Jonás 3:10 - Bible in Tzotzil de Chenalhó with Deuterocanon

¹⁰ C'alal laj yil Dios li c'usi la spasique, ti la sutes yo'ntonic ta sventa li c'usitic chopol tspasique, jech lic lecubuc yo'nton ta stojolic, muc spasbe o li c'usi snopoj xa'ox tspasbee.

Bible in Tzotzil de Chamula

¹⁰ Laj yil ti Dios ti jech laj spasique, ti laj yictaic comel ti c'usi chopol ta spasique, ti laj sutes sbaic ti jech yanijem ti sjol yo'ntonique. Mu'yuc xc'ot ta pasel yu'un ti scaj'aloj xa ox ti ta xac'be ti svocolique.

Jonás 3:10 Iomraidhean Croise

1 Crónicas 21:15

Li Muc'ul Diose la stac batel yaj'almantal yu'un ac'o yules li Jerusalene. C'alal ja'o yochel yulesele, li Muc'ul Diose toj abul sba laj yil, jech lic c'uxubajuc ta yo'nton. Jech laj yalbe li yaj'almantale: “Xu' xa o; mu xa xamil”, xut. Li j'almantale te xa'ox oy batel ta yav smajubil strigo li Ornán jebuseo vinique.

Éxodo 32:14

Ja' yu'un li Muc'ul Diose te lic yal ti mu'yuc ta smil scotol li jteclum yu'une.

Proverbios 28:13

Li boch'o ta smuc smule mu'yuc lec chbat; yan li boch'o jamal chal, xchi'uc me tscomtsane, ch'aybil chc'ot smul.

Isaías 30:18

Pero li Muc'ul Diose chasmalaoxuc, yu'un tsc'an chaxc'uxubinoxuc. Li stuque oy ta yo'nton chac' avilic ti sc'anojoxuque, yu'un li Muc'ul Diose ja' Dios ti tuc' yo'ntone. Xcuxet no'ox yo'ntonic li boch'otic ja' no'ox tspat yo'ntonic o ta stojole.

Jeremías 18:7

Ta jliquel no'ox xu' ta jbul loq'uel, ta jip loq'uel, o me ta xcules li jun muc'ta lum xchi'uc li ajvalil te tspas mantale.

Jeremías 18:8

Pero me ta sutes yo'nton yu'un smulique, mu'yuc ta xcac'be tal li c'usi chopol jnopoj chcac'bee.

Jeremías 36:3

Naca me ja' to jech xlic scomtsan c'usi chopol tspas li judaetic c'alal me cha'yic scotol c'u x'elan li vocol ta jtacbe tal ta stojolique; jech xu' ta jpasbe perdón li smulique, li xchopolilique”, x'utat.

Jeremías 42:10

‘Me jun avo'ntonic ch'anxachi nacaloxuc li' ta avosilalique, ta jva'anoxuc lec; mu'yuc ta jbutq'uinoxuc. Ta jts'unoxuc lec; mu'yuc ta jbuloxuc loq'uel. Yu'un laj xa jsutes co'nton ta sventa li c'usi chopol la jpasboxuque.

Joel 2:13

Ja' li'o li avo'ntonique; mu ja'uc xali' li ac'u'ique. Suteso avo'ntonic ta stojol li Muc'ul Dios avu'unique, yu'un li stuque toj lec yo'nton, ja' jc'uxubinvanej. Toj vocol chlic sc'ac'al yo'nton, ja' toj muc' li c'uxubinel yu'une; toj vocol cha'ay ti chac' stojol mulile.

Amós 7:3

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel jech —xi.

Amós 7:6

Li Muc'ul Diose muc to spas li c'usi snopoj tspase, jech laj yal: —Mu'yuc chc'ot ta pasel —xi li Cajvaltic Diose.

Jonás 4:11

¿Me mu ja'uc jech chc'uxubaj ta co'nton ec li muc'ta lum Nínive ti ech'em ta vacvinic ta mil (120,000) ololetic te oyic ti mu to sna'ic bu sts'etc'obic xchi'uc bu sbats'ic'obique, xchi'uc ti bats'i ep sts'unub yovolic te oye? —xi li Diose.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

San Lucas 11:32

Li boch'otic te nacajtic ta lum Nínive ta vo'onee, ja' ta sva'an sbaic ta scontrainelic noxtoc; ja' ta xalic ti tsots smulique. Yu'un li stuquique la sutes yo'ntonic ti c'alal icholbatic sc'op Dios yu'un li Jonase. Pero li Boch'o li' oy ta orae, ja' xjelov yabtel jech chac c'u cha'al li Jonase.

San Lucas 15:20

Jech isut batel ta sna li stote. “C'alal nom to'ox x'ech' batele, i'ilat yu'un li stote. Li totile ic'uxubaj ta yo'nton li xnich'one. Ibat ta anil, bat snup ta be; la smey, la sts'uts'.