Joel 3:17 - Bible in Tzotzil de Chenalhó with Deuterocanon

¹⁷ Jech chal noxtoc li Muc'ul Diose: “Chlic avotquinic ti vu'un Muc'ul Diosun avu'unic ti te nacalun ta Sione, ja' li ch'ul vits cu'une. Li Jerusalene ch'ul lum ta xcom o; mu'yuc xa chtal soquesic yan velta li yanlum cristianoetique.

Bible in Tzotzil de Chamula

¹⁷ Xi ta xal xtoc ti Diose: “Ja' jech ta xana' ti vo'oxuc ti vu'un Ajvalil Diosun avu'unique, ti nacalun ta vits Sión ti ja' jch'ul vitse. Jech ti Jerusalén ti ja' jun ch'ul jteclume, xi s'elan ta xc'ot ta pasel cu'une: ta j'ech'el mi ja'uc xa ta xlic yu'ninic ti jyanlumetique.

Joel 3:17 Iomraidhean Croise

Job 15:19

Ja' li smoltotaquic ti i'ac'batic comel li banamile, ti mu'yuc bu la scap sbaic xchi'uc yanlumetique.

Salmos 76:2

Li ch'ulna yu'un ti pasbil ta nucule te oy ta Salem; ti bu nacale te ta Sión.

Salmos 9:11

Q'uejintaic li Muc'ul Dios ti te tspas mantal ta Sione; puquic batel ta jujun lum li c'usitic lec spasoje.

Éxodo 16:12

—Laj xa ca'ay ti liquemic ta bic'talvulajetel li achi'iltaque. Jech xavalbe ya'yic: ‘Ta bat c'ac'al tanae chati'ic ti'bol. Sob oc'ome chave'ic manavaj, ja' ti c'u yepal xnoj ach'utic oe. Jech chana'ic o ti vu'un Muc'ul Diosun avu'unique’, uto —x'utat li Moisese.

Isaías 11:9

Ta scotol li ch'ul vits cu'une mu'yuc c'usi chopol ta jtatic te, yu'un chnoj ta yotquinel Muc'ul Dios sbejel li banamile, jech chac c'u cha'al nojem ta vo' li nabe.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Isaías 35:8

Ta xlic yich' jamel lec be te ta yut, ja' “ch'ul be” sbi chc'ot. Li boch'otic oy yi'lalique mu xu' chjelovic te; mu xu' chanovic te li boch'otic bol yo'ntonique.

Isaías 4:3

Li boch'otic cuxajtic chcom te ta Sione, li boch'otic t'ujbil chcomic yu'un Dios te ta Jerusalene, “ch'ul cristianoetic”, xi chlic albatuc sc'oplalic.

Isaías 46:13

Ta xcac' nopajuc tal ta ora li tuq'uil chapanel cu'une; mu xa xcac' jalijuc. Ta xcac' tal coltael cu'un ta stojol li Sione; ta xcac' jlequilal ta stojol li Israele.

Isaías 52:1

Sión, julovan me, lican me, ich'bo me lec yipal. Jerusalén, lapo lec c'upil sba ac'u', vo'ot li ch'ul lumote, yu'un mu'yuc xa chtal ochuc o yan velta te ta atojol li yanlum cristianoetic ti mu'yuc yich'ojic circunsicione.

Isaías 56:7

vu'un ta xquiq'uic batel ta ch'ul vits cu'un; ta xcac' ti xcuxet no'ox yo'ntonic te ta snail bu chquich' c'opanele. Li milbil matanal, li chic'bil matanal chiyac'bicun te ta scajlebe ta jtsacbeic, yu'un li jnae ja' snail sc'opanbil Dios yu'un cristianoetic ta scotol lumetic, xi ch-albat sc'oplal.

Jeremías 31:23

Li Muc'ul Dios ti tspas ta mantal scotol te ta vinajele, ja' li Dios yu'un Israele, jech chal: “C'alal ta xlic quic' sutel tal li' ta banamil li boch'otic chucbil ibatic ta yan banamile, me li' xa'ox oyic yan velta ta slumalic, ta yosilalique, jech chalic: ‘Ac'o ac'batuc bendición yu'un Muc'ul Dios li ch'ul vits li'i, li yavil c'usitic lec, c'usitic tuq'ue’, xi.

Jeremías 31:40

Scotol li stenlejaltic bu muquinaltic xchi'uc bu xch'ayubil tane, xchi'uc scotol li soplejaltic c'alal to ta bevo'tic Cedrone, xchi'uc c'alal to ta chiquin ti'coralton bu yocheb ca'etic te ta stuq'uil sloq'ueb c'ac'ale, ts'u'iltasbil ta xcom o cu'un. Ta scotol le'e mu'yuc bu chich' jinesel o; mu'yuc bu chich' soquesel o yan velta”, xi li Muc'ul Diose.

