Joel 3:18 - Bible in Tzotzil de Chenalhó with Deuterocanon

¹⁸ Me la sta li sc'ac'alil le'e, te xa no'ox ta xloc' ta vitsetic li ya'lel ts'usube, te xa no'ox ta xloc' ta bic'tal vitsetic li ya'lel xchu' vacaxe. Scotol li bebevo'tic ta Judae chlic xanovuc lec ya'lel. Jech noxtoc ta xlic loc'uc jun nio' ta xch'ulna li Muc'ul Diose, ja' ta xat'es li soplejaltic Sitime.

Bible in Tzotzil de Chamula

¹⁸ Ti jech c'ac'al taje, jech ti vinoe, ti chu' vacaxe, buyuc no'ox xlaj t'omanuc talel ta te'tic, ta vitstic jech c'u cha'al junuc vo'. Ti uc'umetic yu'un ti jteclum Judae, mu no'ox albajuc ta xbalaq'uin ti vo'e. Jech ti ta jch'ulnae, ta xtuc talel vo' ti ja' ta smalta ti stenlejal Sitime.

Joel 3:18 Iomraidhean Croise

Job 29:6

Ta puru ya'lel xchu' vacax to'ox ta jpoc o cacan; ta ch'ut ch'en no'ox chloc' tal li aceite cu'une.

Salmos 46:4

Oy jun uc'um ti toj xcuxet no'ox yo'ntonic yu'un li lum yu'un Diose, ja' li ch'ul lum yo' bu nacal li Boch'o te oy ta vinajele.

Éxodo 3:8

Ja' yu'un liyal tal; tal jcolta loq'uel ta sc'obic li egiptoetique. Ta xbat jloq'uesic tal te ta banamil yo' bu oyique. Ta xquiq'uic batel ta yan banamil ti lec jamale, ti toj jun yutsile. Ja' ti bu chloc' ep ya'lel xchu' vacax, xchi'uc pom jech chac c'u cha'al chloc' vo'e. Ja' li banamil yo' bu nacalic li canaanetique, li hetetique, li amorretique, li ferezetique, li hevetique, xchi'uc li jebusetique.

Isaías 30:25

C'alal tsta yorail li muc'ta milbaile, chlic loc'anuc ya'lel, chlic ayinuc uc'umetic ti bu muc'tic toyol vitsetique xchi'uc li stselejtique.

Isaías 35:6

Li coxoetique xbitubajic no'ox liquel jech chac c'u cha'al te'tical chij; xcuxet no'ox yo'nton tsots chlic q'uejinicuc li uma'etique. Xchi'uc ta xlic loc'anuc ya'lel li taqui-xocol banamile; ta xlic xanoanuc ya'lel li sbajbajiltaque.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 45:8

“Vu'un ta jtac tal li lequil chapanele, ja' jech chyal tal jech chac c'u cha'al job osil, jech chac c'u cha'al vo'. Jech chata lec coltael, jech chac c'u cha'al banamil ti lec chuch' li vo' chyal tale, ti jech lec chac' sat li c'usitic chich' ts'unele, ja' jech puru lequil chapanel chc'ot ta atojol. Vu'un jtuc chcal ti jech chc'ot ta pasel, vu'un li Muc'ul Diosune”, xut.

Isaías 55:1

“Acotolic, vo'oxuc ti taquin avo'ntonique, la' uch'anic li vo'e; vo'oxuc ti mu'yuc ataq'uinique, la' ve'anic ta matanal; la' uch'anic ya'lel ts'usub xchi'uc ya'lel xchu' vacax, mu'yuc chatojic.

Isaías 66:11

Yu'un li stuque ja' jech chc'ot jech chac c'u cha'al jun me'il ti chac'be xchu' yole, ti jun yo'nton chcom c'alal lec noj xch'ut yu'une.

Jeremías 31:12

“Ta xtalic, xcuxet no'ox yo'nton chlic q'uejinicuc te ta toyol vits Sión; ja' snutsojic tal c'usi lec chac' li Muc'ul Diose: ja' li trigo, li ya'lel ts'usub, li aceite, li chijetic, xchi'uc li vacaxetique. Ja' jech chc'otic jech chac c'u cha'al ts'unubaltic ti lec at'esbile, jech mu'yuc xa cha'ay svocolic o.

Miqueas 6:5

Jteclumal, na'ic me c'usi la xchapan ta aventaic li ajvalil Balac ta Moabe, xchi'uc c'usi stac'ubil laj yal li Balaam xnich'on Beore. Jech noxtoc na'ic me c'u x'elan ti c'alal lajelovic tal ta Sitim xchi'uc ta Gilgale, yu'un jech ac'o ana'ic ti tsotsic c'usitic la jpas ta atojolic, vu'un li Muc'ul Diosune”, xi.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

Números 25:1

C'alal te inaquiic ta Sitim li israeletique, te lic mulivajicuc xchi'uquic li tsebetic yu'un moabetique.