Joel 3:7 - Bible in Tzotzil de Chenalhó with Deuterocanon

⁷ A'yo ava'yic, vu'un ta xlic quiq'uic sutel tal ti bu laj achonic batele; ta xcac'boxuc atojic ec ti c'u x'elan laj apasique.

Bible in Tzotzil de Chamula

⁷ Va'i un, ti bu laj achonic batele, ta jloq'uesic talel. Ta xc'ot ta pasel cu'un jech ta xavich' avocolic jech c'u cha'al laj yich' ti stuquique.

Joel 3:7 Iomraidhean Croise

Ester 7:10

Ja' yu'un li Amane ja' te laj yich' joc'anel stuc yo' bu chapanbil xa'ox yu'un ta sventa te tsjoc'an ox li Mardoqueoe. Ja' to jech ilaj sc'ac'al yo'nton li ajvalile.

Isaías 11:12

Ta stoy muyel senyail ta stojol li jujun banamile, jech chac c'u cha'al c'alal chich' muyesel banderae; ta xlic stsob tal scotol li Israel ti chucbilic batel ta yan banamile; ta stsob tal scotol li Judá ti buyuc no'ox spucoj sbaic batel ta xchanjotal sti' banamile.

Isaías 49:12

Q'uelavilic, le' xa xtalic ta nome; oy le' xtalic ta stuq'uil norte; oy le' xtalic ta smaleb c'ac'al; oy le' xtalic ta yosilal Sinim.

Isaías 66:6

Chvinaj xch'ijlajet no'ox chbac' tal te ta lum; xc'ulet no'ox chbac' tal ta ch'ulna. Ep c'usi chbac' tal cu'un vu'un li Muc'ul Diosune, yu'un ja' chtal cac'be stojol li cajcontrataque.

Jeremías 23:8

Ja' xa jech chavalic: ‘Ja' ta sventa Muc'ul Dios iloq'uesatic tal ta norte banamil xchi'uc ta yantic lumetic ti bu laj yich'ic puquel batel li israeletique’, xachiic. Jech te chlic naquiicuc ta yosilal stuquic”, xi li Muc'ul Diose.

Jeremías 30:10

“Jech chcal vu'un li Muc'ul Diosune: Smomnich'nab cajtunel Jacob, mu xavat avo'ntonic; smomnich'nab Israel, mu xaxi'ic. Yu'un vu'un ta jcoltaoxuc loq'uel tal achi'uc amomnich'nabic te ta namal banamil ti bu chucbiloxuc batele. Ta to xtal acux avo'ntonic li'i; jun avo'ntonic li' chanaquiic, mu'yuc boch'o xu' chtal sibtasoxuc.

Jeremías 30:16

Pero li boch'otic chayuts'intaoxuque ta xcac' ta uts'intael ec; li avajcontrataque chucbil ta xbatic ta yan banamil ec. Li boch'otic la spojboxuc batel c'usitic oy avu'unique ta xich'ic pojbel c'usi oy yu'unic ec. Li boch'otic laj yelc'an c'usi oy avu'unique ta xich'ic elc'anbel batel c'usi oy yu'unic ec.

Jeremías 31:8

A'yo ava'yic, ta to xquiq'uic loq'uel tal te ta banamil ta norte; ta xlic jtsobic tal c'alal to ta jujujot sti'il banamil. Jmoj chtal xchi'uquic li ma'satetique, li coxoetique, li antsetic ti oy xch'utique xchi'uc li boch'otic xcuxojic xae. Jmoj ep stsobetic tsutic tal.

Jeremías 32:37

A'yo ava'ay, ta to xlic jtsobic sutel tal ta scotol banamil ti bu la jpuquic batel ta scoj li sc'ac'al co'nton ti toj xi'bal sbae. Ta xquiq'uic sutel tal li' ta banamil, jun yo'ntonic li' ta xcac' naquiicuc yan velta.

