Joel 2:26 - Bible in Tzotzil de Chenalhó with Deuterocanon

²⁶ Jech lec chave'ic, lec noj ach'utic; jech xu' chavalbicun jlequilal, vu'un li Muc'ul Diosun avu'unic, ta sventa ti toj muc'tic sq'uelubil jtsatsal la jpas ta atojolique. Jech mu'yuc xa ta xcac'oxuc ta q'uexlal yan velta, vo'oxuc li jteclumaloxuque.

Bible in Tzotzil de Chamula

²⁶ Ta xata lec ti ave'elique, ja' to ti c'uxi xlaet avo'nton ta xcom yu'une. Xalequil-c'opojic no'ox ta stojol ti Dios avu'unique. Oy c'usitic lec muc'tic laj jpas ta atojolic. Laj sc'oplal ti nijil chimil ta xcomic ta q'uexlal ti jteclumale.

Joel 2:26 Iomraidhean Croise

Génesis 33:11

Ta jc'anbot vocol ti ac'o avich'bun li amoton quich'ojbot tale, yu'un Dios laj yac'bun li jc'ulejale, jech mu'yuc xa c'usi yan sc'an cu'un —xi. Ta sventa ti mu xlaj yo'nton o li Jacobe, jech te la stsac smoton li Esaue.

Nehemías 9:25

Ja' i'och ta sc'obic li lumetic ti lec setbilic ta tsatsal coraltone xchi'uc li yaxal banamiletique. Xchi'uc laj yu'uninic ep naetic puru lequic c'usitic te oy, xchi'uc pozoetic, ts'usubtic, olivaetic, xchi'uc jsatinom te'etic. Ja' la slajesic scotol, lec noj xch'utic o, jech xcuxet no'ox yo'ntonic ta sventa li slequil avo'ntone.

Salmos 103:5

Ja' chiyac'bun ta que ta jti' scotol li c'usitic leque, jech ta xiqueremaj lec yu'un jech chac c'u cha'al xic.

Salmos 116:7

Ja' yu'un li' ta orae jun no'ox co'nton yan velta, yu'un toj lec c'usi la spasbun li Muc'ul Diose.

Salmos 13:6

Xila'et no'ox ta sq'uejintael li Muc'ul Diose, yu'un toj lec li c'usi la spas ta jtojole.

Salmos 22:26

Jun yo'nton chlic ve'icuc li boch'otic oy svocolique, lec chnoj xch'utic. Jech chlic yalbeic slequilal Muc'ul Dios li boch'otic ta ono'ox sa'ic li Muc'ul Diose, jech chcuxiic ep jabil.

Salmos 37:19

Mu xq'uexovic ti c'alal yorail oy svocolique; lec noj xch'utic ti c'alal yorail vi'nale.

Salmos 67:5

Dios cu'un, ac'o yalic alequilal scotol li cristianoetic ta jujun lume; ac'o yich'icot ta muc' scotolic.

Salmos 72:18

Ac'o ich'atuc ta muc' li Muc'ul Diose, ja' li Dios yu'un Israele, yu'un ja' no'ox stuc xu' yu'un tspas senyail sq'uelubiltac.

Proverbios 13:25

Li boch'o tuc' yo'ntone oy lec sve'elic, lec noj xch'utic; yan li boch'o chopolique cha'yic vi'nal.

Cantares 5:1

Cunin ixlal, cunin elub, li' xa oyun ta ts'unubaltic cu'une. I'och xa ta jc'ob li mirra xchi'uc muil poxiletic cu'une; laj xa jlo' li spom muc'ta pom cu'une; laj xa cuch' li ya'lel ts'usub xchi'uc li ya'lel xchu' vacaxe. Vo'oxuc ti lec jc'anojoxuque, ve'an uch'anic vo'; loq'ueso avo'ntonic ti c'u yepal chac'anique.

Isaías 25:1

Muc'ul Dios, vo'ot Diosot cu'un; chaquich'ot ta muc', ta xcal slequilal abi, yu'un toj labalic sba c'usi laj apas. Li c'usitic avaloj ono'ox ta vo'one, puru tuq'uic, puru melelic.

Isaías 29:22

Ja' yu'un, li Muc'ul Dios ti la scolta Abraham ta vo'onee jech chalbe li sts'unubaltac Jacobe: “Li' ta ora xchi'uc le' to batele, mu'yuc cha'ay q'uexlal o li Jacobe; mu'yuc bu tsaclich'taj o sat ta xi'el.

Isaías 45:17

Yan li Israele coltabil yu'un li Muc'ul Diose, ch-ac'bat lec coltael sventa sbatel osil; mu'yuc chyalic ta q'uexlal, mu'yuc bu biq'uit chcomic.

Isaías 49:23

Li ajvaliletic yu'unique xco'laj xchi'uc atotic chc'ot; li stsebetic ajvaliletique ja' jts'itesej olol chc'ot avu'unic. Chlic squejan spatan sbaic ta atojol; chlic sts'uts'ic avacan. Jech chlic avotquin o ti vu'un Diosun ta melele, yu'un mu'yuc lo'labil li boch'otic chch'unic ti vu'un ta jcoltaique”, xi li Muc'ul Diose.

