Jonás 1:8 - Bible in Tzotzil de Chenalhó with Deuterocanon

⁸ Ja' yu'un jech lic sjac'beic: —Alo ca'icutic c'u yu'un ti jech oy li jvocoltic li'i. ¿C'usi avabtel? ¿Bu liquemot tal? ¿Bu avosilal, bu lumal liquemot tal? —xutic.

Bible in Tzotzil de Chamula

⁸ Va'i un, xi lic yalbeique: “Albun ca'icutic c'usi smelol ti jech tal ti c'usi chopol ta jtojoltique. ¿C'u cha'al ti li' oyote? ¿Bu liquemot talel? ¿Bu jteclumal talemot? ¿C'usi sbi ti ats'unubale?”

Jonás 1:8 Iomraidhean Croise

Génesis 47:3

Li faraone jech la sjac'be li sbanquiltac Josee: —¿C'usi avabtelic li vo'oxuque? —xut. Itac'ovic: —Li vu'uncutique, ajvalil, ja' cabtelcutic sts'unel chij jech chac c'u cha'al li jtot jme'cutic ta vo'onee.

Santiago 5:16

Ja' yu'un jamal xavalbe abaic li amulique, talbat xac'opanbe abaic Dios ta atojolic, yu'un jech chacolic. C'alal tsc'opan Dios boch'o tuc' yo'ntone, oy lec stsatsal li sc'ope.

Josué 7:19

Li Josuee jech laj yalbe li Acane: —Quits'in Acán, ac'o ta ich'el ta muc' li Muc'ul Dios cu'untic, vu'utic li israelutique. Ac'o vinajuc slequilal avu'un. Jamal xavalbun li c'usi laj apase; mu me xamuc ta avo'nton —xut.

1 Samuel 14:43

Li Saule jech laj yalbe li Jonatane: —Albun ta jamal li c'usi laj apase —xut. Li Jonatane jamal laj yal: —Ta melel la jlo' juteb li pom la jluch loq'uel ta jte' te quich'oje. Pero li' oyune, xu' chicham —xi.

1 Samuel 30:13

Li Davide jech lic sjac'be: —¿Boch'o avajval? ¿Bu liquemot tal? —xut. Itac'ov: —Vu'un egipto vinicun. Vu'un smozoun jun Amalec vinic. Yoxibal xa c'ac'al li' la scomtsanun li cajvale yu'un li'ipaj.