Jonás 2:9 - Bible in Tzotzil de Chenalhó with Deuterocanon

⁹ Yan li vu'une xi'avet no'ox chlic quich'ot ta muc', chlic cac'bot amoton. Li c'usi caloj ta atojole ta jpas. Yu'un vo'ot no'ox atuc xu' avu'un chacoltaun”, xi la sc'opan Dios li Jonase.

Bible in Tzotzil de Chamula

⁹ Ti vu'une, c'ajomal xa no'ox jun yutsil ta xloc' ta que ti colaval, xacute, ti ja' jun lequil milbil matanal ta xcac'bote; ta xc'ot ta pasel cu'un xtoc ti oy c'usi laj calbote. C'ajomal no'ox vo'ot, Dios, ti xana' xapojvane.”

Jonás 2:9 Iomraidhean Croise

Génesis 35:3

Batic ta ora ta Betel yu'un te chbat jpasbe scajleb smoton Dios sventa chquich' ta muc', yu'un ja' la scoltaun ti c'alal oy jvocole, xchi'uc ja' la xchi'inun ti buyuc no'ox lixanove —xut.

2 Samuel 15:7

C'alal i'ech' chanib jabile, li Absalone jech laj yalbe li ajvalile: —Ajvalil, avocoluc ac'un batel ta Hebrón, yu'un chbat jpas li c'usi caloj ta stojol Muc'ul Diose.

Job 22:27

Xu' chac'opan; chaya'ibot ac'op, jech xu' chlic apas li c'usi avaloj ta jamal ta stojole.

Salmos 107:22

Milbeic smoton sventa chatojbeic ta vocol; cuxetuc no'ox avo'ntonic albeic batel slequil yutsil li c'usitic spasoje.

Salmos 27:1

Li Muc'ul Diose ja' luz c'otem cu'un, ja' jcoltavanej cu'un, jech mu'yuc boch'o xu' chixi' yu'un. Li Muc'ul Diose ja' sventainojbun jcuxlejal, jech mu'yuc boch'o xu' chistic'bun xi'el ta co'nton.

Salmos 3:8

Muc'ul Dios, vo'ot no'ox xu' chacoltavan. Ac'bo bendición li jteclum avu'une.

Salmos 50:14

Li jmoton chavac'bicune ja' no'ox sventa chatojbicun ta vocol; ja' sventa ac'o c'otuc ta pasel avu'unic li c'usi avaloj chapasic ta jtojole.

Salmos 50:23

Li boch'o colaval xiyutune, yu'un yich'ojun ta muc', li boch'o li' oy o ta jtojole, ja' ta jcolta”, xi li Diose.

Salmos 68:20

Li Dios cu'untique ja' no'ox jun Dios ti chcoltavane, xchi'uc ja' xu' yu'un chiscoltautic ta sventa lajel.

Salmos 95:2

La'etcutic no'ox c'alal chij'och batel ta stojol; jq'uejintatic q'ueojetic sventa chquich'tic ta muc'.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Jeremías 33:11

Pero ta to xlic vinajuc ti xla'etic no'oxe, ti tse'ej lo'ilic no'ox ta xcuxetel yo'ntonique, xchi'uc ta to xlic vinajuc ti oy q'uin nupinel ta sventa querem tsebetique, xchi'uc ti oy boch'o jech chalique: ‘Albeic slequilal li Muc'ul Dios ti ja' tspas ta mantal scotol te ta vinajele, yu'un ja' toj lec yo'nton, yu'un sbatel osil mu xlaj o c'uxubinel yu'un’, ti xiique. Xchi'uc ta to xvinaj oy boch'o chaq'uic matanal sventa tstojic ta vocol te ta jch'ulna. Yu'un ta to xquiq'uic sutel tal li boch'otic chucbil ibatic ta yan banamile, tstaic yan velta jech chac c'u cha'al ono'ox ta sliquebale. Vu'un chcal jtuc vu'un li Muc'ul Diosune”, xi.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

San Juan 4:22

Li vo'oxuque mu xavotquinic li boch'o chavich'ic ta muq'ue. Yan li vu'uncutique ja' chquich'cutic ta muc' li boch'o lec xcotquincutique. Yu'un li mero coltaele te chlic ta stojol li judioetique.

Hechos 4:12

Yu'un mu'yuc bu yan xu' ta jtatic coltael; mu'yuc boch'o yan albil sc'oplal yu'un Dios li' ta banamil ti xu' chijcolutic yu'une —xi li Pedroe.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Deuteronomio 23:18

Li taq'uin tstaic tal ta sventa muliletique, mu me xavaq'uic ti ja' tstojic te ta xch'ulna Muc'ul Dios li c'usi avalojic xa chatojique, yu'un li c'usi tspasique toj chopol chil li Diose.

Hebreos 13:15

Jech tsc'an scotol c'ac'al ac'o calbetic slequilal Dios ta sventa li Jesucristoe. Ja'uc smoton Dios chc'ot cu'untic ti chquich'tic ta muq'ue, ti chloc' ta quetic ti ja' Cajvaltique.

Apocalipsis 7:10

Tsots i'avanic: “Ti lijcolutic xae, ja' ta sventa li Dios cu'untic li' chotol ta muc'ta chotlebale, xchi'uc ta sventa li Ch'ium Chije”, xiic.

1 Samuel 12:21

Mu me ja'uc xbat ats'aclinic li c'usi mu ja'uc Diose, ti mu xu' yu'un chascoltaoxuque, yu'un mu ja'uc mero Dios ta melel.