tal sloq'uesuncutic li' ta cosilcutic ti laj avac'buncutique.

2 Crónicas 20:7

Dios cu'un, vo'ot laj anuts loq'uel ta stojol ateclumal li yajvaltac banamil li'i; ja' laj avac'be o yu'uninic li smomnich'nabtac Abrahame, ja' ti lec ono'ox laj ac'opan aba achi'uque.

Salmos 27:14

Junuc avo'nton ta stojol li Muc'ul Diose. Tsotsan me, paso ta tsots avo'nton. Ta melel junuc avo'nton malao chascoltaot li Muc'ul Diose.

Daniel 10:19

Jech laj yalbun: ‘Vo'ot ti lec c'anbilote mu xaxi', junuc avo'nton, ich'o lec atsatsal, cuxo lec avo'nton’, xiyutun. “C'alal jech laj yalbune, te lic ayinuc jtsatsal, jech laj calbe: ‘Cajval, c'opanun, yu'un laj xa avac'bun jtsatsal’, xcut.

Hageo 2:4

Ajvalil Zorobabel, tsotsan me. Banquilal pale Josué, oyuc lec stsatsal avo'nton. Jteclum, aq'uic me persa. Abtejanic, vu'un li' chajchi'inoxuc”, xi li Muc'ul Dios ti tspas ta mantal scotol te ta vinajele.

Zacarías 8:9

Jech chal noxtoc li Muc'ul Dios ti tspas ta mantal scotol te ta vinajele: “Oyuc me stsatsal avo'ntonic vo'oxuc ti laj ava'yic c'usi laj yalic li j'alc'opetic c'alal lic yich' liquesbel snacleb sventa chich' cha'va'anel jch'ulna, vu'un li Muc'ul Diosun ti ta jpas ta mantal scotol te ta vinajele.

Números 26:53

“Ti c'u yepal i'och ta vun sbiic li viniquetique, ja' me jech chich' voc'bel li yosilique.

Números 33:53

Ich'ic li banamile; loq'uesic batel scotol li jnaclumetic tee. Vo'oxuc te xcom naclanic, yu'un vu'un cac'ojboxuc ta ac'obic sventa te chanaquiic.

1 Corintios 16:13

Q'uelo me abaic, j'ech'el me oyuc o xch'unojel avo'ntonic. Lec me tsots xapas abaic ta sventa li Cajvaltique; aq'uic me persa.

Efesios 6:10

Slajeb xa chacalboxuc tal, oyuc me lec atsatsalic ta sventa ti jun oyoxuc xchi'uc li Cajvaltique, xchi'uc ta sventa li svu'el ti toj ech'em stsatsale.

Deuteronomio 1:21

Q'uelavilic, li osil li'i yac'ojboxuc xa ta ac'obic li Dios cu'untique. Ochanic batel. Ich'ic li avosilic jech chac c'u cha'al yaloj ono'ox li Muc'ul Diose, ja' li Dios yu'un jmoltotactic ta vo'onee. Mu me xaxi'ic. Mu me xchibaj avo'ntonic’, xacutoxuc.

Deuteronomio 1:8

Yu'un laj xa cac'boxuc ta ac'obic scotol li osil le'e. Ochanic batel; ich'ic li avosilique, ja' ti laj ono'ox calbe amoltotic Abraham, Isaac, xchi'uc Jacob ta vo'one ti chcac'beic xchi'uc smomnich'nabique’, xijyututic.

Deuteronomio 11:8

“Ch'unic me scotol li mantaletic li' laj calboxuc ava'yique, yu'un jech chata ep atsatsalic, xchi'uc jech xu' chavich'ic li banamil bu chbat apojique.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

2 Timoteo 2:1

Ja' yu'un vo'ot ti jnich'onot chca'ye, tsatsubuc me lec avo'nton ta sventa li c'uxubinel ataoj ta sventa Jesucristoe.

Josué 1:18

Li boch'o ta sbaj amantale, ti mu sc'an xch'un c'usi chavalbe, ac'o milatuc. Ja' no'ox ta jc'antic ti ac'o oyuc lec stsatsal avo'nton, ti mu me xaxi'e —xiic.

Josué 1:7

Ja' no'ox chacalbot ti ac'o oyuc lec stsatsal avo'ntone; mu me xaxi'. C'otuc me ta pasel avu'un li jmantaltac ti laj yalbot comel li Moisese. Paso me scotol; mu me xacomtsan me jutuc, yu'un jech lec chbat avu'un scotol li c'usitic chapase.

Josué 1:9

Q'uelavil, vu'un jtuc chacalbot. Tsotsan me; oyuc me lec stsatsal avo'nton. Mu me xaxi'; mu me xchibaj avo'nton. Vu'un chajchi'inot scotol c'ac'al buyuc no'ox chabat, vu'un li Muc'ul Diosun avu'une”, xut.

Josué 10:25

Li Josuee jech laj yalbe: “Mu me xaxi'ic; mu me xlo'ilaj avo'ntonic. Tsc'an oy lec stsatsal avo'ntonic; tsc'an mu xlo'ilaj avo'ntonic. Yu'un li Muc'ul Diose ja' jech co'ol ta spas batel ta stojol scotol avajcontraic ti bu chapasic batel pleitoe”, xut.

Josué 13:6

Scotol li boch'otic te nacajtic ta vitsetic xlic ta Líbano c'alal to ta Misrefot-maime xchi'uc scotol li sidonetique, vu'un jtuc ta jnuts loq'uel ta stojol li achi'iltac ta israelale; ta xculesic o scotol. Li vo'ote, ja' xa no'ox xavoc'be yosilic scotol li achi'iltaque, ja' ti bu xloc' ta canal tajimol yu'unique. Ja' yu'unic chcom o jech chac c'u cha'al calojbot ono'oxe.

Josué 18:3

Li Josuee jech laj yalbe scotol li israeletique: “¿Baq'uin to chamalaic ch-och ta ac'obic li banamil ti yac'ojboxuc Muc'ul Dios, ja' li Dios yu'un jmoltotactic ta vo'onee?

Josué 21:43

Li Muc'ul Diose ja' jech laj yac'be yich'ic yosilic li israeletique yu'un jech ono'ox yalojbe ta jamal li smoltotaquic ta vo'onee. Jech laj yich'ic; te inaquiic o.

Josué 5:6

Ta sventa ti cha'vinic (40) jabil ixanovic tal ta xocol banamil li israeletique, jech ichamic xa scotol li boch'otic xu' xa'ox yu'unic pleito c'alal iloq'uic tal ta Egiptoe. Yu'un la sbajbeic smantal li Muc'ul Diose, ja' yu'un li Diose laj yal ta jamal ti mu'yuc ch-ochic o ta banamil ti bu yalojbe ono'ox smoltotic ta vo'one chac'bee; ja' li jun banamil ti bu ta xloc' ep ya'lel xchu' vacax, xchi'uc pom jech chac c'u cha'al ta xloc' vo'e.

1 Samuel 4:9

Filistaetic, ich'o me lec avabtejebic cha'e. Tsots me vinic xapas abaic; ma'uc me xijcom ta smozo li hebreoetic jech chac c'u cha'al laj to'ox jmozointique. Batic, bat jpastic pleito”, xiic.