Joel 2:27 - Bible in Tzotzil de Chenalhó with Deuterocanon

²⁷ Jech chlic ana'ic ti te oyun ta atojolic, vo'oxuc li israeloxuque, xchi'uc chlic avotquinic ti vu'un Muc'ul Diosun avu'unique, ti mu'yuc yane. Jech mu'yuc xa chayalic o ta q'uexlal yan velta, vo'oxuc li jteclumaloxuque.

Bible in Tzotzil de Chamula

²⁷ Va'i un, ti vo'oxuc une, israeletic, ta xlic ana'ic ti tey ono'ox jchi'inojoxuc ti vu'un Diosune. Vu'un ti Diosun avu'unique, mu'yuc buch'u yan. Laj sc'oplal ti nijil chimil ta xcomic ta q'uexlal ti jteclumale.

Joel 2:27 Iomraidhean Croise

Salmos 46:5

Li Diose te oy ta o'lol li lum yu'une, jech lec tsinil chcom o. Ja' tscolta ti c'alal tstsac batel jujun c'ac'ale.

Salmos 68:18

Dios, lamuy batel ta toyol, laj achuc batel li boch'otic laj atsale, laj avich' li amoton yu'un cristianoetique; c'alal ta jtoybaetic, laj yac' sbaic ta atojol, Muc'ul Dios.

Proverbios 1:23

La' a'yo ava'yic li taq'uiel cu'une. Ta jbusanboxuc li sbijil jol co'ntone; ta xcac'boxuc ana'ic li c'usi oy ta co'ntone.

Isaías 12:6

Jnaclumetic ta Sión, cuxetuc avo'ntonic; q'uejinanic yu'un li Ch'ul Dios yu'un Israele, yu'un te oy ta atojolic xchi'uc li smuc'ule”, xachiic.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 44:8

Mu me xaxi'ic, tsotsuc me avo'ntonic, vo'oxuc te ta Israel. Li vu'une calojboxuc ono'ox ta vo'one li c'usitic chc'ot ta pasele. Vo'oxuc testigooxuc cu'un, jtuc no'ox Diosun, mu'yuc yan. Mu'yuc boch'o tsots svu'el, me junuc mu'yuc bu quiloj”, xi li Muc'ul Diose.

Isaías 45:18

Jech chal li Muc'ul Dios ti la spas vinajele, ja' ta melel, ja' li boch'o la spas banamile, ti la xchapan leque, ti lec nacal icom yu'un sventa ac'o oyuc boch'otic te chnaquie: “Vu'un muc'ul Diosun jtuc, mu'yuc yan dios.

Isaías 45:5

Vu'un Muc'ul Diosun, mu'yuc yan Dios jech chac c'u cha'al vu'un. Vu'un la jchapanot lec xchi'uc avabtejeb, ac'o me muc xavotquinun li vo'ote.

Isaías 45:6

Yu'un jech ac'o ana' ti mu'yuc yan Dios jech chac c'u cha'al vu'une. Mu'yuc bu ta tael yan Dios, me ta sloq'ueb c'ac'al, me ta smaleb c'ac'al ti co'ol jech chac c'u cha'al vu'une.

Isaías 46:9

Vuleso ta ajolic li c'usitic ic'ot tal ta pasel ta vo'onee. Vu'un no'ox jtuc Diosun; mu'yuc yan dios ti xco'laj jech chac c'u cha'al vu'une.

Isaías 49:23

Li ajvaliletic yu'unique xco'laj xchi'uc atotic chc'ot; li stsebetic ajvaliletique ja' jts'itesej olol chc'ot avu'unic. Chlic squejan spatan sbaic ta atojol; chlic sts'uts'ic avacan. Jech chlic avotquin o ti vu'un Diosun ta melele, yu'un mu'yuc lo'labil li boch'otic chch'unic ti vu'un ta jcoltaique”, xi li Muc'ul Diose.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Ezequiel 37:6

Ta xcac'boxuc ach'uxuvilic, ta xcac'boxuc abec'talic, ta xcac'boxuc anuculilic, ta xcac'boxuc ach'ulelic, jech chacuxiic; jech chana'ic o ti vu'un Muc'ul Diosune, xi li Diose’, uto”, xiyutun.

