Josué 1:1 - Bible in Tzotzil de Chenalhó with Deuterocanon

¹ C'alal chamen xa'ox li yajtunel Muc'ul Diose, ja' li Moisese, li Muc'ul Diose lic sc'opan li Josuee, ja' li yajcoltaubbail ono'ox ta abtel li Moisese, ja' li xnich'on Nune. Jech laj yalbe:

Bible in Tzotzil de Chamula

¹ C'alal cham ti Moisés ti ja' yajtunel to ox ti Diose, jech ti Diose xi laj yalbe ti Josué ti ja' xnich'on ti Nune, ti yajcoltaobba ti Moisese:

Josué 1:1 Iomraidhean Croise

1 Reyes 19:16

Xchi'uc li Jehú, smomnich'on Nimsie, jaxbo aceite ta sjol sventa ch-och ta ajvalilal te ta Israel. Jech noxtoc li Eliseo, xnich'on Safat liquem ta Abel-meholae, jaxbo aceite ta sjol sventa ch-och ta j'alc'op. Ja' aq'uexol chcom.

2 Reyes 3:11

Li Josafate jech laj yal: —¿Me mu'yuc junuc yaj'alc'op Muc'ul Dios li'i, yu'un ac'o jac'betic c'usi tsc'an li Muc'ul Diose? —xi. Oy jun xchi'il ta abtel li ajvalil ta Israele jech laj yal: —Li' oy li Eliseo, xnich'on Safat, ti la xchi'in to'ox ta abtel li Eliase —xi.

Nehemías 8:17

Scotol li boch'otic isutic tal ta chuquel ta yan banamile la spasic li xyaxnaique. Toj xcuxet yo'ntonic, yu'un mu'yuc ono'ox baq'uin jech spasic q'uin; ja'o no'ox la spasic c'alal cuxul li Josué xnich'on Nune.

Éxodo 24:13

Li Moisese imuy batel te ta vits yu'un li Diose. La xchi'in muyel li Josuee, ja' li scoltaubbail ta abtele.

Números 11:28

Ja' yu'un li Josué, xnich'on Num, ti ta sbic'tal ono'ox lic scolta tal ta abtel li Moisese. Jech laj yal: —Cajval Moisés, pajeso yu'un mu me spasic jech —xi.

Números 12:7

Pero li cajtunel Moisese, mu'yuc jech ta jpasbe, yu'un li stuque ja' toj lec tuc' yo'nton ta scotol li cajtuneltaque.

Números 13:16

Scotol le'e ja' itacatic batel yu'un Moisés yu'un bat sq'uelic c'u x'elan li banamile. Li Oseas, xnich'on Nune, la sjel li sbie, ja' xa Josué ic'ot sbi.

Números 13:8

Li yane ja' Oseas, xnich'on Nun, liquem ta jchop yu'un Efraín.

San Lucas 16:10

“Li boch'o lec xtojob ta sventainel li c'usi mu'yuc tsots sc'oplale, ja' no'ox jech lec xtojob ta sventainel noxtoc li c'usi tsots sc'oplale. Yan li boch'o mu xtojob ta sventainel c'usi mu'yuc tsots sc'oplale, ja' no'ox jech mu xtojob ta sventainel li c'usi tsots sc'oplale.

Hechos 7:45

Jech laj yich'ic o comel li jmoltotactique. Ja' yu'un li boch'otic i'ic'atic ochel tal yu'un Josué li' ta yosilal yanlumetic ti la snutsbe loq'uel yajvaltac li Diose, la xcuchic tal li ch'ulna pasbil ta nucule. Ja' itun yu'unic o c'alal to i'och ta ajvalilal li Davide.

Romanos 1:1

Vu'un Pabloun, vu'un yajtunelun li Jesucristoe. Ic'bilun sventa li'och ta yajtacbolal. Voc'bilun o ta xcholel li Lequil A'yej ta sventa Diose.