Ezequiel 36:24

Vu'un jtuc ta xquic'oxuc loq'uel tal te ta stojolic; ta jtsoboxuc loq'uel tal ta yantic lum, ta yantic banamil. Ta xquic'oxuc sutel tal ta avosilalic.

Ezequiel 38:8

C'alal me i'ech' ep jabile, chlic avich' jun mantal sventa chlic acontrain li jun banamil ti colem xa ta milel ta espadae, ti laj yich'ic tsobel loq'uel tal ta yantic lumetic xchi'uc ta yantic banamiletique, ja' ti iyavnaijesatic to'oxe, pero laj xa yich'ic iq'uel sutel te ta vitsetic yu'un Israel, jech jun xa yo'nton te nacalic.

Joel 3:4

“Jech ec li vo'oxuque lum Tiro, lum Sidón xchi'uc scotol yosilal filistaetic, ¿c'usi tal asa'ic li' ta jtojol ec? ¿Me chac'an chapacbicun sutel? Lec me chac'an chapacbicune, jutuc xa sc'an xcac'boxuc atojic ti c'u x'elan laj apasique.

Zacarías 9:13

Yu'un chapal xa cu'un li jt'ilubte'e, ja' li Judae; cac'ojbe xa sflechail, ja' li Efraine. Li avalab anich'nabtaque, Sión, ta jtijbe sjolic, yu'un ac'o scontrainic li Greciae. Li vo'ote ja' jech chac'ot cu'un jech chac c'u cha'al yespada jun simarón soldado”, xi li Diose.

San Mateo 7:2

Yu'un ti c'u x'elan chatic'be smul achi'ilique, ja' jech chavich' tic'bel amulic ec. Ti c'u yepal chabisbe achi'ilique, ja' jech chabisbatic ec.

2 Tesalonicenses 1:6

Yu'un tuc' c'usi tspas li Diose, jech ta xac'be yich'ic vocol ec li boch'otic chayac'boxuc avich'ic vocole.

Santiago 2:13

Yu'un li boch'o mu'yuc c'ux ta yo'nton xchi'ile, jech mu'yuc c'ux ta o'ntonal ec ti c'alal ta xchapanate. Yan li boch'o c'ux ta yo'nton xchi'ile, ja' jech c'ux ta o'ntonal ec ti c'alal yorail ta xchapanate.

Apocalipsis 13:10

“Li boch'o ja' sc'oplal chtic'at ta chuquel avu'unique ta ono'ox x'och. Li boch'o ja' sc'oplal chmilat ta espadae ta ono'ox xmilat”. Ta sventa li'i, tsc'an oy stsatsal yo'ntonic, tsc'an oy lec xch'unojel yo'ntonic li boch'o voc'bilic yu'un Diose.

Apocalipsis 16:6

Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Apocalipsis 19:2

Yu'un li stuque tuc' chchapanvan, melel c'usi chal. Yu'un laj xa yac'be stoj smul li jmulavil ants ti la soques scotol banamil ta scoj li mulivajel tspase. Laj xa spacbe sutel ta sventa ti imilbat li yajtuneltaque”, xiic.

Jueces 1:7

Li Adoni-bezeque jech laj yal: “Li vu'une ja' jech la jc'ocanbe sme' sc'ob, sme' yacanic lajuneb xchanvinic (70) ajvaliletic ec; laj cac'be stamic xch'uch'ulil jve'el ta yolon jmexa. Ti c'u x'elan la jpase, ja' jech chispacbun ec li Diose”, xi. Jech te laj yiq'uic batel ta Jerusalén; te icham o.

1 Samuel 15:33

Pero li Samuele jech laj yal: —Ta scoj avespada ti ep antsetic mu'yuc yolic icom avu'une yu'un laj amilbe. Pero ja' no'ox jech mu'yuc yol ta xcom ec li ame'e —xut. Ja' yu'un li Samuele biq'uitic lic slilin ta stojol Muc'ul Dios te ta Gilgal li Agage.