Joel 3:12 - Bible in Tzotzil de Chenalhó with Deuterocanon

¹² Chapano me abaic jujun banamil; muyanic batel ta soplejaltic yu'un Josafat, yu'un li Muc'ul Diose ja' te ta xlic xchapan scotol lumetic ti li' nopol setelique.

Bible in Tzotzil de Chamula

¹² Chaplicuc avu'unic ti muc'tiquil jteclumetique ti ac'o talicuc ta stenlejal yu'un ti Josafate. Ti bu taje, ta xchapanatic yu'un Dios ti uts' alal muc'tiquil jteclumetique.

Joel 3:12 Iomraidhean Croise

2 Crónicas 20:26

Ta xchanibal c'ac'al te la stsob sbaic ta stenlejaltic Beraca; te laj yalbeic slequilal li Muc'ul Diose. Ja' yu'un stenlejal yu'un Beraca, xi sbi laj yac'beic li banamile. Ja' jech sbi o c'alal to tana.

Salmos 7:6

¡Muc'ul Dios, la' me xchi'uc sc'ac'al avo'nton! La' va'lebin aba xchi'uc sc'ac'al yo'ntonic li cajcontrae, yu'un chapal avu'un c'u x'elan chachapanvan. Na'un me li vu'une, coltaun me.

Salmos 96:13

Aveticuc no'ox ta stojol li Muc'ul Dios c'alal ta xtale, yu'un ja' chtal xchapan sbejel li banamile; lec tuc' chchapan, tstusan scotol li jujun lume.

Salmos 98:9

Scotolic ac'o cuxetuc yo'ntonic ta stojol li Muc'ul Diose, yu'un ja' chtal xchapan sbejel li banamile. Lec tuc' chchapan scotol li banamile; lec co'ol chchapan scotol li jujun lume.

Isaías 2:4

Ja' tsva'an sba ta sq'uelel li jujun banamile; ja' chal c'u x'elan chcom c'op yu'unic ta epal lumetic. Jech chlic sc'atajesic ta locub banamil li yespadaique; chlic sc'atajesic ta jos li slanzaique. Mu'yuc xa tsmil sbaic ta espada li jujun muc'tic banamile; mu'yuc xa boch'o chchapan sba lec ta xchanel pleito.

Isaías 22:1

Li j'alc'ope laj yalbe sc'oplal ti chlaj li stenlejaltic ta yocyoc vits te yo' bu chich' ac'bel yil yu'un Muc'ul Dios c'usitic chc'ot ta pasele. ¿C'usi apasic ti acotolic chamuyic ta yamaq'uil jolnaetic,

Isaías 3:13

Li Muc'ul Diose chapal xa sventa chchapanvan; va'al xa sventa chac'be stoj smul li steclumale.

Ezequiel 30:3

Nopol xa chc'ot yorail; nopol xa chtal sc'ac'alil li Muc'ul Diose. Ta xa xtal sc'ac'alil but'ulal; ta xa xlic svocolic li jujun banamile.

Ezequiel 39:11

“Me ic'ot li sc'ac'alil le'e, ta xcac'be smuquinal te ta Israel banamil li Goge. Ja' smuquinal chc'ot cu'un li soplejaltic yo' bu sbeic li boch'otic chliquic tal ta sloq'ueb c'ac'al yu'un nabe. Jech ta xmac sbeic o scotol li jxanubaletique, yu'un ja' te ta xich' muquel li Goge xchi'uc scotol li yepal xchi'iltaque. Li soplejaltique Hamón-gog chc'ot sbi.

Joel 3:14

Toj ep ta stsob sba cristianoetic te ta soplejaltic, ta yavil li chapanele; yu'un po'ot xa tsta yorail chac' stojol mulil te ta soplejaltic li Muc'ul Diose.

Joel 3:2

Ta jtsob scotol li cristianoetic ta jujun banamile; te ta xquiq'uic yalel ta soplejaltic yu'un Josafat. Te ta xlic jchapan ta scoj ti laj yuts'intaic li jteclumale, ja' li israeletic ti la spuquic batel ta yantic banamile, xchi'uc ti la spucbe sbaic li cosil jbanamile.

Miqueas 4:3

Ja' ta xchapan li jujun lume; ja' ta stuq'uibtas li jujun banamil ti toj tsotsique, xchi'uc c'alal to ti bu nomtic oye. Li yespadaique ta xlic spasic ta azarona; li slanzaique ta spasic ta joz. Jech mu'yuc xa ta smil sbaic ta espada li muc'tic lumetique; mu'yuc xa ta xich'ic chanubtasel ta sventa paspleito.

Zacarías 14:4

Yan te ta vits olivatic ta yeloval Jerusalén ta stuq'uil sloq'ueb c'ac'ale ta stec'an lec yacan. Li vits olivatique ta svoc' sba ta o'lol ta stuq'uil sloq'ueb c'ac'al xchi'uc ta stuq'uil smaleb c'ac'al. Jvoc' chbat ta stuq'uil norte; jvoc' chbat ta stuq'uil sur. Lec jamal chcom.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.