Jonás 3:6 - Bible in Tzotzil de Chenalhó with Deuterocanon

⁶ Li a'yej le'e ic'ot c'alal ta stojol li ajvalil te ta lume. C'alal laj ya'ye, la snit loq'uel li sc'u' sventa ajvalilale; la slap c'u'il sventa at-o'nton ti c'ux ta lapele, xchi'uc iyal ta xchotleb, ichoti ta tantic.

Bible in Tzotzil de Chamula

⁶ C'alal c'ot ta stojol ti lo'il a'yeje, ti ajvalil yu'un ti jteclum Nínivee laj yicta comel ti bu chotol ta spas mantale. Laj sloc' ti sc'u' ti slapoj to ox sventa ajvalilale. Lic slap lajemal c'u'il ec. Lic xchotan sba ta lumtic xtoc.

Jonás 3:6 Iomraidhean Croise

1 Reyes 21:27

C'alal laj ya'ay li Acabe, la sli' sc'u', lic slap c'u'il sventa at-o'nton ti ch'ixlajan ta lapele; laj yicta yixim noxtoc. Ja' jech slapoj o ivay; bats'i toj biq'uit laj yac' sba.

Job 2:8

Li Jobe ibat xchotan sba ta tantic; la stsac svoc'olil bin, la xjux sba o.

Job 42:6

Ja' yu'un ta jsutes co'nton ta atojol; li' ta xcac' jba ta pucuctic, ta tantic —xi li Jobe.

Isaías 15:3

Slapojic batel sc'u'ic ta xoraltic ti ch'ixlajan ta lapele; xme'etic no'ox ta oq'uel ta yamaq'uil sjol snaic. Xvicte-victeic no'ox ta oq'uel ta ch'ivitetic yu'unic; solel xlaj xtu'p xa yo'ntonic ta oq'uel.

Jeremías 13:18

“Jech xavalbe ya'ay li ajvalile xchi'uc li sme'e: ‘Biq'uit xavac' abaic; mu xa me xachotiic ta achotlebic; chotlanic xa no'ox ta lumtic, yu'un li acoronaic sventa ich'biloxuc o ta muq'ue yalem xa ta banamil.

Jeremías 36:13

Li Micaiase te lic xchol scotol li c'usitic laj ya'ay ta balbil vun ti laj yapta ta stojol scotol jteclum li Baruque.

Jeremías 36:24

Li ajvalil xchi'uc li j'abteletic yu'une mu'yuc bu ixi'ic, mu'yuc bu la sli' sc'u'ic, mu'yuc bu laj yat yo'ntonic c'alal laj ya'yic c'usi chal li balbil vune.

Jeremías 6:26

Jchi'iltac, lapic c'u'il sventa at-o'nton ti ch'ixlajan ta lapele. Balo abaic ta tan, ato avo'ntonic, oc'tao abaic, jech chac c'u cha'al li boch'o chcham xnich'on ti c'ajumal jun xnich'on oye, yu'un ta xa me xtal li jmilvanej ta jtojoltique.

Lamentaciones 2:10

Li banquilaletic ta Sione ch'an xi te chotajtic ta banamil; chaq'uic ts'u'ilum ta sjolic, tslapic c'u'il sventa at-o'nton. Li stsebetic te ta Jerusalene tsnijan sbaic yalel c'alal ta banamil.

Lamentaciones 3:29

Ac'o no'ox spatan sba ta banamil, yu'un jech xu' to tsta li coltaele.

Ezequiel 26:16

Scotol li banquilaletic ta lumetic ta ti'ti' nabe, ta xyalic ta xchotlebic; ta sloq'uesic li snatil c'u'ique, xchi'uc li sc'u'ic ti lec luchtabilique. Ta xchotiic ta lumtic ta scoj xi'el, solel xniclajetic ta axi'elal; chbat xch'ulelic ti c'alal chayilicote.

Daniel 9:3

Jech te lic cac' jsat ta stojol li Cajvaltic Diose. La jc'anbe vocol, laj quicta ixim, la jlap c'u'il sventa at-o'nton, xchi'uc la jchotan jba ta tantic.

Miqueas 1:10

Mu me xavalic batel ta stojol cajcontratic ta lum Gat; mu me xavac'beic yil ti cha'oq'uique. Te no'ox baletanic ta pucuctic ta Bet-le-afra.

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Lucas 10:13

“¡Toj abul aba, lum Corazín! ¡Toj abul aba lum Betsaida! Ti lajuc yilic la jpas sq'uelubil jtsatsal ec li yanlum cristianoetic ta lum Tiro xchi'uc ta lum Sidón jech chac c'u cha'al laj avilic li vo'oxuque, la slapic ch'ixlajan c'u'il sventa at-o'ntonal, xchi'uc la xchotan sbaic ta tantic, la sutes yo'nton yu'un smulic ti jechuque.