Joel 2:32 - Bible in Tzotzil de Chenalhó with Deuterocanon

³² Scotol li boch'otic ta sc'anbeic vocol li Muc'ul Diose ja' ta xcolic. Jech chac c'u cha'al yaloj ono'ox li Muc'ul Diose: “Oy coltael ta vits Sión xchi'uc ta Jerusalén, xchi'uc ja' no'ox ta xcolic comel li boch'otic t'ujbilic cu'une”, xi.

Bible in Tzotzil de Chamula

³² Ja'uc ti buch'utic ta staic ta na'el ti Diose, ta xcolic ti jech oy sc'oplal ta xchamique. Ta vits Sión ti oy ta jteclum Jerusalene, oy ti pojobbail teye jech c'u cha'al yaloj ono'ox ti Diose. Ti buch'u t'ujbilic yu'une, cuxul ta xcomic.

Joel 2:32 Iomraidhean Croise

Génesis 4:26

Li Sete ivoc' jun xnich'on, Enós laj yac'be sbi. Ja' to te ilic yich'ic ta muc' li Muc'ul Diose.

Salmos 50:15

Ti c'alal oy avocol chava'yique, c'opanicun me; vu'un chajcoltaoxuc, vo'oxuc chavich'icun ta muc'”, xi li Diose.

Isaías 10:22

Israel, ac'o me bats'i epoxuc, ac'o me ja' jechoxuc jech chac c'u cha'al yi' ta ti'nab, pero scomelal xa no'ox ta sut tal avu'unic, yu'un li lajesel-chamesel ti chapanbil xa chavich'ique lec tuc', lec ts'acal ta xich' pasel.

Isaías 11:11

C'alal me la sta sc'ac'alile, li Muc'ul Diose chlic stsob tal yan velta li steclumal ti c'u to yepal te comenic ta Asiria, ta Egipto, ta Patros, ta Etiopía, ta Elam, ta Sinar, ta Hamat, xchi'uc ta lumetic ta ti'ti' nabe.

Isaías 11:16

C'alal ta xloq'uic tal ta Asiria ti c'u to yepal te cuxulic li steclumal Muc'ul Diose, lec jamal, lec muc' sbe tstaic jech chac c'u cha'al la staic c'alal iloq'uic tal ta Egipto ta vo'onee.

Isaías 4:2

Me la sta yoraile, li Muc'ul Diose ta xac' q'uelumajuc li sts'unube. Li sq'uelume ja' slequilal, yutsilalic chc'ot li israeletic ti cuxajtic to chcomique. Li sat c'usitic chloc' yu'unique ja' yich'elic ta muc' chc'ot.

Isaías 46:13

Ta xcac' nopajuc tal ta ora li tuq'uil chapanel cu'une; mu xa xcac' jalijuc. Ta xcac' tal coltael cu'un ta stojol li Sione; ta xcac' jlequilal ta stojol li Israele.

Jeremías 31:7

Li Muc'ul Diose jech chal: “Cuxetuc no'ox avo'nton q'uejinanic ta sventa li smomnich'nab Jacobe; avetanic no'ox ta xcuxetel avo'ntonic ta sventa Israel, ja' li banquilal yu'un yantic lumetique. Aq'uic ta a'yel ti c'u x'elan chavalbeic slequilal yutsilale, jech xavalic: ‘Li Muc'ul Diose laj xa scolta li steclumale, ja' li scomelal sts'unubal Israele’, chianic.

Jeremías 33:3

Vocoletan ta jtojol, vu'un chajtac'bot, chacac'bot avil c'usitic toj muc'tic, c'usi mu'yuc vinajem ti mu'yuc ono'ox jech aviloje.

Amós 9:8

Q'uelo me abaic, yu'un vu'un li Muc'ul Diosun ti avajvalicune, ta me jq'ueloxuc tal, jpasmulil israeletic jech chcal ta aventaic: “Ta jyavnaijesoxuc li' ta sba banamil, pero mu'yuc ta xcules o scotol li smomnich'nab Jacobe.

