Joel 3:2 - Bible in Tzotzil de Chenalhó with Deuterocanon

² Ta jtsob scotol li cristianoetic ta jujun banamile; te ta xquiq'uic yalel ta soplejaltic yu'un Josafat. Te ta xlic jchapan ta scoj ti laj yuts'intaic li jteclumale, ja' li israeletic ti la spuquic batel ta yantic banamile, xchi'uc ti la spucbe sbaic li cosil jbanamile.

Bible in Tzotzil de Chamula

² Ta jtsob scotol ti muc'tiquil jteclumetique. Ta xquiq'uic batel ta stenlejal yu'un ti Josafate. Ti bu taje, ta xlic jchapanic ti c'usi laj spasbeic ti jteclumal Israele. Tan puc bat yu'unic ti israeletic ta scotol banomile; laj xch'acanbe sbaic ti jlumale.

Joel 3:2 Iomraidhean Croise

2 Crónicas 20:26

Ta xchanibal c'ac'al te la stsob sbaic ta stenlejaltic Beraca; te laj yalbeic slequilal li Muc'ul Diose. Ja' yu'un stenlejal yu'un Beraca, xi sbi laj yac'beic li banamile. Ja' jech sbi o c'alal to tana.

Isaías 66:16

Ta melel, li Muc'ul Diose ta c'oc' ta xchapanvan; ta espada chalbe c'u x'elan smul scotol cristiano ta sbejel banamil; bats'i ep cristiano chchamic yu'un.

Isaías 66:18

Yu'un vu'un xcotquinbe li yabtelique xchi'uc li c'usi tsnopique; tsta yorail tstsob sbaic tal scotol cristianoetic ta jujun banamil xchi'uc ta jujuchop sc'opic, yu'un chtal sq'uelic c'u x'elan jvu'el jtsatsal.

Jeremías 12:14

Li Muc'ul Diose jech chal ta sventa li chopol lumetic te sts'aquinojan sbaic xchi'uc Israele, ja' li lumetic ti la soquesic li banamil ti laj cac'be jteclumale: “Ta to xlic jloq'uesic batel ta yosilic; ta jbulic o loq'uel te ta stojol li smomnich'nabtac Judae.

Jeremías 25:31

Xc'avlajet to yech'al ye chc'ot ta jujujot sti'il banamil, yu'un li Muc'ul Diose ta xchapanbe smul scotol li jujun muc'tic lume. Ja' jchapanvanej yu'un scotol li cristianoetique; ta xac' ta milel ta espada scotol li boch'otic chopol yo'ntonique’, xi li Muc'ul Diose, uto”, xiyutun.

Jeremías 49:1

Li Muc'ul Diose jech chal ta sventa li amonetique: “¿Me yu'un mu'yuc yalab xnich'nab li Israele? ¿Me yu'un mu'yuc boch'o xu' chich'be comel li yosile? ¿C'u yu'un ti ja' yu'uninoj dios Milcom li yosilal Gade, ti ja' xa te nacalic svinictac ta lumetic te ta Gade?

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Ezequiel 25:8

Jech chal li Muc'ul Diose, ja' li Cajvaltique: “Li Moab xchi'uc Seire jech chal: ‘A'yo ava'yic, li Judae ja' xa jech icom jech chac c'u cha'al yantic banamil’, xi.

Ezequiel 34:6

Li jchijtaque tanpuc ibatic ta toyol vitsetic, ta tseltseltic. La spuc sbaic batel ta sbejel banamil. Mu'yuc boch'o laj yat yo'nton ta scoj; mu'yuc boch'o x'ay st'un tal.

Ezequiel 35:10

Yu'un jech laj aval: Li chib banamil le'e ja' cu'un. Vu'un yajvalun chc'ot xcha'voc'al li banamil le'e, ac'o me ja' te oy li Muc'ul Diose, xachi.

Ezequiel 36:1

“Li vo'ote xnich'on cristiano, albo c'usi chc'ot ta pasel ta stojol li vitsetic ta Israele, jech xavalbe: Vitsetic ta Israel, a'yo ava'yic c'usi chal li Cajvaltic Muc'ul Diose:

Ezequiel 36:5

Jech chcal vu'un li Muc'ul Diosune: Li jc'ope tsanajtic ta sc'ac'al co'nton chbat ta stojol li yantic banamile xchi'uc ta scotol li yosilal Edome. Yu'un stse'inic no'ox, xcuxet no'ox yo'ntonic la spojic li banamil cu'une. Ta scotol xchopolil sjol yo'ntonic la sloq'uesic scotol li c'usitic te oye’, xi li Diose.

