Jonás 2:4 - Bible in Tzotzil de Chenalhó with Deuterocanon

⁴ Ja' yu'un la jnop ti jipbil tenbilun xa loq'uel avu'une, ti mu xa xquil o yan velta li ch'ulna avu'une.

Bible in Tzotzil de Chamula

⁴ Laj ca'i ti tenbil liloc' ta atojole; laj xa ox jnop ti mu xa cha'bel xquil ti ach'ulnae.

Jonás 2:4 Iomraidhean Croise

1 Reyes 8:42

ti puquem ac'oplal, vinajem ti ech'em amuc'ul atsatsale, me chtal sc'anbicot vocol li' ta ch'ulna avu'une,

1 Reyes 8:48

Yu'un me ta scotol sjol yo'ntonic tsutes yo'ntonic ta atojol te ta banamil ti bu chucbilic batel yu'un li yajcontraique, me chlic sc'opanicot, me tsq'uelic tal bu stuq'uil li banamil ti laj avac'be jmoltotcutic ta vo'onee, xchi'uc bu stuq'uil li lum t'ujbil avu'une, xchi'uc li ch'ulna la jpas ta aventae,

1 Reyes 9:7

ta jloq'uesoxuc batel li' ta banamil ti bu cac'ojboxuque, xchi'uc ta jloq'ues batel li ch'ulna ti ts'u'iltasbil cu'une. Ta xlic slabanoxuc yantic lumetic.

2 Crónicas 6:38

Yu'un me ta scotol sjol yo'nton tsutes yo'ntonic ta atojol yan velta te ta banamil ti bu chucbilic batele, me chlic sc'opanicot, me tsq'uelic tal bu stuq'uil li banamil laj avac'be jmoltot jyame'cutic ta vo'onee, xchi'uc stuq'uil li lum at'ujoje, xchi'uc li ch'ulna la jpasbote,

Salmos 31:22

Jech la jnop ti c'alal ja'o mu xa xnel jvocol laj ca'ye: “Yu'un xa van la sjipun loq'uel ta stojol”, xichi. Pero c'alal xi'avet, xivocolet ta atojole, laj ava'ibun li jc'ope.

Salmos 42:8

Pero ta c'ac'altique chatacbun tal li c'uxubinel avu'une; ta ac'ubaltique chavac'bun jun lec q'ueoj ta jtojol. Mu xipaj o ta ac'opanel, vo'ot li Diosot yu'un jcuxlejale.

Salmos 5:7

Pero li vu'une ta slequil avo'nton xu' chi'och ta ch'ulna avu'un; xu' chaquich'ot batel ta muc' ta scotol co'nton ta stuq'uil li ch'ulna avu'une.

Salmos 88:6

Laj xa avac'un yalel ta natil ch'en ti toj ic' yut xchi'uc ti toj nate.

Salmos 88:7

Li' xa jcuchoj o li sc'ac'al avo'ntone; laj xa svuts'q'uinun yalel li tsatsal vo' laj avac' yalel tale.

Isaías 38:17

Li bats'i tsots jvocol le' olon tale, ic'ataj xa ta jun co'nton. Vo'ot laj acoltaun ta sventa lajel; laj avac' ta apat ta axocon li jmule.

Isaías 49:14

“Li Sione jech to'ox laj yal: ‘Li Muc'ul Diose la scomtsanun; li Cajvale la ch'ayun ta yo'nton’, xi.

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Jeremías 7:15

Ta jloq'uesoxuc ta jtojol, jech chac c'u cha'al la jloq'ues ta jtojol li avuts' avalalic, ja' li smomnich'nabtac Efraine’, xi.

Lamentaciones 3:54

Solel limuc ta vo' jcotlijil; laj nop ti te xa licham oe.

Ezequiel 37:11

Jech lic yalbun li Muc'ul Diose: “Xnich'on cristiano, li taqui-baquetic le'e, ja' li jun lum Israele. Jech chalic: ‘Itaquijan xa o li jbaquiltique; ich'ay xa batel li smuc'ul co'ntontique, lajemutic o jcotoltic’, xiic.

Daniel 6:10

C'alal laj ya'ay Daniel ti laj xa yac' lec sfirma li ajvalile, i'och batel ta sna; la sjambe lec sventanail li svayab na ti sq'ueloj batel ta stuq'uil Jerusalene. La sc'opan Dios oxib velta ta c'ac'al; la squejan sba, laj yich' ta muc', la stojbe ta vocol jech chac c'u cha'al tspas ono'oxe.

Jonás 2:7

Li' ta orae chca'ay ti ta xa xichame, ja' yu'un chajtaot ta na'el Muc'ul Dios cu'un. Ta jna' ti chc'ot c'alal ta ach'ulna li jc'ope.