Joel 3:10 - Bible in Tzotzil de Chenalhó with Deuterocanon

¹⁰ C'atajesic ta espada li avazaronaique; c'atajesic ta lanza li ajozique. Jech ac'o yal li boch'o mu'yuc c'usi xu' yu'une: “Lec xu' cu'un”, ac'o xiuc.

Bible in Tzotzil de Chamula

¹⁰ Ac'o smeltsanic ta yespadaic ti yasaronique. Ac'o smeltsanic ta slanzaic ti sjosique. Ac'o xi yal ti buch'u ch'abal ti yip ta xa'ie: Oy lec yipal cu'un ta xca'i ec un.’ ”

Joel 3:10 Iomraidhean Croise

2 Crónicas 25:8

Me jech chapase, me te chavich' atsatsal sventa chapas pleitoe, li Diose chayac'ot ta sc'ob li avajcontrae. Yu'un li Diose oy svu'el sventa chcoltavan xchi'uc sventa tsoquesvan —x'utat.

Isaías 2:4

Ja' tsva'an sba ta sq'uelel li jujun banamile; ja' chal c'u x'elan chcom c'op yu'unic ta epal lumetic. Jech chlic sc'atajesic ta locub banamil li yespadaique; chlic sc'atajesic ta jos li slanzaique. Mu'yuc xa tsmil sbaic ta espada li jujun muc'tic banamile; mu'yuc xa boch'o chchapan sba lec ta xchanel pleito.

Jeremías 51:11

¡Meltsanic lec li aflechaique; chapanic lec li amaquic sventa pleitoe, yu'un li Muc'ul Diose tsc'an ta xules o li Babiloniae! Laj xa stijbe yo'nton noxtoc li ajvaliletic ta Media ti ac'o oyuc ta yo'nton chulesic ec li Babiloniae. Ja' spacol chac' stuc li Muc'ul Diose; ja' tspacbe sutel sc'oplal c'usi laj yich' pasbel li ch'ulna yu'une.

Miqueas 4:3

Ja' ta xchapan li jujun lume; ja' ta stuq'uibtas li jujun banamil ti toj tsotsique, xchi'uc c'alal to ti bu nomtic oye. Li yespadaique ta xlic spasic ta azarona; li slanzaique ta spasic ta joz. Jech mu'yuc xa ta smil sbaic ta espada li muc'tic lumetique; mu'yuc xa ta xich'ic chanubtasel ta sventa paspleito.

Zacarías 12:8

C'alal me la sta sc'ac'alil le'e, ta jcolta li jnaclumetic ta Jerusalene. Li boch'o mu c'usi xu' yu'unique co'ol chc'otic jech chac c'u cha'al ajvalil David. Li smomnich'nab Davide co'ol chc'otic jech chac c'u cha'al Dios, xchi'uc jech chac c'u cha'al yaj'almantal Dios ti ba'yucbe chbat yu'unique.

San Lucas 13:12

C'alal laj yil li Jesuse, laj yic'. Jech laj yalbe: —Ants, colem xa li achamele —xut.

San Lucas 22:36

Li Jesuse jech laj yal: —Pero li' ta orae tsc'an chachapan abaic lec. Li boch'o oy staq'uine ac'o yich' batel. Li boch'o oy snuti'e ac'o yich' batel noxtoc. Li boch'o mu'yuc yespadae ac'o xchon snatil c'u', ja' ac'o sman o junuc yespada.