Joel 2:20 - Bible in Tzotzil de Chenalhó with Deuterocanon

²⁰ Ta jloq'ues batel ta atojolic li c'ulubetic iliquic tal ta nortee; ta jtac batel ta xocol banamil, ta taqui banamil. Te ta xcac' jic'oicuc ta Nab Muerto li boch'o ta ba'yucbe oyique; te ta xcac' chamuc ta Nab Mediterráneo li boch'o ta ts'acalpat oyique. Te ta xcac' c'a'icuc, te ta xcac' tuibicuc, yu'un toj tsotsic c'usitic la spasic”, xi li Diose.

Bible in Tzotzil de Chamula

²⁰ Ti c'ulubetic ti oy ta atojolic ti liquemic talel ta yolon ti yolon xocon sloq'ueb c'ac'ale, ta jten batel ta sbajtical banomil. Ti banquilal j'ic'vanej yu'une, ta xcac' jic'avuc ta Chamem Nab. Ja'uc ti jts'ac-pativanej yu'une, ta xcac' jic'avuc ta Mediterráneo nab. Ta xlic c'a'uc ti sbec'tale, ti yan sba stuil ta xc'ot ta j'ech'ele, yu'un oy c'usitic muc'tic ta xc'ot ta pasel cu'un.”

Joel 2:20 Iomraidhean Croise

2 Reyes 8:13

Itac'ov li Hazaele: —¡Vu'une, mu'yuc quich'oj cabtel ti jech ta jpase! ¡Jech no'ox te xina'pnun jech chac c'u cha'al jcot ts'i'! —xi. Itac'ov li Eliseoe: —Li Muc'ul Diose yac'ojbun xa jna' ti vo'ot cha'och ta ajvalilal te ta Siriae —xut.

Salmos 126:3

Ta melel toj muc', toj jun yutsil c'usi la spas ta jtojoltic li Muc'ul Diose, ja' yu'un toj xcuxet no'ox co'ntontic.

Éxodo 10:19

Ja' yu'un li Muc'ul Diose la stac tal tsots ic' ta smaleb c'ac'al; ja' la xcuch batel li epal c'ulubetique. Te to c'ot yac' chamuc ta Tsajal Nab. Me jcotuc c'ulub mu'yuc xcom ta scotol li Egiptoe.

Éxodo 8:14

Li egiptoetique la stsobic scotol li chamen xch'uch'etique. Ta jujutsop laj yaq'uic, jech ituib ta jyalel li banamile.

Isaías 34:3

Li sbec'talique te no'ox telajtic chcomic, te chlic tuibanuc; li xch'ich'alique chat'es scotol li ts'i'laletique.

Ezequiel 47:18

Li sts'aquil ta sloq'ueb c'ac'ale te chlic batel ta o'lol yu'unic li Haurán xchi'uc Damascoe; te xyal batel c'alal ta lum Tamar. Li ti'ti' uc'um Jordane ja' sts'aquic chc'ot xchi'uc Galaad li Israele.

Amós 4:10

“La jtacboxuc tal tsatsal chamel ta atojolic jech chac c'u cha'al la jpas ta stojol li Egiptoe. Laj cac' chamuc ta pleito li queremetic avu'unique, xchi'uc laj cac' batel ta pojel li ca'etic avu'unique. Laj cac' ava'ibeic stuil te ta acarpanaic li boch'otic chamen avu'unique; laj cac' ochuc batel c'alal to ta yut avo'ntonic li stuile, pero muc ono'ox xasutic o tal ta jtojol”, xi li Muc'ul Diose.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

Malaquías 3:11

Ta jtij batel scotol c'usitic tslajesic li ts'unubaltic avu'unique, jech mu xixtanic li c'usitic chloc' avu'unic ta banamile. Li ts'usubtic ta avosilique lec chac' sat.

Deuteronomio 11:24

Ti bu c'alal ch-ech' ateq'uique, ja' te chanaquiic o. Li sts'aquil avosilique te xlic ta xocol banamil c'alal to ta Líbano. Xchi'uc te xlic ta uc'um Éufrates, xc'ot c'alal to ta muc'ta nab Mediterráneo.