Jonás 1:6 - Bible in Tzotzil de Chenalhó with Deuterocanon

⁶ Li banquilal yu'un j'abteletic ta barcoe ibat yo' bu oy li Jonase, jech laj yalbe: —¡C'usi chapas tee, me' jvayel! Lican, c'opano li Dios avu'une, naca me ja' chixc'uxubinutic to, yu'un jech mu xijchamutic —xut.

Bible in Tzotzil de Chamula

⁶ Va'i un, ti banquilal j'abtel yu'un ti barcoe, bat bu oy ti Jonase, ti xi laj yalbee: “¿C'usi ta xapas ti jun avo'nton batem ach'ulel ta vayel li'e? Lican, c'opojan, ti'inan ta stojol ti adiose. Xu' nan ta xlic svul yo'nton ta jtojoltic ti ta xlic stic' sba ta jpojeltique.”

Jonás 1:6 Iomraidhean Croise

2 Samuel 12:22

Itac'ov li Davide: —C'alal cuxul to'ox li olole, laj quicta ixim; laj coc'ta, yu'un la jnop ti oy yic'al chixc'uxubinbun to li Diose, ti ta to xac' cuxiuque.

Ester 4:16

“Batan te ta lum Susa; tsobo scotol li jchi'iltactique; ac'o yictaic ixim sventa chacoltaicun. Mu me c'usi xave'ic; mu me c'usi xavuch'ic oxib c'ac'al xchi'uc oxib ac'ubal. Ja' jech ta jpascutic ec xchi'uc li jquiarataque. Ja'o chibat ta stojol li ajvalile ac'o me mu jechuc chal li mantale. Me te lichame, ac'o chamcun”, xut batel.

Salmos 107:6

C'alal toj abul sba laj ya'yique, lic avanicuc ta stojol li Muc'ul Diose, jech icoltaatic ta sventa li svocolique.

Salmos 78:34

C'alal imilatic yu'un Diose, ja' to te lic yich'ic ta muc' li Diose. Scotol yo'ntonic la sa'ic, jech isutic o tal ta stojol.

Isaías 3:15

¿C'usi avabtelic, vo'oxuc ti chajipic ta lum li jteclumale, ti chapech'beic ta teq'uel sat li me'onetique?”, xi li Muc'ul Dios ti ech'em svu'ele.

Ezequiel 18:2

“Li achi'iltac ta israelale te chalilanic o tal li lo'il jech chac li'i: ‘C'alal tslo'ic pajal ts'usub li totiletique, ja' sijlajet stanal yeic li nich'naletique’, xiic.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Amós 5:15

¡Contrainic li c'usitic chopole! ¡Ja' c'anic li c'usi leque! Tuc' me xachapanvanic. Oy yic'al jech xu' chlic to xc'uxubin scomelal smomnich'nab José li Muc'ul Dios ti tspas ta mantal scotol te ta vinajele.

Jonás 3:8

Ja' xa no'ox ac'o jlaptic c'u'il sventa at-o'nton ti c'ux ta lapele; c'alal ta jts'unub covoltic tsots xa'oq'uic ta stojol li Diose. Comtsanic li chopol be atamojic jujunoxuque xchi'uc scotol li tsatsal uts'intael chapasique.

Jonás 3:9

Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.

Hechos 21:13

Li Pabloe jech laj yal: —¿C'u yu'un chavoc'taicun? ¿C'u yu'un chavaq'uic cat co'nton? Li vu'une xu' te chichucat; xu' te chicham ta Jerusalén ta scoj li Cajvaltic Jesuse —xi.

Romanos 13:11

Ti jech tsc'an chapasique, yu'un chavilic li c'usi chc'otan xa ta pasele. Ja' xa yorail ta jvic' lec jsatic, yu'un li' ta orae nopol xa x'ech' tal ta jtojoltic li coltaele; mu jechuc jech chac c'u cha'al c'alal lic jch'untique.

Efesios 5:14

Ja' yu'un chc'ot ta pasel ti jech albil sc'oplale: “Lican, vo'ot ti vayemote; totsan tal ta stojol li animaetique, jech chlic yac' xojobal ta atojol li Cristoe”, xi.