Joel 2:30 - Bible in Tzotzil de Chenalhó with Deuterocanon

³⁰ Ta xcac' ta ilel muc'tic sq'uelubil jtsatsal ta vinajel xchi'uc ta banamil; ja' ch'ich', c'oc' xchi'uc ch'ayil.

Bible in Tzotzil de Chamula

³⁰ Oy c'usitic ta xcac' iluc ta vinajel ti muc'tic no'ox ta j'ech'ele, ti ch'ayal ta xc'ot o'ntonal yu'une. Ta xvinaj ch'ich', ta xvinaj c'oc', xvolet no'ox lumal toc ti co'ol s'elan ch'ail ti li' ta banomile.

Joel 2:30 Iomraidhean Croise

Génesis 19:28

La sq'uel batel li lum Sodoma xchi'uc Gomorra xchi'uc scotol stenlejaltique. Te laj yil ti puru ch'ayil te chloq'ue; xco'laj xchi'uc xch'ayilal jun muc'ta tocalte'.

Cantares 3:6

¿C'usi le' xtal ta xocol banamil ti xco'laj xchi'uc ch'ayil xtomet muyele, ti joyibtabil tal ta xch'ayilal muil poxil xchi'uc ta xch'ayilal pom, xchi'uc ta xch'ayilal yantic muil poxiletique?

Jeremías 4:28

Li banamile ta xnoj ta at-o'nton, li vinajele ta x'ic'um ta scoj me'nal. Yu'un li c'usi laj cale laj cal o; li c'usi la jnope la jnop o; mu'yuc ta jsutes jc'op, mu'yuc chisut ta jva'lupat.

Zacarías 14:6

Me la sta sc'ac'alil le'e, mu'yuc xa chq'uep, mu'yuc xa chbut'.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

San Lucas 21:11

Ta xjelov tsots niqueletic. Ta to xtal tsots vi'nal xchi'uc chamel ta buticuc banamilal. Ta to xtal ep xi'el, xchi'uc muc'tic sq'uelubil stsatsal Dios ta vinajel.

Josué 8:20

C'alal la sq'uel sutel sva'lupatic li viniquetic ta Haie, ja' to laj yilic ti chmuy c'alal ta vinajel li xch'ayilal slumalique. Jech mu xa sna' bu jotucal chjatovic batel, yu'un li israeletic ti ja' to'ox snutsojic tal ta xocol banamile ja' xa tsnutsvanic ec.

Apocalipsis 18:18

X'avetic no'ox ta scoj ti bats'i yan sba xch'ayilal chc'ac' li muc'ta lume, jech chalic: “Mu'yuc yan lum jech chac c'u cha'al li muc'ta lume”, xiic.

Apocalipsis 18:9

Li ajvaliletic ta banamil ti imulivaj xchi'uquique, ti laj yac' sbaic ta spasel li c'usitic lec laj ya'yique, ch-oq'uic, chat yo'ntonic ti c'alal chilic yan sba xch'ayilal chc'aq'ue.

Apocalipsis 8:7

C'alal la sjupan yoq'ues li sba j'almantale, ital ep bot ta banamil, xchi'uc c'oc' capal ta ch'ich'. Jutuc xa mu sta o'lol ic'ac' li te'etique xchi'uc li yaxal ts'i'laletique.

Jueces 20:38

Li boch'otic snac'oj sbaique yalojbe xa ono'ox sbaic xchi'uc yan xchi'iltaquic ti te chvinaj jun muc'ta ch'ayil c'alal me ochem xa ta sc'obic li lume.

Jueces 20:40

Pero ja'o lic loc'uc muc'ta ch'ayil te ta slumalic. C'alal la sq'uelic sutel spatique, laj yilic ti solel yan sba xch'ayilal chloc' li slumalique.