Joel 3:19 - Bible in Tzotzil de Chenalhó with Deuterocanon

¹⁹ Li Egiptoe yavnaijem ta xcom o, li Edome ta xcom jech chac c'u cha'al ta xocol banamil ti jeche' xch'ijan oe; ja' ta scoj ti laj yilbajinic li jnaclumetic ta Judae, xchi'uc ti la smalbeic xch'ich'al te ta yosilalic li boch'o mu'yuc smulique.

Bible in Tzotzil de Chamula

¹⁹ Yan ti jteclum Egiptoe, stuc slilijemal ta xcom, jech ti jteclum Edome ta xjoybij ta jun sbajtical banomil, yu'un laj stsaquic ta leto ti jnaclejetic yu'un ti jteclum Judae. Jech xtoc ti ta slumalique, laj yaq'uic ta milel ti buch'u ch'abal smulique.

Joel 3:19 Iomraidhean Croise

Salmos 137:7

Muc'ul Dios, na'o me c'u x'elan yo'ntonic li edometic ti c'alal ja'o oy svocol li Jerusalene, jech laj yalic: “Jinesic o, j'ech'el jinesic o c'alal ta snacleb”, xiic.

Isaías 11:14

Xcha'chopalic co'ol chvilic batel ta sva'lupat li filistaetic te ta smaleb c'ac'ale, yu'un chbat scontrainic, li jaychop te oyic ta sloq'ueb c'ac'ale chbat spojbeic c'usitic oy yu'unic. Chlic smozoinic c'alal ta Edom, xchi'uc c'alal ta Moab; chlic ch'unbatuc smantalic yu'un li amonetique.

Isaías 11:15

Li Muc'ul Diose ta staquijes o li nab ta nopol Egiptoe; ta stoy sc'ob ta sba li muc'ta uc'um Eufratese; ta sliques jun muc'ta ic' ti toj xi'bal sbae; ta spas ta vucxol yu'un li uc'ume; ja' te chac' jelovicuc batel xchi'uc xonobic li steclumale.

Jeremías 49:17

“Solel xch'ijan chcom o li Edome. Scotol li boch'otic te chjelovique toj ch'ayel chc'ot yo'ntonic; toj xi'bal sba chilic ti c'u x'elan svocolique.

Lamentaciones 4:21

Edom, vo'ot ti te nacalot ta yosilal Uze, tse'inan, cuxetuc no'ox avo'nton, yu'un te chtal ta atojol ec li sbel bis ti toj ch'a ta uch'ele; yacuben chacomic, solel t'anal chacomic yu'un.

Abdías 1:1

Li Abdiase oy c'usi laj yich' ac'bel yil ta xch'ulel yu'un li Muc'ul Diose, ja' li Cajvaltique, ja' yu'un jech laj yal ta sventa li Edome: Laj ca'icutic oy c'usi laj yal li Muc'ul Diose; la stac batel jun j'almantal ta jujun banamil, jech laj yal: “Licanic, bat xa jtsactic ta pleito li lum Edome”, xi. Li Muc'ul Diose jech chalbe li Edome:

Habacuc 2:17

Li uts'intael laj avac' te ta Libanoe chjoybij ta avac'ol atuc. Ta sventa ti laj amil chonbolometique, jech chlic sibtasicot. Ja' jech ta xc'ot ta pasel ta atojol ta sventa ti ep lamilvane, ti ep la'elc'aj te ta banamil xchi'uc ta lumetique, xchi'uc ti ep laj avuts'inta li jnaclumetic yu'une.

Zacarías 10:10

Ta xquiq'uic loq'uel tal ta yosilal Egipto; ta xquiq'uic sutel tal ta yosilal Asiria; ta xquiq'uic batel ta Galaad xchi'uc ta Líbano, pero mu x'ochic o ti c'u smuc'ul chcac'be yosilique.

2 Tesalonicenses 1:6

Yu'un tuc' c'usi tspas li Diose, jech ta xac'be yich'ic vocol ec li boch'otic chayac'boxuc avich'ic vocole.