Joel 2:31 - Bible in Tzotzil de Chenalhó with Deuterocanon

³¹ Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Bible in Tzotzil de Chamula

³¹ Ta x'ic'ub ti c'ac'ale, ta xjoybij ta ch'ich' ti ue. Ja' no'ox un, ba'yel oy c'usi muc'tic ta xc'ot ta pasel ti xi'bal sba c'alal ma'uc to sc'ac'alil yorail ta xvul ta loq'uel ti Diose.”

Joel 2:31 Iomraidhean Croise

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

Malaquías 4:5

“A'yo ava'yic, ba'yuc ta jtacboxuc tal j'alc'op Elías ti c'alal mu'yuc to tsta Sc'ac'alil li Muc'ul Diose, ja' li jun c'ac'al ti toj tsots, ti toj xi'bal sbae.

Malaquías 4:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta xa xtal li jun c'ac'al ti tstsan jech chac c'u cha'al hornoe. Scotol li jtoybaetique xchi'uc li boch'otic tspasic c'usitic chopole ja' jech chc'otic jech chac c'u cha'al taqui jobel. C'alal chtal li jun c'ac'al le'e chchic' scotol, chlaj c'alal ta yibel c'alal ta sc'obc'ob.

Joel 3:15

Li c'ac'al xchi'uc li ue ta xlic ic'ubicuc; li c'analetique mu'yuc xa chac' xojobalic noxtoc.

Joel 2:10

Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

San Lucas 21:25

“Jech noxtoc ta xvinaj sq'uelubil ta c'ac'al, ta u, xchi'uc ta c'analetic. Li' ta banamile toj ep svocolic li cristianoetique. Chbat xch'ulelic ta sventa ti toj tsots ta xbac' li nabetique xchi'uc ti toj tsots ta syuq'uilan sbae.

Joel 3:1

Jech ta xal noxtoc li Muc'ul Diose: “C'alal me ic'ot li sc'ac'alil, me ic'ot li yoraile, ta jcha'lecubtas li Judá xchi'uc Jerusalene.

San Mateo 27:45

C'alal ista o'lol c'ac'ale, i'ic'ub osil. Ic' icom c'alal to ta o'lol syalel c'ac'al.

Hechos 2:20

Ta x'ic'ub li c'ac'ale; ta stsajub li ue. Le'e muc to ja'uc sc'ac'alil li Cajvaltic ti toj muc' sc'oplal, toj tsots sc'oplale.

Apocalipsis 8:12

C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Ezequiel 32:7

C'alal chaculesote, ta x'ic'um li vinajele; ta xtu'p scotol li c'analetique; ta xmac ta toc li c'ac'ale; mu xa xac' xojobal li ue.,

Joel 2:1

Jupanic oq'uesetic te ta vits Sión; avananic te ta ch'ul vits yu'un li Diose. Xi'anic acotolic jnaclumetic ta banamil, yu'un ta xtal sc'ac'alil li Muc'ul Diose; jutuc xa sc'an sta yorail.

Joel 2:2

Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Zacarías 14:6

Me la sta sc'ac'alil le'e, mu'yuc xa chq'uep, mu'yuc xa chbut'.