Joel 2:23 - Bible in Tzotzil de Chenalhó with Deuterocanon

²³ Jnaclumetic ta Sión, cuxetuc avo'ntonic; tse'inanic no'ox ta sventa li Muc'ul Dios avu'unique. Yu'un ja' chayac'boxuc tal li sba yalelal vo' c'alal tsta yoraile; chayac'boxuc tal vo' ti sob chyale xchi'uc ti ts'acal chyale. Ja' jech ta spas jech chac c'u cha'al ta spasboxuc ono'oxe.

Bible in Tzotzil de Chamula

²³ Jnaclejetic ta Sión, laetuc no'ox avo'ntonic, muyubajanic ta sventa ti oyoxuc ta stojol ti Dios avu'unique. Laj yac'boxuc talel ti vo' ti c'alal yorail xa ta xtune, laj yac'boxuc talel ti sba yalel vo'e, xchi'uc ti c'alal ta xpaj ta yorail jech c'u cha'al laj spas xtoc ta ba'yele.

Joel 2:23 Iomraidhean Croise

1 Reyes 8:36

a'ibun sc'opic te ta vinajel. Pasbo perdón li smulique. Ac'bo yilic li lequil be bu tsc'an tstamic batele. Taco me tal vo' li' ta banamil ti bu avac'ojbe yu'uninic li ateclumale.

Job 33:23

Pero me chtal c'opanatuc yu'un jun yaj'almantal Dios ti t'ujbil chloc' tal ta epal mil j'almantaletique, me ja' chalbe ta jamal Dios ti ta melel tuc' yo'nton li vinique,

Job 37:13

Scotol le'e xu' tstunes sventa chac'be stoj o smul cristianoetic li Diose, xchi'uc sventa chac'be o yil slequil yo'nton.

Salmos 104:34

Ta jc'an ti ac'o lecuc yil li c'usitic ta jnope, yu'un ja' no'ox ta sventa ti ta jta xcuxetel co'ntone.

Salmos 147:8

Yu'un ja' chac' but'uc ta toc li vinajele; ja' chchapan tal li vo' sventa banamile; ja' chac' ch'iuc li ts'i'laletic ta vitsetique.

Salmos 149:2

Israeletic, cuxetuc avo'ntonic ta stojol li Boch'o la spasoxuque; jnaclumetic ta Sión, cuxetuc avo'ntonic yu'un li Ajvalil avu'unique.

Salmos 28:7

Li Muc'ul Diose ja' stsatsal co'nton; la jch'un ta co'nton ti chiscoltaune, jech la scoltaun. Jech stse'in no'ox co'nton; xila'et no'ox ta sq'uejintabel slequilal.

Salmos 32:11

Vo'oxuc ti tuc' avo'ntonique, tse'inanic, cuxetuc no'ox avo'ntonic ta stojol li Muc'ul Diose; q'uejinanic no'ox, avetanic no'ox vo'oxuc ti tuc' avo'ntonique.

Salmos 84:6

C'alal chjelov ta soplejaltic ta sloq'uem ya'lel satile, ta xc'ataj ta nio' yu'un; xco'laj xchi'uc yorail vo'olaltic chc'ot, ts'anajtic ta buyuc no'ox.

Proverbios 16:15

Me xcuxet yo'nton li ajvalile ja' sventa jcuxlejaltic chc'ot; li slequil yo'ntone ja' jech chac c'u cha'al toc ti oy ya'lele.

Isaías 30:21

Me oy chach'ay ta be ta bats'ic'ob o ta ts'etc'obe, ta ora chava'yic oy boch'o chasc'opanoxuc ta apatic, jech chayalboxuc: “Li' xabatique, ja' li' li lequil bee”, xayutoxuc.

Isaías 30:23

Li Muc'ul Diose chayac'boxuc tal lec vo' ta sventa li c'usitic chats'unic ta avosilique. Li trigo chloc' te ta banamile toj lequic, lec chapal chataic yu'un scotol. C'alal me la sta yorail le'e, lec muc' yosilal bu chve' li ats'unub avovolique.

Isaías 41:16

C'alal chajipic muyel ta toyole, ta xcuchat batel ta ic'; ta xich' tanijel batel ta tsatsal ic'. Pero li vo'ote xcuxet no'ox avo'nton ta jtojol, vu'un li Muc'ul Diosune, jech toj jun avo'nton chava'ay ta sventa li Ch'ul Dios yu'un Israel.

Isaías 61:10

Toj xcuxet no'ox co'nton ta stojol li Muc'ul Diose; toj jun no'ox co'nton ta stojol li Dios cu'une, yu'un laj yac'bun li coltael yu'une, laj yac'bun jpas ta canal scotol. La smeltsanun lec jech chac c'u cha'al jun querem ti ta xa xnupine; la sc'ac'ubtasun lec jech chac c'u cha'al jun tseb ti sc'ac'ubtasoj xa lec sba xchi'uc c'usitic oy yu'une.

