Joel 2:2 - Bible in Tzotzil de Chenalhó with Deuterocanon

² Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Bible in Tzotzil de Chamula

² Ta xc'ot sc'ac'alil ti ic'ubel ta osil banomile. Ta xc'ot sc'ac'alil ti toc xqueovin ti banomil yu'une. Co'ol s'elan jun yepal soldadoetic ti tsots xu' yu'unic ta j'ech'ele, ta xvulic ta loq'uel ta vitstic jech c'u cha'al ta xvul ta loq'uel ti saquilal osil ta sobe. Mi ja'uc xa oy bu jech ta xvinaj ta ts'acal to ti oy bu co'ol s'elan ta xvul ta loq'uel jech c'u cha'al le'e.

Joel 2:2 Iomraidhean Croise

Salmos 10:6

Jech tsnop ta yo'ntonic: “Mu'yuc boch'o xu' chistsalun; mu boch'o xu' chiyilbun jbic'tal”, xiic.

Salmos 97:2

Joyibtabil ta pimil ic'al toc; ja' snacleb smuc'ta chotleb c'otem li c'usi tuc', li c'usi melele.

Éxodo 10:14

Te ic'ot scotol ta Egipto banamil. Bats'i ep li c'ulubetique. Mu'yuc ono'ox jech xc'ot ta pasel ta vo'one, me ja'uc ta to xc'ot ta pasel jech ta ts'acal.

Éxodo 10:6

Ta xnoj ta c'ulub li apasubmantale, xchi'uc li snaic achi'iltac ta abtele, xchi'uc snaic scotol li egiptoetique. Mu'yuc ono'ox baq'uin jech xilic c'alal ich'iic tal li amoltot ayame'ique xchi'uc li atot ame'ique, xchi'uc mu'yuc ono'ox bu jech xavilic c'alal to tana ec li vo'oxuque’, xi li Muc'ul Diose —xut. C'alal laj yo'nton ta lo'il li Moisese, iloc' batel ta stojol li faraone; isut batel.

Éxodo 20:21

C'alal nom va'alic batel li israeletique, li Moisese inopaj batel ta ic'al toc yo' bu oy li Diose.

Isaías 5:30

C'alal tsta sc'ac'alil chtal li yantic banamile, x'avetic no'ox tal ta scontrainel lum Israel jech chac c'u cha'al c'alal xvo'et no'ox muc'ta nabe. Me oy boch'o tsq'uel li banamile, chvinaj ti ch-ic'ube, xchi'uc chvinaj ti ch-ic'ub ta pimil toc li vinajele.

Isaías 8:22

C'alal tsq'uelic yalel ta banamile, ja' to chilic ti puru vocol, ti puru ic' osil xa oye, solel ic'uben chcom. Scotolic mucul chcomic o ta ic' osil.

Jeremías 13:16

Ich'ic ta muc' li Muc'ul Diose, ja' li Dios avu'unique, yu'un yo'to mu'yuc chac' taluc ic' osil ta atojolic, yo'to mu'yuc chabosi avacanic ta ic'al osil te ta vitsetic, xchi'uc yo'to mu'yuc ta sc'atajes ta ven ic'al osil li sac osil amalaojic chtale.

Jeremías 13:6

C'alal i'ech' xa'ox jayibuc c'ac'ale, jech laj yalbun noxtoc li Muc'ul Diose: “Bat ich'o tal li achuc ti laj calbot te chanac' comel ta uc'um Eufratese”, xiyutun.

Lamentaciones 1:12

Vo'oxuc ti chajelovic li' ta bee, ¿me oy bu yan jech vocol chavilic jech chac c'u cha'al li jvocole? Yu'un li Muc'ul Diose laj yac'bun tsots jvocol, yu'un ilic sc'ac'al yo'nton ta jtojol.

Ezequiel 32:7

C'alal chaculesote, ta x'ic'um li vinajele; ta xtu'p scotol li c'analetique; ta xmac ta toc li c'ac'ale; mu xa xac' xojobal li ue.,

Ezequiel 34:12

Jech chac c'u cha'al jun jchabichij ti tsots sc'oplal cha'ay li xchijtac ti butic tanpuc batemique, ja' jech tsots sc'oplal chca'ay ec li jchijtaque. Chbat quic' sutel tal ti bu la spuc sbaic batel ta scoj ti oy jun c'ac'al i'ic'ub osil, ti imac ta toc li banamile.

Ezequiel 38:9

C'alal chac'ot li vo'ote, ja' jech chac'ot jech chac c'u cha'al tsatsal ic'al vo'. Ic'uben chc'ot avu'un banamil jech chac c'u cha'al lumaltoc, yu'un chac'ot achi'uc scotol li avajsoldadotaque xchi'uc scotol li epal lumetic chbat achi'ine.

