Joel 2:22 - Bible in Tzotzil de Chenalhó with Deuterocanon

²² Chonbolometic ta te'tic, mu xavat avo'ntonic, yu'un li ts'i'laltic ta xocol banamile ta xlic yaxubuc tal. Li te'etique ta xlic satinicuc; li higotic xchi'uc li ts'usubtique ta xlic yac' sat.

Bible in Tzotzil de Chamula

²² Te'tical chon bolometic, mu xaxi'ic, yu'un ti yaxaltique ta xlic yaxubuc, yu'un ta xlic yac' sat ti te'etique, Mu albajuc ta x'ayan liquel ti icuxe, ti uvae.

Joel 2:22 Iomraidhean Croise

Génesis 4:12

Ac'o me cha'abtej ta banamil, pero mu'yuc ta xac' sat li c'usitic chats'une. Jech noxtoc jcotcovil chabat o. Mu'yuc bu chata ti xu' chacux avo'ntone —x'utat.

Salmos 36:6

Li stuq'uil avo'ntone ja' jech chac c'u cha'al epal toyolal te'etic. Ti c'u x'elan tuc' chaventainvane ja' jech chac c'u cha'al muc'ta nab ti toj nat xchaque. Li vo'ote, Muc'ul Dios, achabioj li cristianoetique xchi'uc li chonbolometique.

Salmos 65:12

jech lec yoxic li ts'i'laletic ta xocol banamile, jech lec xcuxet yo'ntonic li vitsetique.

Salmos 65:13

Jech chlic nojuc ta chijetic li stenlejaltique, chlic nojuc ta trigoaltic li yaxalaltique; scotolic ch-avanic, xla'etic no'ox yu'un toj xcuxet yo'ntonic.

Salmos 67:6

Isatin xa li c'usitic ts'unbil ta banamile; li Dios cu'untique laj xa yac'butic bendición.

Isaías 51:3

Toj ep slequil co'nton ta stojol li Sione; ta jlecubtas ta ach', ac'o me solel jinesbil comel scotol. Ta jc'atajes ta yaxal osil li taqui-xocol banamile; ta jco'oltsan jech chac c'u cha'al ts'unubaltic cu'un to'ox te ta Edén. Jech chlic staic xcuxetel yo'ntonic, chlic pasuc ta jun yo'ntonic; chlic yalic jlequilal, chlic sq'uejintaic q'ueojetic.

Ezequiel 36:30

Ta xcac' satinuc lec li te'etic avu'unique; ta xcac' yac' lec li c'usi chats'un ta avosilique, yu'un jech mu xa xavich'ic labanel yu'un yantic banamil ta scoj vi'nal.

Ezequiel 36:35

Ts'acal jech chlic yalic: Li banamil li'i yavnaijem to'ox, pero tana xco'laj xa xchi'uc ts'unubaltic ta Edén yilel. Li lumetic li'i soquemic to'ox, yavnaijemic to'ox; solel jeche' xch'ijan comenic, pero tana oy xa lec yajval, setbilic xa lec ta tsatsal coralton, xiic.

Ezequiel 36:8

Yan li vo'oxuque vitsetic ta Israel, chapixic ta muc'tic te'etic. Lec pimic chac' sc'obc'ob, lec pim chac' sat ta sventa li jteclumal israeletique, yu'un jutuc xa sc'an sutic tal.

Jonás 4:11

¿Me mu ja'uc jech chc'uxubaj ta co'nton ec li muc'ta lum Nínive ti ech'em ta vacvinic ta mil (120,000) ololetic te oyic ti mu to sna'ic bu sts'etc'obic xchi'uc bu sbats'ic'obique, xchi'uc ti bats'i ep sts'unub yovolic te oye? —xi li Diose.

Hageo 2:16

¿C'u x'elan ic'ot avo'nton ava'yic ti c'alal jech ic'ot ta pasele?: Li boch'o bat sq'uel strigo ti snopoj chloc' jtob (20) anmul yu'une ja' to laj yil ti lajuneb (10) no'ox anmul la stae. Li boch'o ibat ta spits'ubil ya'lel sts'usub ti snopoj chloc' lajuneb yoxvinic (50) q'uib yu'une ja' to laj yil ti jtob (20) q'uib no'ox iloc' yu'une.

Zacarías 8:12

Yu'un li jun o'ntonale te ta xcac' ta stojolic. Li ts'usubtique chlic satinicuc. Li banamile ep c'usitic ta sloq'ues. Li vinajele ta xac' tal sjob. Ja' ta xcac'be yu'uninic scotol li scomelal jteclume.

1 Corintios 3:7

Ja' yu'un li boch'o la sts'une xchi'uc li boch'o laj yat'ese, mu'yuc c'usi xu' yu'unic. Ja' tsots yabtel li boch'o laj yac' ch'iuque, ja' li Diose.