Jonás 4:2 - Bible in Tzotzil de Chenalhó with Deuterocanon

² Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Bible in Tzotzil de Chamula

² Xi lic c'opojuc ti'inuc ta stojol ti Diose: “Q'uelo avil, Cajval, yu'un ja' no'ox jech laj cal ti jech ono'ox ta xc'ot ta pasel c'alal tey to ox oyun ta jlumale. Jech o xal ta jc'an ox ta xijatav batel ta anil ti ta jteclum Tarsise. Yu'un jna' lec ti ja' jun Diosot ti oy sts'iquemal xcuchemal avu'une, ti mu xana' xa'ilin ta anile. Ac'o mi xacaj'al xtoc ti ta xatsitsvane, ts'acal to un, ta xasutes aba ta sventa ti mu no'ox albajuc ti syail xc'uxul avo'ntone.

Jonás 4:2 Iomraidhean Croise

1 Reyes 19:4

Jech te ibat ta xocol banamil; ja' jun c'ac'al ixanov batel. Te ic'ot chotluc ta yolon jpets mes te'. La sc'an ti te ac'o chamuque, jech laj yal: “¡Muc'ul Dios, li' no'ox c'alale, milun ta ora! Muc vu'cun toj lecun jech chac c'u cha'al li jmoltotaque”, xut li Muc'ul Diose.

Salmos 103:8

Li Muc'ul Diose ja' jc'anvanej, ja' jc'uxubinvanej stuc; c'unc'un chlic sc'ac'al yo'nton, ja' toj muc' li c'uxubinel yu'une.

Salmos 145:8

Li Muc'ul Diose toj muc' yo'nton, toj ep c'uxubinel yu'un; mu sna' xlic sc'ac'al yo'nton ta ora, yu'un ja' toj muc' li c'uxubinel yu'une.

Salmos 78:38

Pero li Diose ja' jc'uxubinvanej o, jech ipasbatic perdón li smulique; muc j'ech'eluc x'ulesatic o. Li Diose ep velta la sts'ic li sc'ac'al yo'ntone; muc j'ech'eluc x'ilin o ta stojolic.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Salmos 90:13

Muc'ul Dios, la' me sutan tal ta jtojolcutic, ¿Me chajalij to ep c'ac'al? La' c'uxubino li avajtuneltac li'i.

Éxodo 32:14

Ja' yu'un li Muc'ul Diose te lic yal ti mu'yuc ta smil scotol li jteclum yu'une.

Jeremías 18:8

Pero me ta sutes yo'nton yu'un smulique, mu'yuc ta xcac'be tal li c'usi chopol jnopoj chcac'bee.

Jeremías 20:7

Muc'ul Dios, ja' no'ox laj alo'laun, jech laj cac' jba ta lo'lael ec. Toj ech'em avu'el, jech laj atsalun. Scotol c'ac'al na'lebilun, tse'intabilun avu'un.

Jeremías 26:13

Ja' yu'un li' ta orae, lecubtasic li atalelique xchi'uc li c'usi chapasique; ja' ch'unbeic c'usi chal li Muc'ul Dios cu'untique, jech mu'yuc chayac'boxuc li tsots vocol ti yaloj chayac'boxuque.

Jeremías 42:10

‘Me jun avo'ntonic ch'anxachi nacaloxuc li' ta avosilalique, ta jva'anoxuc lec; mu'yuc ta jbutq'uinoxuc. Ta jts'unoxuc lec; mu'yuc ta jbuloxuc loq'uel. Yu'un laj xa jsutes co'nton ta sventa li c'usi chopol la jpasboxuque.

Amós 7:3

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel jech —xi.

Amós 7:6

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel —xi li Cajvaltic Diose.

Jonás 1:3

Pero li Jonase ijatov loq'uel ta stojol li Muc'ul Diose, chbat ox ta lum Tarsis. Jech te iyal batel ta Jope, la stsac batel jun barco ti chbat ta Tarsise. Te la stoj spasaje, i'och batel, co'ol ibatic xchi'uc li boch'otic chbatic ta Tarsise, yu'un tsc'an ti nom xa oy ta stojol li Muc'ul Diose.

Jonás 3:10

C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Jonás 3:9

Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

San Lucas 10:29

Li vinique mu sc'an tsalel, jech laj yalbe li Jesuse: —¿Boch'o li jchi'ile? —xut.

Deuteronomio 4:31

mu'yuc chascomtsanoxuc. Mu'yuc chayulesoxuc yu'un li stuque toj lec yo'nton. Mu xch'ay ta yo'nton li c'usi xchapanoj ono'ox xchi'uc li amoltot ayame'ic ta vo'onee, yu'un yaloj ono'ox ti chc'ot ta pasele.