Abdías 1:17

Yan li vits Sione ja' ch'ul banamil chcom cu'un, jech oy to boch'otic chcol comel. Li smomnich'nab Jacobe chlic sventainic yan velta li c'usitic oy yu'unique.

Abdías 1:21

Li boch'o tspasic canale ta xmuyic batel ta vits Sión sventa chalic c'u x'elan stojol smul chich' li boch'otic te oyic ta vitsetic yu'un Esaue. Ja' xa ventainvanuc stuc li Muc'ul Diose.

Miqueas 5:3

Li' ta orae li Diose yictaoj comel li yu'untaque, pero ja' no'ox ti c'u sjalil sc'an xvoc' yol li ants ti sc'oplal tsvoq'ues jun olole. Jech chlic stsob sbaic tal yo' bu comen xchi'iltaquic li israeletic ti chucbilic batel ta yan banamile.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Juan 10:16

Jech noxtoc oy to yantic jchijtac ti muc li'uc oyic ta corale. Le'e ta ono'ox xquic'an tal ec. Ta xa'ibicun jc'op; jun no'ox scoralil chc'ot scotol, xchi'uc jun no'ox jchabivanej chc'ot yu'unic.

San Juan 4:22

Li vo'oxuque mu xavotquinic li boch'o chavich'ic ta muq'ue. Yan li vu'uncutique ja' chquich'cutic ta muc' li boch'o lec xcotquincutique. Yu'un li mero coltaele te chlic ta stojol li judioetique.

Hechos 15:17

Yu'un jech ac'o sa'ic Dios li cristianoetic ti c'u to yepal comenique, xchi'uc jech ac'o yich'ic ta muc' Dios ec li yanlum cristianoetic ti mu xotquinic Diose,

Hechos 2:39

Yu'un ja' ta aventaic ec li c'usi albil ono'ox sc'oplal chtale, xchi'uc ja' ta sventa anich'nabic, xchi'uc ja' sventa li boch'otic nom to oyic ti jayib ch-ic'atic yu'un Diose —xi li Pedroe.

Romanos 11:26

ja'o yorail chcol ec li israeletic jech chac c'u cha'al ts'ibabil ta sc'op Diose: “Li Jpojvaneje te chlic tal ta Sión. Ja' tsloq'uesbe sbolil yo'nton li Jacobe.

Romanos 11:5

Ja' no'ox jech ec, li' ta orae oy to c'uuc yepal t'ujbilic ta sventa li slequil yo'nton Diose.

Romanos 11:7

¿C'usi chcaltic? Yu'un li c'usi ibat yo'nton ta sa'ilanel li Israele, muc sta. Pero li boch'otic t'ujbilique ja' la staic. Li yantique ja' no'ox itsatsubtasbat yo'ntonic.

Romanos 9:24

Ja' jc'oplaltic ec vu'utic ti ic'bilutic xae. Ma'uc no'ox li israeletique, ja' sc'oplalic noxtoc li yanlum cristianoetique.

Romanos 9:27

Li Isaiase jech ono'ox laj yal ta sventa li israeletique: “Ac'o me ja' to jech yepalic jech chac c'u cha'al yi' ta ti' nab, pero scomelal xa no'ox chcolic.

1 Corintios 1:2

vo'oxuc li steclumaloxuc Dios te ta lum Corintoe. Vo'oxuc ti voc'biloxuc xa ta sventa li Cristo Jesuse, ti ic'biloxuc sventa chac'otic ta yu'untac Dios, yu'un jech co'ol chac'otic xchi'uc li boch'otic tsc'anbeic vocol Cajvaltic Jesucristo buyuc no'ox oyique, ja' li Cajvaltic ta jcotoltique.

Hebreos 12:22

Li vo'oxuque ja' lanopajic tal ta vits Sión, ja' li slumal cuxul Diose, ja' li ach' Jerusalén te ta vinajel yo' bu xchi'inoj ep ta mil (1,000) j'almantaletique,