Joel 2:21 - Bible in Tzotzil de Chenalhó with Deuterocanon

²¹ Banamil, mu me xaxi'; junuc avo'nton, cuxetuc no'ox avo'nton, yu'un li Muc'ul Diose ta spas muc'tic sq'uelubil stsatsal.

Bible in Tzotzil de Chamula

²¹ Laetuc no'ox me xava'i, banomil, mi ja'uc xaxi' xtoc, yu'un ti Diose, oy c'usitic muc'tic ta xlic spas.

Joel 2:21 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

Salmos 71:19

Li stuq'uil avo'ntone, Dios cu'un, xc'ot c'alal to ta vinajel; toj tsotsic, toj muc'tic li c'usitic laj apase. Mu'yuc boch'o yan jech chac c'u cha'al li vo'ote, Dios cu'un.

Salmos 98:8

Ac'o spac' sc'obic ec li muc'tic uc'umetique; ac'o cuxetuc no'ox yo'nton scotol li vitsetique.

Isaías 35:1

Cuxetuc no'ox yo'nton li taqui-xocol banamile ti mu'yuc c'usi xch'i o tee; cuxetuc no'ox yo'nton yu'un ta xlic nichinuc jech chac c'u cha'al nichimaltic.

Isaías 41:10

Ja' yu'un mu me xaxi', yu'un vu'un chajchi'inot; mu c'u xal avo'nton, yu'un vu'un Diosun avu'un. Vu'un chacac'bot atsatsal, vu'un chajcoltaot; vu'un chajtsacot lec ta jbats'ic'ob ti xu' yu'un tstsalvane.

Isaías 44:23

Vinajel, avanan ta xcuxetel avo'nton ta sventa ti toj lec c'usi la spas li Muc'ul Diose; yutil banamil, avanan ta xcuxetel avo'nton. Muc'tic vitsetic, toyolal te'tic, xchi'uc yantic te'etic, cuxetuc no'ox avo'ntonic, albeic slequilal. Yu'un li Muc'ul Diose laj xa yac' ta ilel yutsilal slequilal; yu'un laj xa xcha'poj loq'uel tal li Jacobe, laj xa yac' ta ich'el ta muc' li Israele.

Isaías 54:4

Mu xaxi', mu'yuc bu chayal ta q'uexlal; mu xanamalta aba, mu'yuc boch'o xu' chasna'leot. Ta xlic ch'ayuc ta avo'nton c'u x'elan li q'uexlal laj ava'ay tal ta ach'iebale; mu'yuc xa bu cht'ab o ta avo'nton c'u x'elan laj avich' na'leel ti c'alal laj avich' ictael comele.

Isaías 55:12

“Li vo'oxuque cuxetuc no'ox avo'nton chaloq'uic batel; junuc avo'nton chasutic batel ta alumalic. C'alal chaq'uelic li muc'tic vits xchi'uc li bic'tal vitsetique, chavilic ti x'avlajetic ta xcuxetel yo'ntonique. Scotol li te'etique xpac'lajet no'ox sc'obic.

Jeremías 33:3

Vocoletan ta jtojol, vu'un chajtac'bot, chacac'bot avil c'usitic toj muc'tic, c'usi mu'yuc vinajem ti mu'yuc ono'ox jech aviloje.

Oseas 2:21

Jech chcal vu'un li Muc'ul Diosune: Ta sc'ac'alil le'e ta jtac'be sc'op li vinajele; li vinajele ta stac'be sc'op ec li banamile.

Joel 2:20

Ta jloq'ues batel ta atojolic li c'ulubetic iliquic tal ta nortee; ta jtac batel ta xocol banamil, ta taqui banamil. Te ta xcac' jic'oicuc ta Nab Muerto li boch'o ta ba'yucbe oyique; te ta xcac' chamuc ta Nab Mediterráneo li boch'o ta ts'acalpat oyique. Te ta xcac' c'a'icuc, te ta xcac' tuibicuc, yu'un toj tsotsic c'usitic la spasic”, xi li Diose.

Joel 2:26

Jech lec chave'ic, lec noj ach'utic; jech xu' chavalbicun jlequilal, vu'un li Muc'ul Diosun avu'unic, ta sventa ti toj muc'tic sq'uelubil jtsatsal la jpas ta atojolique. Jech mu'yuc xa ta xcac'oxuc ta q'uexlal yan velta, vo'oxuc li jteclumaloxuque.

Zacarías 8:15

Ja' jech jnopoj ta jpasbe c'usi lec li Jerusalén xchi'uc li smomnich'nab Judae, ja' yu'un mu me xaxi'ic.

Deuteronomio 4:32

“Jaq'uilanbo ava'yic li boch'otic sna'ojic c'usi ic'otan tal ta pasel ta vo'one ti c'alal lic spas sba vinic li' ta banamil li Diose. Batanic ta scotol banamil. Jaq'uilan ava'yic me oy bu jech c'otem ta pasel junuc velta, o me oy boch'o sna'oj ti oy c'usi tsots c'otem ta pasel jech chac c'u cha'al ic'ot ta pasel li'i.

1 Samuel 12:16

“Malaic me, chavilic muc' senyail chlic spas ta atojolic li Muc'ul Diose.

1 Samuel 12:24

Ja' no'ox xavich'ic ta muc' li Muc'ul Diose; ja' no'ox xatunic yu'un ta scotol avo'ntonic ta melel. Nopic lec ava'yic ti toj tsotsic li c'usitic la spas tal ta atojolique.