Jonás 1:14 - Bible in Tzotzil de Chenalhó with Deuterocanon

¹⁴ Jech lic avanicuc ta stojol li Muc'ul Diose, jech laj yalic: “Muc'ul Dios, ta jc'ancutic vocol ta atojol ti mu me xichamcutic ta sventa li vinic li'i. Me mu'yuc smule, mu me xavac' jmulincutic ti me ichame. Yu'un li vo'ote, Muc'ul Dios, jech tsc'an avo'nton li c'usi chc'ot ta pasele”, xiic.

Bible in Tzotzil de Chamula

¹⁴ Va'i un, xi c'opoj ti'inic liquel ta stojol ti Diose: “Dios, mu teyuc no'ox aq'ueloj ta xichamcutic ta scoj ti vinic li'e. Yan ti mi mu'yuc ti smule, mu xacajan ta jbacutic ti jech ta xchame. Ti vo'ote, Dios, ja' ta xapas ti c'usi lec ta xava'ie.”

Jonás 1:14 Iomraidhean Croise

Génesis 9:6

“Me oy boch'o ta smil jun vinique, ta xmilat yu'un yan vinic ec, yu'un li vinique ja' sloc'obal Dios.

Salmos 107:28

C'alal toj abul sba laj ya'yique, lic avanicuc ta sc'anbel vocol li Muc'ul Diose, ja' yu'un li Muc'ul Diose la scolta ta sventa li svocolique.

Salmos 115:3

Li Dios cu'untique te oy ta vinajel; ja' tspas scotol li c'usitic tsc'an ta spase.

Salmos 135:6

Scotol c'usi tsc'an tspas li Muc'ul Diose ta spas, me ta vinajel, me ta banamil, me ta nabetic, o me ta yutil nabetic, xu' yu'un tspas scotol.

Isaías 26:16

C'alal oy jvocolcutique, chajsa'otcutic; c'alal laj avac'bun jvocolcutique, la jc'opanotcutic.

Jonás 1:13

Pero li j'abteletic ta barcoe laj to yaq'uic persa xlechuel batel ta ti'nab, yu'un tsc'an chbat staic banamil, pero muc xu' yu'unic, yu'un yo'to itsatsub ta jyalel li iq'ue; solel net'bilic o batel.

Jonás 1:16

Li j'abteletic ta barcoe bats'i ep laj yich'ic ta muc' li Muc'ul Diose; la smilbeic smoton, xchi'uc oy c'usi jamal laj yalic ta stojol ti tspasique.

Jonás 1:5

Li j'abteletic ta barcoe ixi'ic ta jyalel; te lic sc'opan sdiosic jujunic. Li yicats barcoe la sjipic yalel ta nab, yu'un jech mu'yuc ol chcom li barcoe. Pero li Jonase te yalem batel ta yavil icatsiletic; jun yo'nton te chvay, solel pim batem li svayele.

Jonás 3:8

Ja' xa no'ox ac'o jlaptic c'u'il sventa at-o'nton ti c'ux ta lapele; c'alal ta jts'unub covoltic tsots xa'oq'uic ta stojol li Diose. Comtsanic li chopol be atamojic jujunoxuque xchi'uc scotol li tsatsal uts'intael chapasique.

San Mateo 11:26

Lec oy Tati, yu'un jech la sc'an avo'nton”, xi.

Hechos 28:4

C'alal laj yilic yajvaltac banamil ti te xjoq'uet ta sc'ob orachon li Pabloe, jech laj yalbe sbaic: “Ja' jmilvanej li vinic li'i. Ac'o me icol loq'uel tal ta nab, pero li dios cu'untique mu xac' cuxiuc; ta persa ono'ox ta xac'be stoj smul”, xut sbaic.

Efesios 1:11

Jech noxtoc ja' ta sventa Cristo ti laj xa yu'uninuncutic ec li Diose, yu'un t'ujbiluncutic ono'ox yu'un ta vo'one, yu'un jech la sc'an yo'nton stuc. Yu'un li stuque tspas scotol c'usitic oy ta yo'nton.

Efesios 1:9

Laj xa yac'butic jna'tic li c'usi snopoj ta vo'one ti mu'yuc boch'o la sna'e. Ja' li c'usi chapal ono'ox yu'un stuc chac' c'otuc ta pasele.

Deuteronomio 21:8

Muc'ul Dios, pasbo perdón li jchi'iltaque yu'un ja' ateclumal. Vo'ot laj acolta tal. Mu me xavac'be smulinic ti icham li jun vinic ti mu'yuc smule’, ac'o xiicuc. Jech mu xich'ic ich'bel sc'opic ta sventa ti icham li jun vinique.