Joel 3:14 - Bible in Tzotzil de Chenalhó with Deuterocanon

¹⁴ Toj ep ta stsob sba cristianoetic te ta soplejaltic, ta yavil li chapanele; yu'un po'ot xa tsta yorail chac' stojol mulil te ta soplejaltic li Muc'ul Diose.

Bible in Tzotzil de Chamula

¹⁴ Ta stenlejal ti bu oy c'usi ta xc'ot ta nopele, mu no'ox albajuc ti oy buch'utic xvoletic batele, yu'un jutuc xa sc'an ta xc'ot sc'ac'alil yorail ti c'u s'elan chapanbil yu'un ti Diose.

Joel 3:14 Iomraidhean Croise

Salmos 37:13

Pero li Cajvaltique stse'in no'ox ti jech tspasique, yu'un sna'oj ti po'ot xa chlaj yorailique.

Isaías 13:4

Chvinaj tsots vochlajetel ta vitsetic; xco'laj xchi'uc ep cristiano te oyic. Chvinaj x'avlajetic li cristianoetic ta jujun banamile; ja' li epal lum te stsoboj sbaique. Li Muc'ul Dios ti ech'em svu'ele ch-ech' sq'uel me lec chapal li yajsoldadotac sventa pleitoe.

Isaías 22:1

Li j'alc'ope laj yalbe sc'oplal ti chlaj li stenlejaltic ta yocyoc vits te yo' bu chich' ac'bel yil yu'un Muc'ul Dios c'usitic chc'ot ta pasele. ¿C'usi apasic ti acotolic chamuyic ta yamaq'uil jolnaetic,

Joel 1:15

¡Ay, jutuc xa sc'an sta sc'ac'alil chtal yac'bot atoj amul li Muc'ul Diose! Pero toj xi'bal sba li sc'ac'alil le'e, ja' jun muc'ta lajel chamel chtal yac' li Boch'o toj ech'em svu'ele.

Joel 2:1

Jupanic oq'uesetic te ta vits Sión; avananic te ta ch'ul vits yu'un li Diose. Xi'anic acotolic jnaclumetic ta banamil, yu'un ta xtal sc'ac'alil li Muc'ul Diose; jutuc xa sc'an sta yorail.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Joel 3:12

Chapano me abaic jujun banamil; muyanic batel ta soplejaltic yu'un Josafat, yu'un li Muc'ul Diose ja' te ta xlic xchapan scotol lumetic ti li' nopol setelique.

Joel 3:2

Ta jtsob scotol li cristianoetic ta jujun banamile; te ta xquiq'uic yalel ta soplejaltic yu'un Josafat. Te ta xlic jchapan ta scoj ti laj yuts'intaic li jteclumale, ja' li israeletic ti la spuquic batel ta yantic banamile, xchi'uc ti la spucbe sbaic li cosil jbanamile.

Sofonías 1:14

¡Nopol xa sc'an sta li smuc'ta c'ac'alil Muc'ul Diose, po'ot xa, jutuc xa sc'an! ¡Toj c'ux me vocol c'alal chtal sc'ac'alil li Muc'ul Diose; ta to me x'avanic ta oq'uel li boch'o toj tsots yo'ntonic ta pasc'ope!

Filipenses 3:2

Q'uelo me abaic ta sventa li colemal ts'i'etique, ja' li chopol jcholc'opetique ti ja' no'ox tsc'an chaxtuch'boxuc abec'talique.

2 Pedro 3:7

Jech noxtoc li' ta orae, li vinajel xchi'uc banamile chapanbil xa sc'oplal ta xc'ac' ta c'oc' ti c'alal yorail chapanele, ja' ta sc'op noxtoc li Diose. Xchi'uc ja' yorail chbatic ta ch'ayel li chopol cristianoetique.