Jonás 2:6 - Bible in Tzotzil de Chenalhó with Deuterocanon

⁶ Liyal batel c'alal to ta yibel li vitsetique; te la smacun o, la smucun o ta j'ech'el li banamile. Pero li vo'ote, Dios cu'un, xu' chacoltaun loq'uel ta sventa li lajele.

Bible in Tzotzil de Chamula

⁶ Limut'ij yalel ti bu xa c'alal spajeb snatil ti xabe; laj ca'i xa ox ti chucbil ta xicom yu'un sbatel osile. Ja'uc ti vo'ot une, Cajval Dios, laj apojun ti jech ta xa xichame.

Jonás 2:6 Iomraidhean Croise

Job 33:24

me jech chlic yalbe li Diose: ‘C'uxubino li vinique; coltao xa, yu'un jech mu xbat ta ch'en, yu'un laj xa jtabe xq'uexol sventa smul’, me xute,

Job 33:28

La spojun jech muc xibat ta ch'en, jech li' to ta jq'uel saquil osil yu'un’, xi chlic yal.

Salmos 104:6

Li natil muc'ta nabe ja' la smuc scotol li banamile; li vo'e ja' sc'u' ic'ot ya'yel li banamile; ijelov ta sba yac'ol vitsetic li vo'etique.

Salmos 104:8

Ijelovic batel ta ba vitsetic; iyalic batel ta soplejaltic; ibat staic li yavilic bu laj avalbee.

Salmos 116:3

La sts'otun ta xch'ojon li lajele; lit'ab xa ta svocolal li yavil animaetique; laj xa xchucun ep vocol xchi'uc at-o'nton.

Salmos 143:7

Muc'ul Dios, tac'bun ta ora no'ox li jc'ope, yu'un ch-alub xa li co'ntone. Mu me xanac' asat ta jtojol; mu me xic'ot jech chac c'u cha'al li boch'otic chich'ic xa muquele.

Salmos 16:10

Yu'un muc teuc chacomtsanun o ta jmuquinal; mu'yuc chavac'be yil c'u x'elan c'a'el li ach'ulnich'one.

Salmos 18:5

La sts'otun ta snucul xch'ojon li yavil animaetique; la syacun ta syoc li yavil animaetique.

Salmos 30:3

Muc'ul Dios, laj aloq'uesun tal ta sventa lajel; laj to avac' cuxicun, jech muc xibat ta ch'en.

Salmos 30:9

¿C'usi chata c'alal me licham, me li'och xa'ox ta ch'ene? ¿Me yu'un xu' to chalbot alequilal li ts'u'ilume? ¿Me yu'un xu' to chal ti puru melelic c'usi chapase?

Salmos 55:23

Dios cu'un, li jmilvanejetique li jlo'lavanejetique mu xcuxiic o; me j'o'loluc mu sc'upin ya'yic li xcuxlejalique, yu'un chavac' ochicuc yalel ta ch'en sventa ch'ayel, pero li vu'une ja' no'ox jpatoj co'nton o ta atojol.

Salmos 65:6

Vo'ot aventainoj lec ta avu'el ta atsatsal li muc'tiquil vits ti jech lec oye.

Salmos 69:2

Ta xa ximuc ochel ta natil ach'eltic chca'ay; mu'yuc xa bu xu' ta jtec'an li cacane. Laj xa jta jun natil nab; ta xa xixcuchun batel li yipe.

Isaías 38:10

Jech la jnop: Ac'o me o'lol to x'ech' batel li coraile, persa chibat ta ch'en; smelol sjam no'ox ti jayib c'ac'al cuxulune.

Isaías 38:17

Li bats'i tsots jvocol le' olon tale, ic'ataj xa ta jun co'nton. Vo'ot laj acoltaun ta sventa lajel; laj avac' ta apat ta axocon li jmule.

Isaías 40:12

¿Boch'o la sbis jayloch'el ta sc'ob ya'lel li muc'ta nabe? ¿Boch'o la sbis, boch'o la xch'ixta c'u sjamlej li vinajele? ¿Boch'o la sbis jaymoch li spucucal banamile? ¿Boch'o la sbis ta sbisubil c'u yalal li muc'tic vits xchi'uc li bic'tal vitsetique?

Ezequiel 26:20

Ta xcac' ochan yalel yo' bu oyic li boch'otic chamenique; ja' chbat achi'in li boch'otic ep xa jabil sjelovel li' ta banamile. Ta xcac'ot yalel ta mero yutil banamil te ti bu xch'ijan o sbatel osile, jech te chachi'in o ta naclej li boch'otic batemic ta muquinaltique. Mu'yuc xa bu chavich' va'anel o; mu'yuc xa bu chanaqui o li' ta banamil yo' bu nacajtic li boch'otic cuxajtique.

Ezequiel 31:14

Jech mu xa xlic ch'iicuc ec li yantic te'etic te ch'iemic ta ti'uc'ume, jech mu xc'ot sni'ic c'alal to ta pimil toquetic, jech mu spat yo'ntonic ti lec nat chbatic c'alal me ch'iemic ta ti' uc'ume. Yu'un scotol chapal sc'oplal chchamic, ch-ochic batel ta yut banamil; jmoj chbatic xchi'uc li boch'otic ch-ochic ta ch'ene.

Habacuc 3:10

C'alal laj yilicot li vitsetique, iniquic ta xi'el; ijelov tsatsal chauquil vo' ta sbaic. Li muc'ta nabe tsots ibac'; toyolic no'ox stoy muyel sc'ob.

Habacuc 3:6

Chva'i, tsniques li banamile. C'alal tsq'uel osile, ta xnic li jujun banamile. Li muc'tic vits ti te ono'ox oy tal ta vo'onee chlilij scotol. Li stselejtic ti te ono'ox tselajtic oe ta x'ulan scotol. Yan li c'usitic tspas Diose mu sna' xlaj sc'oplal.

San Mateo 16:18

Ja' yu'un chacalbot ec, vo'ot Pedroot, vo'ot ja' jechot jech chac c'u cha'al ton. Vo'ot ta aba ta jliques cabtel sventa ta jtsob li jch'unolajeletic cu'une. Mu xu' tstsalatic yu'un stsatsal svu'el li lajele.

Deuteronomio 32:22

Li sc'ac'al co'ntone tsanem jech chac c'u cha'al c'oc'. Ta to stsan batel c'alal to ta yavil animaetic. Ta xchic' li banamile xchi'uc li sat c'usi ch'iemique. Ta xac'be sc'ac'al li snaclebtac vitsetique.