Ezequiel 39:22

Ta sc'ac'alil le'e ja' yorail chlic sna'ic o batel scotol israeletic ti vu'un Muc'ul Diosun yu'unique.

Ezequiel 39:28

C'alal me laj xa'ox jloq'uesic tal ta yantic banamil ti bu chucbil ibatic cu'une, me laj xa'ox quiq'uic tal ta yosilalique, me mu xa junuc la jcomtsanic ta yantic banamile, jech chlic sna'ic o ti vu'un Muc'ul Diosun yu'unique.

Ezequiel 39:29

Mu'yuc xa bu chlic jnac' jsat ta stojolic yan velta, yu'un ta xcac'be ta stojolic Espíritu cu'un scotol li smomnich'nab Israele”, xi li Muc'ul Diose.

Joel 2:26

Jech lec chave'ic, lec noj ach'utic; jech xu' chavalbicun jlequilal, vu'un li Muc'ul Diosun avu'unic, ta sventa ti toj muc'tic sq'uelubil jtsatsal la jpas ta atojolique. Jech mu'yuc xa ta xcac'oxuc ta q'uexlal yan velta, vo'oxuc li jteclumaloxuque.

Joel 3:17

Jech chal noxtoc li Muc'ul Diose: “Chlic avotquinic ti vu'un Muc'ul Diosun avu'unic ti te nacalun ta Sione, ja' li ch'ul vits cu'une. Li Jerusalene ch'ul lum ta xcom o; mu'yuc xa chtal soquesic yan velta li yanlum cristianoetique.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

Sofonías 3:17

Li Muc'ul Dios ti ech'em stsatsale te oy ta atojol, ja' chascoltaot; xcuxet no'ox yo'nton ta atojol. Mu'yuc c'usi chal, yu'un lec sc'anojot; xcuxet no'ox yo'nton ta xq'uejin ta atojol jech chac c'u cha'al ta yorail q'uin.

Números 11:29

Pero li Moisese jech laj yal: —¿Me it'ix xa avo'nton ta jtojol? Oyuc c'uxi xc'ot ta pasel ch-ac'batic espíritu yu'un Muc'ul Dios scotol li jchi'iltactique, scotol j'alc'opetic chc'otic ti jechuque —xi.

Números 23:21

Mu'yuc boch'o yilojbe yepalc'opic xchi'uc xchopolilic li Israel xnich'nabtac Jacobe. Li Muc'ul Dios yu'unique, te oy ta stojolic. Li stuquique chich'ic ta muc' jech c'u cha'al jun ajvalil.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Deuteronomio 23:14

Yu'un li Muc'ul Dios cu'untique te chanov ta o'lol li acarpanaique yu'un chaxchabioxuc, xchi'uc te chascoltaoxuc ta stsalel li avajcontraique. Jech tsc'an ti voc'bil avu'unic sventa Dios ti bu chapas acarpanaique, yu'un jech mu'yuc c'usi chopol chil li Diose. Me mu xapasic jeche, ta me xascomtsanoxuc li Diose.

1 Pedro 2:6

Ja' yu'un jech ts'ibabil ta sc'op Dios: “A'yo ava'yic, ta xcac' jbej lequil ton te ta Sión; lec t'ujbil, tsots sc'oplal. Ja' ta xcom ta sventa chiquin na. Li boch'o ja' tspat yo'nton ta stojole mu xyal o ta q'uexlal”, xi ts'ibabil.

Apocalipsis 21:3

Laj ca'ay oy boch'o tsots chc'opoj tal ta muc'ta chotlebal, jech laj yal: “Q'uelo avilic, li'i ja' xa snaic xchi'uc cristianoetic li Diose. Te ta xchi'in o ta naclej. Ja' xa steclumal chc'ot o, jech ec li stuquique ja' Dios yu'unic o.