Ezequiel 38:22

Vu'un ta xcac'be stoj smulic ta tsatsal chamel xchi'uc ta milel. Jech noxtoc ta jcocanbeic yalel tal muc'tic bot, xchi'uc c'oc', xchi'uc azufre. Ja' jech chvul ta stojolic jech chac c'u cha'al tsatsal ic'al vo'. Cht'ab scotol li epal soldadoetique xchi'uc li epal cristianoetic liquemic tal ta epal lum te xchi'inoj batele.

Ezequiel 39:11

“Me ic'ot li sc'ac'alil le'e, ta xcac'be smuquinal te ta Israel banamil li Goge. Ja' smuquinal chc'ot cu'un li soplejaltic yo' bu sbeic li boch'otic chliquic tal ta sloq'ueb c'ac'al yu'un nabe. Jech ta xmac sbeic o scotol li jxanubaletique, yu'un ja' te ta xich' muquel li Goge xchi'uc scotol li yepal xchi'iltaque. Li soplejaltique Hamón-gog chc'ot sbi.

Joel 3:12

Chapano me abaic jujun banamil; muyanic batel ta soplejaltic yu'un Josafat, yu'un li Muc'ul Diose ja' te ta xlic xchapan scotol lumetic ti li' nopol setelique.

Joel 3:14

Toj ep ta stsob sba cristianoetic te ta soplejaltic, ta yavil li chapanele; yu'un po'ot xa tsta yorail chac' stojol mulil te ta soplejaltic li Muc'ul Diose.

Amós 1:11

Jech chal noxtoc li Muc'ul Diose: “Ta sventa ti solel i'ech' ta bis smul li Edome, jech persa ta xcac'be stoj, yu'un la snuts batel ta espada li yuts' yalaltaque, ja' li israeletique. Solel mu'yuc abul sba laj yil; solel tsots ch-ilin o ta stojol; scotol c'ac'al contra chil o.

Miqueas 4:12

Pero li stuquique mu sna'ic c'usi snopoj, mu sna'ic c'usi xchapanoj li Muc'ul Diose; mu sna'ic ti chich'ic tsobel jech chac c'u cha'al chich' tsobel chucbil trigo ta yav smajubile.

Sofonías 3:8

Ja' yu'un malaun avilic c'usi ora tsta sc'ac'alil cu'un ta jchapanbe smul, yu'un jnopoj xa ta jtsob tal muc'tic lum xchi'uc muc'tic ajvaliletic. Ta jmalbe tal ta stojol scotol li sc'ac'al co'nton ti tsanem jech chac c'u c'oq'ue. Li yip sc'ac'al co'ntone ta xchic' scotol li banamile.

Apocalipsis 11:18

Liquem sc'ac'al yo'ntonic li cristianoetic ta jujun banamile, pero ic'ot xa sc'ac'alil chavac'be stojic ta sc'ac'al avo'nton. Laj xa sta yorail chachapan li boch'otic chamenique, xchi'uc laj xa sta yorail chavac'be smoton li avajtuneltac, ja' li j'alc'opetique, xchi'uc li boch'otic voc'bilic avu'un ti yich'ojicot ta muq'ue. Chavac'be smotonic c'alal ta muc' ta biq'uit, xchi'uc laj xa sta yorail chavules o li boch'otic la socbeic yo'nton li cristianoetic li' ta banamile”, xiic ta stojol.

Apocalipsis 16:14

Li pucujetic iloc'an ta yeique xu' yu'un tspasic sq'uelubil stsatsalic. Ja' chbat stsobic tal scotol ajvaliletic ta sbejel banamil sventa ac'o spasic muc'ta pleito ta sc'ac'alil yu'un li Dios ti ech'em svu'ele.

Apocalipsis 16:16

Ja' te la stsobic tal ta jun banamil ti Armagedón sbi ta hebreo c'ope.

Apocalipsis 16:6

Yu'un li boch'otic la smalbeic xch'ich'al avu'untaque xchi'uc li avaj'alc'optaque laj xa avac'beic ch'ich' yuch'ic ec. Ja' jech stojol tsc'anic”, xi.

Apocalipsis 20:8

Jech bat slo'la scotol cristianoetic ta xchanjotal xchiquin banamil, ja' li Gog xchi'uc Magogue. La stsobic tal scotol sventa chtal spasic pleito. Bats'i ep italic jech chac c'u cha'al yi' ta ti'nab.