Deuteronomio 1:38

Ja' ch-och ta aq'uexol li avajcoltaubbail Josuee, ja' li xnich'on Nune. Patbo me yo'nton yu'un ja' chlic yac'be ta sc'obic achi'iltac ta israelal li osil le'e.

Deuteronomio 31:23

Li Muc'ul Diose lic yalbe mantal noxtoc li Josué, ja' li xnich'on Nune, jech laj yalbe: “Tsotsan me, mu me xaxi'. Yu'un vo'ot chavic' ochel scotol achi'iltac ta israelal te ta banamil ti bu caloj ono'ox chcac'beique. Oyuc me stsatsal avo'nton, vu'un chajchi'inot”, xut.

Deuteronomio 31:3

Pero li Muc'ul Dios cu'untique ja' ba'yucbe chbat avu'unic. C'alal chajelovic batele, ja' ta stsalboxuc batel scotol yajvaltac li muc'tic lumetique yu'un jech chavich'beic scotol li slumalique xchi'uc li yosilalique. Ja' ba'yucbe ta xbat avu'unic li Josuee yu'un ja' banquilal ta xcom avu'unic jech chac c'u cha'al yaloj ono'ox li Muc'ul Diose.

Deuteronomio 33:1

C'alal jutuc xa'ox sc'an xcham li Moisese, ja' li yajtunel Diose, laj yac'be bendición scotol li xchi'iltac ta israelale.

Deuteronomio 34:12

Xchi'uc mu'yuc boch'o yan jech xco'laj yabtelic jech chac c'u cha'al ti toj muc'tic, ti toj tsotsic c'usi la spas ta stojol scotol li israeletique.

Deuteronomio 34:5

Li Moisese, ja' li yajtunel Diose, te icham ta Moab jech chac c'u cha'al albil ono'ox yu'un Muc'ul Diose.

Deuteronomio 34:9

Li Josué xnich'on Nune, la sta ep sbijil ta stojol li Moisese. Yu'un li Moisese laj ono'ox yac' sc'ob ta sjol li Josuee. Jech li israeletique lic xch'unbeic smantal li Josuee, xchi'uc la spasic scotol li c'usi albil ono'ox yu'un Muc'ul Dios li Moisese.

SUN TITO 1:1

Vu'un Pabloun, yajtunelun Dios xchi'uc yajtacbolalun li Jesucristoe, yu'un jech ac'o xch'unic li boch'otic t'ujbilic yu'un Diose, xchi'uc ac'o yotquinic li c'usi melele, jech chac c'u cha'al jch'unojtique.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

Josué 1:15

Ja' to me i'ac'bat li yosilic yu'un Muc'ul Dios bu xu' chcux yo'ntonic ec jech chac c'u cha'al laj xa ataic li vo'oxuque, xchi'uc me ja' xa yajvalic ic'ot o li banamil bu chich'ique, ja' to xu' chasutic tal ta avosilic li' ta jot uc'um Jordán ta stuq'uil sloq'ueb c'ac'ale, yu'un jech chtal avich'ic o ta j'ech'el li banamil ti laj yac'boxuc comel li Moisese, ja' li yajtunel Diose —xut.

Josué 1:2

“Ta sventa ti icham xa li cajtunel Moisese, li' ta orae vo'ot xa chavic' jelovel ta jot uc'um Jordán scotol li achi'iltac ta israelale yu'un chabatic xa te ta banamil ti bu chacac'boxuque.

Josué 12:6

Scotol le'e ja' la stsal li Moisés xchi'uc israeletique. Li yosilalique ja' laj yac' comel ta c'abal li Moisese. Ja' laj yac'be comel li jchop liquemic ta Rubén, ta Gad, xchi'uc li o'lol jchop liquemic ta Manasese.

Apocalipsis 1:18

Vu'un ti jtalel cuxulun oe. Licham, pero licha'cuxi; cuxulun o sbatel osil. Vu'un jventainoj scotol. Vu'un oy ta jc'ob sllavial li lajele xchi'uc li yavil animaetique.