Jonás 1:4 - Bible in Tzotzil de Chenalhó with Deuterocanon

⁴ Pero li Muc'ul Diose la sliques muc'ta ic' te ta nab, bats'i tsots ta jyalel li iq'ue; la snopic ti te xa chvoc' o ta nab li barcoe.

Bible in Tzotzil de Chamula

⁴ C'u stu un, ti Diose laj yac' taluc tsots ic' ti xjumet no'ox liquel xchi'uc ya'lel ta o'lol ti nabe, ti tsots ta j'ech'el ti co'ol xa s'elan yilel ta xlic lilijuc ti barcoe.

Jonás 1:4 Iomraidhean Croise

Salmos 135:6

Scotol c'usi tsc'an tspas li Muc'ul Diose ta spas, me ta vinajel, me ta banamil, me ta nabetic, o me ta yutil nabetic, xu' yu'un tspas scotol.

Salmos 135:7

Ja' chac' toyuc muyel li toquetic te oy ta jujujot sti' banamile; ja' chac' bac'uc noxtoc li chauquetic li sacsevuletic sventa chtal vo'e; ja' tsloq'ues tal ta yavil noxtoc li muc'tic iq'ue.

Salmos 148:8

vo'oxuc c'oq'uetic ta vinajel, botetic, tayoetic, job osiletic, xchi'uc vo'oxuc muc'tiquil iq'uetic, chauquil vo'etic ti chapasbeic c'usi tsc'an li Muc'ul Diose.

Éxodo 10:13

Li Moisese la stoy snamte' ta sba li Egipto banamile, jech li Muc'ul Diose laj yac' taluc tsots ic' ta sloq'ueb c'ac'al. Ta c'ac'al ta ac'ubal xpujet no'ox loq'uel tal li ic' te ta Egipto banamile. Ta yoc'omal c'alal chloc' tal li ic' ta sloq'ueb c'ac'ale, te xcuchoj tal epal c'ulubetic.

Éxodo 10:19

Ja' yu'un li Muc'ul Diose la stac tal tsots ic' ta smaleb c'ac'al; ja' la xcuch batel li epal c'ulubetique. Te to c'ot yac' chamuc ta Tsajal Nab. Me jcotuc c'ulub mu'yuc xcom ta scotol li Egiptoe.

Éxodo 14:21

Li Moisese la stoy sc'ob ta sba li nabe, jech li Muc'ul Diose laj yac' taluc tsots ic' ta sloq'ueb c'ac'al. Sbejel ac'ubal ven tsots li iq'ue. Jech la svoc' sba ta o'lol li nabe. Taquin icom li banamil ta yut nabe.

Éxodo 15:10

Pero li vo'ote laj ajuch'ta, jech ibic'atic ochel yu'un li nabe; imuctsajic yalel ta muc'ul nab jech chac c'u cha'al ton.

Jeremías 51:16

Ta sc'op no'ox ti tsots xc'ululet tspas li vo' ta vinajele. Ja' ta xac' muyuc ta toyol li toquetic ti oy ta jujujot sti'il banamile; ja' ta xac' noxtoc li sacsevuletic c'alal chac' vo'e; ja' ta sloq'ues tal noxtoc li iq'uetic te ta yavil yu'une.

Amós 4:13

Yu'un li Boch'o la sva'an li vitsetic xchi'uc ti laj yac' li iq'ue, xchi'uc ti chac'be sna' cristianoetic li c'usi snopoj ta sjol ta yo'ntone, ti xu' yu'un ta sc'atajes ta ic' osil li sac osile, ti oy ta sc'ob scotol li c'usitic oy ta banamile, ja' Muc'ul Dios sbi ti tspas ta mantal scotol te ta vinajele.

Números 11:31

Li Muc'ul Diose la stac tal tsots ic' ta nab, te xcuchoj tal epal x'ubetic. Te iyal ti bu scarpanaique xchi'uc ta spat xocon li scarpanaique. Ti c'u snatil la smac ti bu c'alal iyal li x'ubetique, ja' jun c'ac'al sbelal ta sjoylijil li scarpanaique. Li x'ubetique peq'uel no'ox xviletic. Oy no'ox junuc metro stayal.