Jonás 1:2 - Bible in Tzotzil de Chenalhó with Deuterocanon

² “Lican, batan ta muc'ta lum Nínive; albo ya'ay ti ta jlajes li lume, ic'ot xa c'alal ta jtojol li smulique”, x'utat.

Bible in Tzotzil de Chamula

² “Lican, va'lan, batan ta muc' ta jteclum Nínive. Caj'albo ya'i ti ta jtubbe sc'oplale, yu'un sc'oplal ti xchopolalique, vul xa ta jtojol.”

Jonás 1:2 Iomraidhean Croise

Génesis 10:11

C'alal iloc' batel ta Sinare, ibat ta Asiria, ja' te lic spas li lum Nínive, Rehobot-Ir, Cala,

2 Reyes 19:36

Li Senaquerib, ajvalil ta Asiriae, itots batel ta scarpana; isut batel ta Nínive.

2 Crónicas 28:9

Te oy jun j'alc'op yu'un Muc'ul Dios, Obed sbi. Iloc' snup ta be li soldadoetic c'alal ch-ochic xa'ox batel ta Samariae, jech laj yalbe: —Li Muc'ul Dios yu'un jmoltotactic ta vo'onee i'ilin ta stojol li Judae, jech laj yac' ta ac'obic. Pero li vo'oxuque laj amilic ta sc'ac'al avo'ntonic; ic'ot xa c'alal ta vinajel ti jech laj apasique.

Esdras 9:6

jech laj calbe: “Dios cu'un, toj ep chiq'uexov ta atojol. Mu xa jna' c'usi chacalbot, yu'un bats'i ep li jmulcutique; jeloven xa c'alal ta jolcutic, c'otem xa c'alal ta vinajel.

Isaías 37:37

Ja' yu'un li Senaquerib ajvalil ta Asiriae, iloc' batel ta scarpana; isut batel ta Nínive, te inaqui.

Isaías 58:1

Jech laj yalbun noxtoc li Muc'ul Diose: “Tsots xa'avan, mu me x'ech' avo'nton; tsots xa'avan jech chac c'u cha'al oq'ues. Albo ya'yic ta jamal smulic li jteclumale; albo ta jamal ti ja' mero jbajmantaletic li smomnich'nab Jacobe.

Jeremías 20:9

Me jech chcale: “Mu'yuc xa chic'opoj ta sventa li Muc'ul Diose; ta jip ta co'nton o”, me xichie, li ac'ope chlic tsanuc ta co'nton jech chac c'u cha'al c'oc'; ta xc'ac'ub c'alal ta jbaquiltac. Ta jc'an ta jpajes jba ta yalel li ac'ope, pero mu xu' cu'un.

Ezequiel 2:7

Albo ono'ox ya'yic li c'usi laj cale, ac'o me sc'an, me mu sc'an xa'yic, yu'un jna'oj ti ja' mero jbajmantaletic oe.

Oseas 7:2

Mu snopic ti jna'ojbe scotol li smulique. Setubil chc'otic yu'un li c'usi tspasique, yu'un scotol c'ac'al oy ta jsat.

Jonás 3:2

“Lican, batan ta muc'ta lum Nínive; bat albo ya'yic li c'usi laj calbote”, x'utat.

Jonás 3:3

Jech ilic li Jonase; ibat ta muc'ta lum Nínive jech chac c'u cha'al i'albat yu'un li Muc'ul Diose. Li Ninivee bats'i muc'ta lum ta jyalel, bats'i jamal; ta oxib to c'ac'al chlaj jxantic scotol.

Jonás 4:11

¿Me mu ja'uc jech chc'uxubaj ta co'nton ec li muc'ta lum Nínive ti ech'em ta vacvinic ta mil (120,000) ololetic te oyic ti mu to sna'ic bu sts'etc'obic xchi'uc bu sbats'ic'obique, xchi'uc ti bats'i ep sts'unub yovolic te oye? —xi li Diose.

Miqueas 3:8

Yan li vu'une noj chicom ta svu'el li espíritu yu'un Muc'ul Diose, xchi'uc noj chicom ta sventa c'usitic tuc' xchi'uc ta sventa stsatsal co'nton, yu'un jech xu' chcalbe c'u x'elan stoyobbail li Jacobe, xchi'uc c'u x'elan smul li Israele.

Nahúm 1:1

Li vun li'i ja' sc'oplal c'usi chc'ot ta pasel ta Nínive ti i'ac'bat yil li Nahúm liquem ta Elcose.

Nahúm 3:19

Mu'yuc bu xtaaj xpoxil o li atuch'emale; mu stac' poxtael o li ac'a'emale. Scotol li boch'o cha'yic c'u x'elan avocole xcuxet xa yo'ntonic, ta spac' sc'obic. Yu'un scotol laj yich' svocolic yu'un li achopolil ti mu'yuc spajebale”, xi li Muc'ul Diose.

San Mateo 10:18

Ic'bil chabatic c'alal ta stojol ajvaliletic xchi'uc ta stojol muc'tic ajvaliletic, pero vu'un ta jcoj, jech xu' te cha'yic o batel jc'oplal, xchi'uc jech xu' te cha'yic o batel yanlumetic noxtoc.

San Mateo 12:41

C'alal tsta yorail chapanele, ta xliquic li cristianoetic ta Ninivee, ja' chc'otic jech chac c'u cha'al jchapanvanej yu'unic li cristianoetic li'i, ja' ta xalic c'u x'elan chcomic. Yu'un li niniveetique la sutes yo'ntonic ti c'alal icholbatic sc'op Dios yu'un li Jonase. A'yo ava'yic, ja' li' oy ta atojolic li boch'o xjelov yabtel jech chac c'u cha'al li Jonase.

Santiago 5:4

A'yo ava'yic, li scomelal stojol aviniquic ta c'aoj ti muc ts'acaluc laj atojic batele, sbats'ilic avanel. Li yavanelic jc'aojetique ic'ot ta stojol Cajvaltic ti ech'em svu'ele.

Apocalipsis 18:5

Yu'un li smule la stsob xa sba ta jyalel; ic'ot xa c'alal ta vinajel. Ja' yu'un li Diose mu xch'ay ta yo'nton li c'usitic toj chopol tspase.