Joel 3:8 - Bible in Tzotzil de Chenalhó with Deuterocanon

⁸ Ta xlic jchonbe aquerem atsebic ec li judaetique; ja' xa ta xchonbeic batel ec li sabetique, ja' li jun banamil ti bats'i nome. Vu'un chcal jtuc, vu'un li Muc'ul Diosune”, xi li Muc'ul Diose.

Bible in Tzotzil de Chamula

⁸ Ti aquerem atsebique, ta jchon batel ta stojol ti judaetique yo' jech ti stuquique, ta xchonic batel ta stojol ti sabeoetique, ti ja' jun jnamal jteclume. Jech xa loc' ta que ti vu'un Diosune.

Joel 3:8 Iomraidhean Croise

Job 1:15

te iloq'uic tal li sabetique; laj yelc'anic batel li vacaxetique, la smilic comel ta espada li amozotaque. Jtuc xa no'ox licol tal sventa tal calbot li c'usi ic'ot ta pasele —xut.

Salmos 72:10

Li ajvaliletic ta Tarsis xchi'uc ta ti'ti' nabe, ac'o tal yac'beic smoton; Li ajvaliletic ta Sabá xchi'uc ta Sebae, ac'o tal yac'beic c'usitic oy yu'unic.

Isaías 60:14

Li xnich'nab boch'otic laj yac' avocolique chlic sbic'tajes sbaic ta atojol; li boch'otic la slabanicote chlic squejan sbaic ta atojol. Ja' ‘Lum yu'un Muc'ul Dios’, ja' ‘Vits Sión yu'un li Ch'ul Dios yu'un Israele’, xi chlic yalic ac'oplal.

Jeremías 30:16

Pero li boch'otic chayuts'intaoxuque ta xcac' ta uts'intael ec; li avajcontrataque chucbil ta xbatic ta yan banamil ec. Li boch'otic la spojboxuc batel c'usitic oy avu'unique ta xich'ic pojbel c'usi oy yu'unic ec. Li boch'otic laj yelc'an c'usi oy avu'unique ta xich'ic elc'anbel batel c'usi oy yu'unic ec.

Jeremías 6:20

¿C'usi stu cu'un ti chiyich'bicun tal li pom liquem tal ta Sabá xchi'uc li c'usitic toj muic yic' liquem tal ta namal banamile? Li matanal chixchic'bicune mu stac' tsaquel; li milbil matanal chiyac'bicune mu'yuc stu chquil”, xi.

Ezequiel 23:42

Ivinaj xvochlajetic epal cristianoetic, ja' j'uch'poxetic ic'bilic tal ta xocol banamil. Vul st'ujumtasic li antsetique; laj yac'beic xoj ste'el sc'obic xchi'uc scoronail sjolic.

Ezequiel 38:13

Li Sabá, li Dedán, xchi'uc li jmanulajeletic jchonolajeletic ta Tarsise xchi'uc li banquilaletic yu'unique jech chasjac'boxuc: ¿Me latalic ta elec'? ¿Me latsob tal scotol avajsoldadotac yu'un tal avich' batel li c'usitic oye? ¿Me tal aloq'ues batel scotol li c'anal taq'uin, li saquil taq'uin, li ts'unub ovolil xchi'uc scotol li yantic c'ulejalile?, xayutoxuc’, xi li Diose.

Deuteronomio 32:30

¿C'uxi ivu' yu'un ti jun no'ox la snuts batel ta anil jmile? ¿C'uxi ivu' yu'un ti chib no'ox ijatov batel ta anil yu'unic lajunmile? Ja' no'ox ta sventa li Muc'ul Diose, ja' li Jchabivanej yu'unique. Ja' laj yac'be ta sc'obic li yajcontraique.

Jueces 2:14

Jech tsots i'ilintaatic o yu'un Muc'ul Dios li israeletique. Li Muc'ul Diose laj yac' taluc j'eleq'uetic, jech ipojbatic li c'usitic oy yu'unique, xchi'uc laj yac' ochicuc ta sc'ob li yajcontraique, jech muc xa xu' yu'un la stsalic.

Jueces 4:2

Ja' yu'un li Muc'ul Diose lic yac' ochicuc ta sc'ob ajvalil Jabín, ja' li canaán vinic ochem ta ajvalilal ta lum Hazore. Li banquilal soldado yu'une Sísara sbi; te nacal ta Haroset-goim.

Jueces 4:9

Itac'ov li Deborae: —Lec oy, ta xbat jchi'inot. Ja' no'ox muc me vo'ocot ich'bil ta muc' chac'ot, yu'un li Muc'ul Diose ja' chac'be ta sc'ob jun ants li Sisarae —xut. Jech li Deborae ibatic ta Cedes xchi'uc li Baraque.