Jeremías 3:3

Ja' yu'un muc xtal li vo'e, jech muc xa xac' o c'alal yorail vo'olaltic. Li asate ja' co'ol xchi'uc sat jmulavil ants, jech mu'yuc q'uexlal sba chava'ay o.

Jeremías 5:24

Mu'yuc jech laj aval ta avo'ntonic: Ja' ac'o quich'tic ta muc' li Muc'ul Dios cu'untique yu'un ja' chiyac'butic tal vo' ta yorail vo'olaltic xchi'uc ta yorail q'uinubaltic, xchi'uc ja' yac'ojbe lec yorail li c'aoj cu'untique, mu'yuc xachiic.

Lamentaciones 4:2

Li yajvaltac Sione lec to'ox ich'bilic ta muc'; xjelov to'ox slequil ch-ilatic jech chac c'u cha'al bats'i lequil c'anal taq'uin. Pero tana ja' xa jech ch-ilatic jech chac c'u cha'al jbej bin ti patbil ta lum yu'un jpatbine.

Ezequiel 34:26

Ta xcac'beic lec bendición li jchijtaque xchi'uc li spat xocon vits cu'une. Ta xcac'beic lec vo' ti c'alal yoraile; ja' jun bendición chc'ot yu'unic.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Levítico 26:4

ta xcac' taluc ep vo' ti c'alal yoraile, jech lec chac' li c'usitic chats'un ta avosilique xchi'uc li ts'unubaltic avu'unique.

Amós 4:7

“Jech noxtoc oxib xa'ox u la jmac li vo' ti c'alal la sta yorail iyijub atrigoique. Yaloj no'ox sba bu lumal laj cac' batel li vo'e. Oy bu lumal laj cac' batel vo', oy bu lumal ti mu'yuc laj cac' batele. Svoc'olvoc'ol no'ox oy bu lec laj yac' vo', oy bu mu'yuc laj yac' o vo', jech itaquij o.

Zacarías 10:1

C'anbeic Muc'ul Dios ti ac'o yac'boxuc tal vo' ti c'alal yoraile. Ja' Muc'ul Dios ta xac' tal sacsevuletic, jech lec tsots chyal tal yu'un li vo'e. Jech ta xyaxub lec ts'i'laletic ta avosil abanamilic li jujunoxuque.

Zacarías 10:7

Li Efraine ja' jech chc'ot jech chac c'u cha'al soldado ti lec xu' yu'une; xcuxet no'ox yo'nton jech chac c'u cha'al boch'o xcuxet no'ox yo'nton ta scoj ya'lel ts'usub. C'alal chilic li xnich'nabe, xcuxet no'ox yo'ntonic ec; xcuxet no'ox yo'ntonic ta sventa li Muc'ul Diose.

Zacarías 9:13

Yu'un chapal xa cu'un li jt'ilubte'e, ja' li Judae; cac'ojbe xa sflechail, ja' li Efraine. Li avalab anich'nabtaque, Sión, ta jtijbe sjolic, yu'un ac'o scontrainic li Greciae. Li vo'ote ja' jech chac'ot cu'un jech chac c'u cha'al yespada jun simarón soldado”, xi li Diose.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

Hechos 14:17

Pero mu yu'unuc muc xac' sba ta ilel ti ta melel oy li Diose, yu'un oy c'usi lec tspas. Ja' ta xac' tal vo'. Ta xac' satinuc li c'usitic chich' ts'unele, yu'un jech ta jta jve'eltic, jech xcuxet no'ox co'ntontic —xutic li cristianoetique.

Deuteronomio 11:14

ta xac' taluc lec vo' ta yorail li vo'olaltic ta otoño xchi'uc ta primavera, yu'un jech lec chloc' trigo, aceite xchi'uc ya'lel ts'usub avu'unic.

Deuteronomio 28:12

Ta sjambe sti' li yav sc'ulejale, ja' li vinajele, jech ta xac' tal lec vo' ta avosilic ti c'alal yoraile, yu'un jech tsta bendición li ats'unub avovolique. Jech ch-epaj li c'usitic oy avu'unique. Jech chlic avac'beic xq'uex epal muc'tiquil lumetic, li vo'oxuque mu'yuc c'usi chaq'uexbeic.

Deuteronomio 32:2

“Li bijubtasel cu'une ja' jech ta xyal jech chac c'u cha'al chyal vo'. Li chanubtasel cu'une ja' jech ta xyal jech chac c'u cha'al chyal job osil, jech chac c'u cha'al xlilet vo' chc'ot ta ts'i'laltic, jech chac c'u cha'al xbajlajet vo' chc'ot ta jobeltic.

Filipenses 3:1

Quermanotac, oy to c'usi chacalboxuc tal: Cuxetuc me avo'ntonic o ta stojol li Cajvaltique. Mu'yuc vocol chca'ay ta jts'ibaboxuc tal yan velta li c'usi calojboxuc xa ono'oxe, yu'un jech chabijubic.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

Filipenses 4:4

J'ech'el me cuxetuc o avo'nton acotolic ta stojol li Cajvaltique. Chacalboxuc yan velta, cuxetuc o me avo'ntonic.