Joel 3:4 - Bible in Tzotzil de Chenalhó with Deuterocanon

⁴ “Jech ec li vo'oxuque lum Tiro, lum Sidón xchi'uc scotol yosilal filistaetic, ¿c'usi tal asa'ic li' ta jtojol ec? ¿Me chac'an chapacbicun sutel? Lec me chac'an chapacbicune, jutuc xa sc'an xcac'boxuc atojic ti c'u x'elan laj apasique.

Bible in Tzotzil de Chamula

⁴ “¿C'usi ta xac'anic ta jtojol ti vo'oxuque, jteclum Tiro, jteclum Sidón, jteclum Filistea? ¿Mi yu'un ta xapacbeicun ava'iic? ¿Mi yu'un oy c'usi ta xac'anic ta jtojol ti ac'o jtoje? Yu'un mu xa jaluc sc'an ta xcac' atojic ti c'usi loc' ta avo'ntonic ta sa'ele.

Joel 3:4 Iomraidhean Croise

2 Crónicas 21:16

Ja' yu'un li Muc'ul Diose lic sliquesbe sc'ac'al yo'ntonic li filistaetic xchi'uc li arabetic ti te nopol nacajtic xchi'uc etiopiaetique, jech lic scontrainic li ajvalil Jorame.

Isaías 14:29

“Filistea, mu me xcuxetuc xa avo'nton ti ic'as xa li te' laj avich' o majele, yu'un ti bu iloc' tal jcot ts'inte' ta yibel te'e, orachon xa te chloc' tal; li sat te'e chc'ataj ta muc'ta jmilvanej chon ti lec sna' xvile.

Isaías 34:8

Yu'un ja' sc'ac'alil yu'un Muc'ul Dios tspacbe sutel li Edome, ja' yabilal ch-ac'bat stoj c'usi la spasbe li lum Sione.

Isaías 59:18

Ja' tal yac'be stojol jujun jech chac c'u cha'al tsc'an chile. Tal sloq'ues sc'ac'al yo'nton ta stojol li yajcontrae; tal yac'be stojol li boch'o chopol yo'ntonic ta stojole, xchi'uc chac'be stojol noxtoc li boch'otic nacajtic batel ta ti'ti' nabe.

Jeremías 47:1

Li Jeremiase ital c'opanatuc yu'un Muc'ul Dios ta sventa c'usi chc'ot ta pasel ta stojol li filistaetique; ja'o laj yich' c'opanel ti c'alal mu'yuc to'ox chbat yules lum Gaza li faraone.

Jeremías 47:4

Yu'un ta xa sta sc'ac'alil ta xich'ic ulesel li filistaetique, xchi'uc li lum Tiro, xchi'uc Sidone, xchi'uc li boch'o cuxul to chcomic ti co'ol yo'ntonic xchi'uque. Yu'un li Muc'ul Diose ta xules o li filistaetic ti te liquemic tal ta banamil Caftor ti cacal ta nabe.

Jeremías 51:6

“¡Jatovanic loq'uel ta stojol li Babiloniae, pojo abaic ta milel, yu'un jech mu teuc capal xalajic ta milel ta scoj smulic! Yu'un ja' yorail ta xcac'be spacol, vu'un li Muc'ul Diosune; ja' xa yorail ta xcac'be stojolic ti c'u x'elan stojol tsc'ane.

Joel 2:10

Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

Joel 2:2

Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

San Mateo 11:21

“¡Toj abul aba, lum Corazín! ¡Toj abul aba, lum Betsaida! Ti lajuc yilic la jpas sq'uelubil jtsatsal ec li yanlum cristianoetic te nacajtic ta lum Tiro xchi'uc ta lum Sidón ta vo'one jech chac c'u cha'al laj avilic la jpas li' ta atojolic li vo'oxuque, la sutes yo'ntonic yu'un smulic, la slapic c'u'il sventa at-o'nton, xchi'uc la sbon sbaic ta tanil c'oc' ti jechuque.

San Mateo 11:22

Ja' yu'un chacalboxuc, c'alal tsta sc'ac'alil ta xchapanvan li Diose, ja' jutuc stojol smul chich' li yanlum cristianoetic te nacajtic ta Tiro xchi'uc ta Sidón ta vo'onee. Li vo'oxuque ech'em tsots chavich' stojol amulic.

San Lucas 10:13

“¡Toj abul aba, lum Corazín! ¡Toj abul aba lum Betsaida! Ti lajuc yilic la jpas sq'uelubil jtsatsal ec li yanlum cristianoetic ta lum Tiro xchi'uc ta lum Sidón jech chac c'u cha'al laj avilic li vo'oxuque, la slapic ch'ixlajan c'u'il sventa at-o'ntonal, xchi'uc la xchotan sbaic ta tantic, la sutes yo'nton yu'un smulic ti jechuque.

San Lucas 10:14

Ja' yu'un c'alal tsta yorail chchapanvan li Diose, vo'oxuc tsots chayac'boxuc atoj amulic; ja' jutuc no'ox tstoj smulic li lum Tiro xchi'uc Sidón ta vo'onee.

San Lucas 18:7

Yan li Dios ti tuc' yo'ntone, ¿me mu ja'uc jech ta xchapan c'usi tsc'anic ta c'ac'al ta ac'ubal li boch'otic t'ujbilic yu'une? Li stuque mu xjalij yu'un.

Hechos 9:4

Iyal ta lum. Te laj ya'ay ic'opanat: “Saulo, Saulo, ¿c'u yu'un chavuts'intaun?”, x'utat.

Deuteronomio 32:35

Vu'un oy ta jventa ta xcac'be spacol, vu'un jtuc ta xcac'be stoj, ja'o ti c'alal tsta yorail chlaj stsatsalique. Nopol xa yorail ti ch-ulique; nopol xa yorail ti chlajique’, xi li Muc'ul Diose.

2 Tesalonicenses 1:6

Yu'un tuc' c'usi tspas li Diose, jech ta xac'be yich'ic vocol ec li boch'otic chayac'boxuc avich'ic vocole.

Jueces 11:12

Li Jeftee la stac batel j'almantaletic ta stojol li ajvalil yu'un amonetique, jech laj yalbe batel: “¿C'usi chopol la jpasbotcutic ti tal acontrainuncutic li' ta cosilalcutique?”, xutic.