Jonás 1:9 - Bible in Tzotzil de Chenalhó with Deuterocanon

⁹ Itac'ov li Jonase: —Vu'un hebreo vinicun; ja' quich'oj ta muc' li Muc'ul Diose, ja' li Dios ti la spas vinajele, ja' li boch'o la spas li nabe xchi'uc li banamile —xi.

Bible in Tzotzil de Chamula

⁹ Xi tac'batic yu'un ti Jonase: “Hebreoun, ja' jnijanoj jchimanoj jba ta stojol ti Ajvalile, ja' ti Dios ti oy ta vinajele, ti smeltsanoj ti nabe xchi'uc ti banomile.”

Jonás 1:9 Iomraidhean Croise

Génesis 1:10

Ti bu taquin icome “banamil” la sbiin. Li vo' bu la stsoban sbae “nab” la sbiin. Li Diose toj lec laj yil scotol.

Génesis 14:13

Pero oy jun vinic icol to batel; ja' bat yalbe ya'ay ta ora Abram ja' li hebreo vinic te nacal ta toyolal tulantic yu'un Mamree, ja' li amorreo vinique. Li Mamree ja' xchi'iltac ta voq'uel li Escol xchi'uc li Anere. Li viniquetic le'e ja' co'ol tscolta sbaic ta pleito xchi'uc li Abrame.

Génesis 24:7

Li Muc'ul Diose, ja' li Dios ta vinajel ti la sloq'uesun tal ta sna li jtote xchi'uc ta yosilal li cuts' calaltaque, xchi'uc ti laj yalbun ta jamal ti chac'be jmomnich'nabtac li banamil li'i, ja' ta stacbot tal yaj'almantal, ja' ba'yucbe ta xbat avu'un ta sa'bel yajnil li jnich'one.

Génesis 39:14

laj yic'an ta ora li smozotac te oyic ta snae, jech laj yalbe: —Q'uelavilic, li jmalale laj yic'butic tal jun Hebreo vinic yu'un tal yixtanutic ta c'op. Te i'och sq'uelun yu'un tsc'an chiyuts'intaun, pero li vu'une tsots li'avan.

2 Reyes 17:25

Ta sventa ti mu'yuc yich'ojic ta muc' Muc'ul Dios li cristianoetique, jech c'alal lic naquiicuc tee, li Muc'ul Diose la stac tal leonetic, jech oy imilatic, iti'atic jayibuc.

2 Reyes 17:28

Oy jun pale ti chucbil iloc' batel ta Samariae; isut batel yan velta, te c'ot nacluc ta Betel. Te lic chanubtasvanuc c'u x'elan ta ich'el ta muc' li Muc'ul Diose.

Esdras 1:2

“Vu'un Ciroun, ajvalilun li' ta Persia, chacalboxuc tal mantal: Li Muc'ul Dios yu'un vinajele yac'ojbun jventain scotol li ajvaliletic ta banamile, xchi'uc laj yalbun ti ac'o yich' meltsanel jun ch'ulna ta Jerusalén ta yosilal Judae.

Esdras 5:11

Pero jech laj yalbuncutic: ‘Li vu'uncutique ja' no'ox chquich'cutic ta muc' li Dios yu'un vinajel banamile, xchi'uc ja' ta jcha'va'ancutic li ch'ulna ti pasbil ono'ox yu'un muc'ta ajvalil ta Israel ta vo'onee.

Nehemías 1:4

C'alal laj ca'ye, lichoti, lic coc'ta jba. Oy jayibuc c'ac'al la cat co'nton ta sventa; laj quicta ixim, la jc'opan li Dios te oy ta vinajele.

Nehemías 2:4

Jech laj yalbun: —¿C'usi chac'an un? —xiyutun. Jech te lic jc'opan ta co'nton li Dios ta vinajele.

Nehemías 9:6

Jech lic yalic: “Muc'ul Dios, vo'ot no'ox atuc Diosot, mu'yuc boch'o yan. Vo'ot laj apas li vinajel xchi'uc li jayc'ol ta ven toyol oye, xchi'uc li c'usitic te oye. Vo'ot laj apas li banamile xchi'uc scotol li c'usitic te oye. Vo'ot laj apas li nabetique xchi'uc scotol c'usitic te oye. Vo'ot laj avac' ayinuc scotol li c'usitic oye. Scotol li c'usitic oy ta vinajele chayich'icot ta muc'.

Job 1:9

Itac'ov li banquilal pucuje: —Muc jechuc no'ox ti lec yich'ojot ta muc' li Jobe.

Salmos 136:26

Ja' lec tojbeic ta vocol Dios ti te oy ta vinajele, yu'un sbatel osil mu xlaj o li c'uxubinel yu'une.

Éxodo 1:15

Jech noxtoc li faraone la stac ta iq'uel li Sifra xchi'uc Fúa; ja' li jnet'umetic yu'un li yajnil israeletique, jech laj yalbe:

Éxodo 2:13

Ta yoc'omal iloc' batel noxtoc. Te laj yil tsmaj sbaic chib hebreo viniquetic. Jech la sjac'be li boch'o chmajvane: —¿C'u yu'un ti chamaj achi'il ta israelale? —xut.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

Oseas 3:5

Ts'acal to ja'o chlic sutes yo'ntonic, chlic sa'ic li Muc'ul Dios yu'unique, chlic sa'ic li smomnich'on Davide, ti ja' ajvalil yu'unique. Ta slajebtic batel c'ac'ale ta xlic yich'ic ta muc' li Muc'ul Diose, jech ta xich'ic scotol li c'usitic ac'bilic yu'une.

Hechos 14:15

—Viniquetic, ¿c'u yu'un jech chapasic? yu'un co'ol cristianoutic. Ti litalcutic li'i, ja' tal calcutic ava'yic ti tsc'an chacomtsanic yich'el ta muc' li c'usi mu'yuc stue. Tsc'an ja' chatalic ta stojol li cuxul Dios ti la spas vinajel banamile, xchi'uc li nabe, xchi'uc scotol li c'usitic oye.

Hechos 27:23

Yu'un ta ac'ubaltic naxe, i'ay sc'opanun jun yaj'almantal li Dios ti quich'oj ta muq'ue, ti chitun yu'une.

Filipenses 3:5

Yu'un ta xvaxquibal c'ac'al jvoq'uel laj quich' circuncisión. Vu'un mero sts'unubalun israel. Liquemun ta jchop yu'un Benjamín. Vu'un mero hebreoun, mero xnich'onun hebreo. Vu'un fariseoun, vu'uncutic ti bats'i tsots sc'oplal chca'icutic li smantal Diose.

Apocalipsis 11:13

C'alal ja'o jech ic'ot ta pasele, ital tsots niquel. Ep ivuc' li naetic ta lume. Jun ta lajlajuneb ivuc' ta scotol. Li cristianoetique vucmil ichamic ta scoj li niquele. Li yantique ixi'ic ta jyalel; laj yalbeic slequilal li Dios ta vinajele.

Apocalipsis 15:4

Cajval, mu'yuc boch'o ti mu xi' ta atojole; mu'yuc boch'o ti mu xal alequilale. Yu'un vo'ot no'ox atuc Ch'ul Diosot. Scotol cristianoetic ta jujun banamil chtal squejan sbaic ta atojol, yu'un ivinaj xa ti ta melel tuc' chachapanvane”, xiic.

Apocalipsis 16:11

Pero te ono'ox chchopolc'opojic o ta stojol Dios ta vinajel ta scoj xc'uxul li c'a'al chinetique. Muc ono'ox sutes yo'ntonic o.