Ezequiel 20:40

Yu'un ja' te ta ch'ul vits cu'un, ta toyol vits ta yosilal Israel chlic yich'icun ta muc', chlic tunicuc cu'un scotol li smomnich'nab Israele. Ja' te chlic quiq'uic ta jtojol ta yutsil co'nton; te chlic jc'anbeic matanaletic yu'unic xchi'uc li sba c'usitic chloc' yu'unique xchi'uc li yantic c'usitic voc'bilic cu'un sventa chiyac'bicune.

Ezequiel 37:6

Ta xcac'boxuc ach'uxuvilic, ta xcac'boxuc abec'talic, ta xcac'boxuc anuculilic, ta xcac'boxuc ach'ulelic, jech chacuxiic; jech chana'ic o ti vu'un Muc'ul Diosune, xi li Diose’, uto”, xiyutun.

Ezequiel 43:12

Li mantaletic ta sventa ch'ulna cu'une ja' jech chac li'i: Scotol li jolvitse, xchi'uc ti c'u smuc'ul li banamil ti sjoyibtaoj li ch'ulnae, ts'u'iltasbil chcom o. Ja' jech li mantal ta sventa jnae”, xi.

Ezequiel 44:9

“Ja' yu'un jech chcal vu'un li Muc'ul Diosune: “Me junuc mu xcac' ochuc o ta ch'ulna cu'un yanlum cristianoetic ti mu'yuc yich'ojic circuncisión ta yo'ntonic xchi'uc ta sbec'talic ti te xchi'uquic ta naclej li israeletique.

Ezequiel 48:35

Ti c'u snatil ta set li coraltone ja' balunmil (9,000) metro ta scotol. Li lume ‘Li' oy li Muc'ul Diose’, xi sbi chc'ot”, xi li Muc'ul Diose.

Daniel 11:45

Ta sva'an naetic te ta o'lol yu'unic li nab xchi'uc li ch'ul vits te ta lequil banamile. Pero te no'ox tsta yorail ta xcham; mu'yuc boch'o chtal coltaatuc yu'un.

Daniel 9:16

Cajval, ta sventa ti tuc' avo'nton o li vo'ote, loq'ueso xa batel sc'ac'al ajol, sc'ac'al avo'nton ta stojol li lum Jerusalén te ta ch'ul vits avu'une. Yu'un ja' ta scoj jmulcutic, ta scoj xchopolil jtot jme'cutic ti abul sba ta na'leel ta jujujot li Jerusalene xchi'uc li ateclumale.

Joel 2:27

Jech chlic ana'ic ti te oyun ta atojolic, vo'oxuc li israeloxuque, xchi'uc chlic avotquinic ti vu'un Muc'ul Diosun avu'unique, ti mu'yuc yane. Jech mu'yuc xa chayalic o ta q'uexlal yan velta, vo'oxuc li jteclumaloxuque.

Miqueas 4:7

Li coxoetique ja' xa scomelal Israel ta xc'otic; li boch'o nom chucbil ibatique ta xcac' pasuc ta jun muc'ta tsatsal lum. Vu'un li Muc'ul Diosune te ta jpas mantal o ta stojolic ta vits Sión li' ta ora xchi'uc c'alal to ta sbatel osil.

Nahúm 1:15

Q'uelo avilic, le' xa xtal ta vitsetic li boch'o chtal yal lequil a'yeje, li boch'o chtal yal ti ta jta jun co'ntontique. Judá, nicuc no'ox q'uinetic avu'un; paso me li c'usitic avaloj chapase. Mu xa xtal stsacot o ta pleito li chopol cristianoetique, yu'un i'ulic xa o ta j'ech'el.

Zacarías 8:3

Ja' yu'un jech chcal vu'un li Muc'ul Diosune: Ta xlic jtoy liquel yan velta li Sione; ta xlic naquicun yan velta te ta Jerusalén. Li Jerusalene ja' Slumalic li Boch'o Jun Yo'ntonique, xi sbi chc'ot. Li vits yu'un Muc'ul Dios ti tspas ta mantal scotol te ta vinajele ja' Ch'ul Vits, xi sbi chc'ot.

Apocalipsis 21:27

Me jutuc mu xu' ch-och c'usi chopol te. Mu xu' ch-och li boch'otic tspasic c'usi mu sc'an Diose, xchi'uc li j'epalc'opetique. Ja' no'ox xu' ch-och li boch'otic ts'ibabil ta vun sbiic sventa cuxlejal sbatel osil ti te yich'oj li Ch'ium Chije.