Isaías 54:4

Mu xaxi', mu'yuc bu chayal ta q'uexlal; mu xanamalta aba, mu'yuc boch'o xu' chasna'leot. Ta xlic ch'ayuc ta avo'nton c'u x'elan li q'uexlal laj ava'ay tal ta ach'iebale; mu'yuc xa bu cht'ab o ta avo'nton c'u x'elan laj avich' na'leel ti c'alal laj avich' ictael comele.

Isaías 55:2

¿C'u yu'un jeche' chalajes ataq'uinic yu'un li c'usi mu ja'uc ve'lile? ¿C'u yu'un chavixtan atojolic yu'un li c'usi mu xanojic yu'une? Ch'unic li c'usi chacalboxuque, jech chataic li lequil ve'lile, jech xu' chalajesic li c'usitic toj muique.

Levítico 25:19

Te ta banamile lec ta xac' sat li c'usitic chats'unique, jech xcuxet avo'ntonic te chanaquiic, lec xave'ic o; lec noj ach'utic o yu'un.

Levítico 26:26

“C'alal ta xcules li ave'elic cac'ojboxuque, lajuneb antsetic ta spasic pan ta jun no'ox horno, jech chlic avoq'uilanbe abaic ti c'alal chave'ique, pero mu xnoj ach'utic o.

Levítico 26:5

Jech oy atrigoic o ti c'alal chloc' li sat ats'usubique, xchi'uc oy ats'usubic o ti c'alal yorail chats'unubajique. Oy lec ave'elic jech lec noj ach'utic, jech xcuxet no'ox avo'ntonic te chanaquiic ta avosilic.

Miqueas 6:14

C'alal chave'e, mu'yuc chnoj ach'ut, jech te chavi'naj o chava'ay; ac'o me chata c'usi oy avu'un, pero mu xnac' avu'un, yu'un ta spoj li avajcontra c'alal chtal smiloxuc ta pleitoe.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

Zacarías 9:15

Li Muc'ul Dios ti tspas ta mantal scotol te ta vinajele ta xchabi li yu'untaque, ta xpech'beic ta teq'uel sbec' xjimich'ic li j'ac'-jimich'etique. Ta xmich'ic li yajcontraique. Ta xuch'beic xch'ich'al ya'yel jech chac c'u cha'al chuch'ic ya'lel ts'usub. Ta xnoj lec xchi'uquic jech chac c'u cha'al chnoj tazaetic; ta xatinic lec jech chac c'u cha'al tsmalic ta xulub scajleb matanal.

Zacarías 9:17

¡Toj lec, toj jun yutsil chc'ot li banamile! Li trigoe ta xac' lec ch'iuc li queremetique; li ya'lel ts'usube ta xac' ti lec solol yo'nton li tsebetique.

Romanos 10:11

Yu'un jech ts'ibabil ta sc'op Dios: “Scotol li boch'otic ta xich'ic ta muq'ue, mu xyalic ta q'uexlal”, xi.

Romanos 5:5

Mu lo'laeluc li c'usi ta jmalatique. Yu'un laj xa yac' jna'tic ta sventa Ch'ul Espíritu yac'ojbutic ti j'ech'el c'anbilutic o yu'un Diose.

Romanos 9:33

Yu'un jech ono'ox ts'ibabil: “A'yo ava'yic, te ta xcac' ta Sión li ton sventa sbosiubil acanile, ja' li ton sventa tsyalesvan ta lume, yan li boch'o chich' ta muq'ue mu alticuc chac'be sba q'uexlal”, xi.

Deuteronomio 11:15

Jech noxtoc chac' ch'iuc lec vomoletic ta avosilic sventa aca' avacaxic. Jech chata lec ave'elic xchi'uc scotol c'usi chtun avu'unic.

Deuteronomio 12:12

Pasic lec q'uin te ta stojol Muc'ul Dios cu'untic achi'uc anich'nabic, amozoic, xchi'uc li levietic ti te co'ol nacaloxuc achi'uquique, yu'un li stuquique mu'yuc chich' yosilic te ta atojolic.

Deuteronomio 12:18

Ja' tsc'an te chave'ic ta stojol Muc'ul Dios ta yavil ti t'ujbil yu'une. Te xave'ic achi'uc anich'nabic, amozoic, xchi'uc li levietic ti te co'ol nacaloxuc achi'uquique. Jech xcuxet avo'ntonic ta sventa ti oy c'usi lec chloc' ta avabtelique.

Deuteronomio 12:7

Te xave'ic achi'uc avajnil anich'nabic ta stojol li Muc'ul Dios cu'untique. Jech xcuxet no'ox avo'ntonic ta sventa ti oy c'usi lec chloc' ta avabtelique yu'un yac'ojboxuc ep bendición li Muc'ul Dios cu'untique.

Deuteronomio 8:10

C'alal me laj avo'ntonic ta ve'ele, lec noj ach'utic chava'yic. Pero ja' tsc'an chavalbeic slequilal, tsc'an chavich'ic ta muc' li Muc'ul Dios cu'untique yu'un toj lec li osil laj yac'boxuque.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.