Joel 3:1 - Bible in Tzotzil de Chenalhó with Deuterocanon

¹ Jech ta xal noxtoc li Muc'ul Diose: “C'alal me ic'ot li sc'ac'alil, me ic'ot li yoraile, ta jcha'lecubtas li Judá xchi'uc Jerusalene.

Bible in Tzotzil de Chamula

¹ Xi ta xal ti Diose: “C'alal ta xc'ot yorail ti va'i s'elan taje, ta xc'ot ta pasel cu'un ti ta jelbe ta stojolic ti chopol yorail yu'unic ti Judae xchi'uc ti jteclum Jerusalene.

Joel 3:1 Iomraidhean Croise

Salmos 14:7

Oyuc c'uxi xtal coltael ta stojol te ta vits Sión li Israele. C'alal chac'be slequilal steclumal li Muc'ul Diose, toj xcuxet no'ox yo'nton li smomnich'nab Jacobe, ja' li jun ta lum israeletique.

Salmos 85:1

Muc'ul Dios, toj lec li c'usi laj apas li' ta banamil avu'une; laj avac'be yan velta slequilal li Jacobe.

Proverbios 1:23

La' a'yo ava'yic li taq'uiel cu'une. Ta jbusanboxuc li sbijil jol co'ntone; ta xcac'boxuc ana'ic li c'usi oy ta co'ntone.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Jeremías 16:15

Ja' xa no'ox jech chavalic: ‘Ja' ta sventa stsatsal Muc'ul Dios iloq'uic tal ta norte banamil ta yantic banamil yo' bu laj to'ox yich'ic puquel batel li smomnich'nab Israele’, xachiic. Yu'un ta to xquiq'uic sutel ta yosilalic ti bu cac'ojbeic ono'ox li amoltot ayame'ic ta vo'onee.

Jeremías 29:14

Ta xcac' ac'o ataicun, yu'un ta xcac' sutanic tal ti bu chucbiloxuc batele. Ta jtsoboxuc sutel tal ti buyuc no'ox la jpucoxuc batel ta yantic lum xchi'uc ta yantic banamile; te ta xvul cac'oxuc ti bu ono'ox laloq'uic batel cu'une’, xi li Diose.

Jeremías 30:18

Li Muc'ul Diose jech chal: “Ta to xcac' sutuc tal li smomnich'nabtac Jacob ti chucbilic batel ta yan banamile; ta to xlic c'uxubajuc ta co'nton li yosilalique. Li slumalique ta xich' cha'va'anel te ta yav ti bu to'ox oye, xchi'uc li pasubmantale ta xich' va'anel jech chac c'u cha'al ono'oxe.

Jeremías 30:3

Ta to sta sc'ac'alil ta xquic' sutel tal ta Israel xchi'uc ta Judá li jteclumale. Li' ta xquic' tal li' ta banamil yo' bu laj ono'ox cac'beic li amoltot ayame'ic ta vo'onee, jech ta xlic sc'upinic li osil li'i”, xiyutun.

Ezequiel 16:53

‘Vu'un ta xcac' staic yan velta c'u ono'ox x'elan oyic li Sodoma xchi'uc yalabtaque xchi'uc li Samaria xchi'uc yalabtaque. Jech ec li vo'ote ta xcac'bot sutel scotol ti c'u ono'ox xa'elan yilojique.

Ezequiel 39:25

“Ja' yu'un jech chcal vu'un li Muc'ul Diosune: Li' ta orae ta xquic' sutel li jchuqueletic yu'un Jacobe; ta xlic c'uxubajuc ta co'nton scotol li smomnich'nab Israele, yu'un tsots sc'oplal chca'ay chcac' ta ich'el ta muc' li jch'ulbie.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Joel 2:29

Jech noxtoc li amozoic, li aquiaraique ta xcac'be yich'ic espíritu cu'un c'alal me la sta li sc'ac'alil le'e.

Amós 9:14

Li jteclumal Israele, ta xlic quiq'uic sutel tal ti bu chucbilic batel ta yan banamile. Ta xlic xcha'va'anic li lumetic ti jinesbilique; ja' te ta xlic naquiicuc. Ta xlic sts'unic ts'usubtic, chlic yuch' stuquic li ya'lel sts'usubique. Ta xlic sts'unic jsatinom te'etic, te ta slo'beic lec sat.

Números 11:29

Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Números 12:6

li Muc'ul Diose jech laj yalbe: “A'yo ava'yic c'usi ta xcal: C'alal oy jt'ujoj jun caj'alc'op ta atojolique, vu'un ta jc'opan ta xch'ulel, o ta xvayechic, yu'un ta xcalbeic li c'usi oy ta co'ntone.

Deuteronomio 30:3

li Muc'ul Diose ta xlic sjelboxuc li avocolique. Ta xlic yich'oxuc ta c'ux yan velta. Ta xlic stsoboxuc loq'uel tal yan velta te ta yantic banamil ti bu chaspucoxuc batele.