Jonás 4:3 - Bible in Tzotzil de Chenalhó with Deuterocanon

³ Ja' yu'un, Muc'ul Dios, ta jc'anbot vocol ti ac'o amilun ta orae, yu'un ja' lec chca'ay ti chichame; mu xa jc'an ti li' to cuxulune —xut.

Bible in Tzotzil de Chamula

³ Jech o xal un, Cajval, avocoluc, tuch'bun ti jch'iel jc'opojele, ja' to jech xlaet ta xca'i ti ta xicham xilaje. Toj altic ti li' to cuxulune.”

Jonás 4:3 Iomraidhean Croise

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Eclesiastés 7:1

Me lec jc'oplaltique, ja' xjelov slequil jech chac c'u cha'al lequil perfume. Me ta xa xijchamutique, ja' lec; ja' vocol li boch'o ja' to chvoq'uique.

Eclesiastés 7:9

Mu me ta aniluc no'ox xa'ilin, yu'un li ilinele ja' jech stalelic li boch'otic bolique.

Jeremías 8:3

Ti c'u to yepal cuxul chcomic li chopol cristianoetic le'e, mu xa sc'an ti cuxulique, ja' xa no'ox tsc'an xchamel slajelic te ta banamil ti buyuc no'ox ta jpuquic batele. Vu'un chcal jtuc, vu'un li Muc'ul Diosun ti ta jpas ta mantal scotol te ta vinajele”, xi.

Jonás 4:4

Li Muc'ul Diose jech laj yal: —¿Me ja' lec chava'ay ti toj ep cha'iline? —x'utat.

Jonás 4:8

C'alal iloc' c'ac'ale, la stac tal tsots q'uixin ic' li Diose. Jech bats'i c'ux c'ac'al laj ya'ay li Jonase. Ic'ac' ta jyalel li sjole, jech ta xa x'alub laj ya'ay. Jech la snop ti ja' lec ac'o chamuc oe, jech laj yal: —Ja' lec ac'o xa chamcun; mu xa xnel chca'ay ti li' to cuxulune —xi.

Números 11:15

Me jech vu'un chavac'bun o jventain batele, ja' lec pojbun jch'ulel me ta melel c'uxun ta avo'ntone yu'un jech mu xa me xquil li epal vocoletique —xi li Moisese.

Números 20:3

Jech laj yalbeic li Moisese: —Ja' lec ti co'oluc chamcuncutic jchi'uc li yantic jchi'iltactic ti ichamic ta stojol Muc'ul Diose.

1 Corintios 9:15

Pero li vu'une mu'yuc bu quich'oj li c'usi sc'oplal xu' chquich'e. Ti jech ta jts'ibaboxuc tale, ma'uc yu'un ta jc'an jech ac'o apasbicun. Me oy boch'o tsc'an tsoques li c'usi toj jun co'nton ta jpase, ja' lec ac'o chamcun.