Daniel 12:1

‘C'alal ja'o jech chc'ot ta pasele, ja'o chlic li banquilal j'almantal Miguele, ja' li boch'o tscolta achi'iltaque. ‘Ja' yorail chlic tsots vocol c'uuc sjalil. Li vocol chtale mu'yuc ono'ox bu jech c'otem ta pasel c'alal lic ayinuc li cristianoetique. Ja'o yorail chlic colicuc li achi'iltaque, ja' li boch'otic tsacajtic ta vun sbiique.

Daniel 9:12

Laj avac' c'otuc ta pasel li c'usi laj ono'ox aval ta jventacutic, xchi'uc ta sventa li ajvaliletic cu'uncutique, jech ital ta jtojolcutic li muc'ta vocolajele. Mu'yuc ono'ox bu jech c'otem ta pasel li' ta banamil jech chac c'u cha'al ic'ot ta pasel ta stojol li Jerusalene.

Joel 1:6

Ta xtal ven epal tsatsal soldadoetic jech chac c'u cha'al c'ulubetic, ta xtal ochicuc ta banamil cu'un. Li stanal yeique ja' jech chac c'u cha'al stanal ye león; li sts'uts'upique ja' jech chac c'u cha'al sts'uts'up me' león.

Joel 2:25

Jech chal noxtoc li Diose: “Ta jq'uextaboxuc scotol ti jayib jabil ilaj ta lo'el ta tsucum, ta bilix, ta xc'ajben, xchi'uc ta c'ulube, ja' li epal soldadoetic cu'un la jtacboxuc tal ta atojolique.

Joel 2:31

Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Joel 2:5

Ja' jech xbaq'uic jech chac c'u cha'al caretaetic ti xbitlajetic ta anil ta vitsetique; xc'ulet no'ox jech chac c'u cha'al tocalte' ti c'alal chchic' batel taqui jobeltique, xchi'uc ja' jech chac c'u cha'al jun ta lum cristianoetic ti lec chapal chbatic ta pasc'ope.

Joel 3:4

“Jech ec li vo'oxuque lum Tiro, lum Sidón xchi'uc scotol yosilal filistaetic, ¿c'usi tal asa'ic li' ta jtojol ec? ¿Me chac'an chapacbicun sutel? Lec me chac'an chapacbicune, jutuc xa sc'an xcac'boxuc atojic ti c'u x'elan laj apasique.

Amós 4:13

Yu'un li Boch'o la sva'an li vitsetic xchi'uc ti laj yac' li iq'ue, xchi'uc ti chac'be sna' cristianoetic li c'usi snopoj ta sjol ta yo'ntone, ti xu' yu'un ta sc'atajes ta ic' osil li sac osile, ti oy ta sc'ob scotol li c'usitic oy ta banamile, ja' Muc'ul Dios sbi ti tspas ta mantal scotol te ta vinajele.

Sofonías 1:7

Ch'anchanic, mu me xabaq'uic ta stojol li Muc'ul Diose, ja' li Cajvaltique yu'un nopol xa sc'ac'alil li Muc'ul Diose. Li Muc'ul Diose chapal xa yu'un li milbil matanaletique; t'ujbil xa yu'un li boch'otic yic'anoj ta ve'ele.

Zacarías 14:6

Me la sta sc'ac'alil le'e, mu'yuc xa chq'uep, mu'yuc xa chbut'.

San Mateo 24:21

Ta ono'ox xtal li tsots vocole. Mu'yuc ono'ox jech c'alal ilic li banamile xchi'uc c'alal to tana. Mu'yuc ta xc'ot ta pasel jech yan velta noxtoc.

Marcos 13:19

yu'un toj tsots li vocol ta xtale. Mu'yuc ono'ox baq'uin jech xc'ot ta pasel c'alal lic spas c'usitic oy li Diose xchi'uc c'alal to tana. Mu'yuc ta xc'ot ta pasel jech yan velta noxtoc.

Deuteronomio 32:7

“Q'uelo sutel ava'lupat; Nopo c'usi ic'ot ta pasel ta vo'one. Jac'bo atot yu'un ac'o yalbot; jac'bo moletic yu'un ac'o xcholbot:

Hebreos 12:18

Yu'un li vo'oxuque mu ja'uc lanopajic tal ta vits ti stac' tspic cristianoe, ti bu itsane, ti bu i'ic'ub osile, ti bu ivul pimil toque, ti bu ibac' tsots chauque,

Judas 1:13

Ja' jechic jech chac c'u cha'al nab ti bats'i tsots tsyuq'uilan sbae, ti chloc' svoque. Yu'un xco'laj xchi'uc puru svoc no'ox ya'yel li c'usi tspasic ti toj q'uexlal sbae. Ja' jechic jech chac c'u cha'al c'anal ti ch'ayem xa ta sbee, jech chapal xa yu'un Dios chich'ic jipel ochel ta ic' osil sbatel osil.

Apocalipsis 9:2

C'alal la sjam li natil xabe, iloc' ep ch'ayil jech chac c'u cha'al xch'ayilal jun muc'ta c'oc'. I'ic'somtaj osil ta scoj li ch'ayil iloc' ta xabe.