Joel 2:19 - Bible in Tzotzil de Chenalhó with Deuterocanon

¹⁹ Li Muc'ul Diose ta stac'be sc'opic li steclumale, jech ta xalbe: “A'yo ava'yic, ta jtac tal trigo, ya'lel ts'usub, xchi'uc aceite, jech lec chnoj ach'utic. Mu'yuc xa chcac'oxuc ta labanel yan velta yu'un li yanlum cristianoetique.

Bible in Tzotzil de Chamula

¹⁹ Xi lic yale: “Ta xcac'boxuc talel ti trigoe, ti vinoe, xchi'uc ti aceitee, ja' to ti c'uxi jun avo'ntonic ta xacomic xchi'uque. Mi ja'uc ta xcac' que jti' ti ta xavich'ic labanel yu'un ti buch'utic yan sjol yo'ntonique.

Joel 2:19 Iomraidhean Croise

Jeremías 31:12

“Ta xtalic, xcuxet no'ox yo'nton chlic q'uejinicuc te ta toyol vits Sión; ja' snutsojic tal c'usi lec chac' li Muc'ul Diose: ja' li trigo, li ya'lel ts'usub, li aceite, li chijetic, xchi'uc li vacaxetique. Ja' jech chc'otic jech chac c'u cha'al ts'unubaltic ti lec at'esbile, jech mu'yuc xa cha'ay svocolic o.

Ezequiel 34:29

Ta xcac'beic lec yaxal osil ti toj lec ilbile. Jech mu'yuc xa bu chchamic ta vi'nal te ta yosilalic; mu'yuc xa bu abul sbaic ta labanel ta q'uexlaltasel yu'un li yantic banamile.

Ezequiel 36:15

Mu'yuc xa bu chava'yic chopolc'optael yu'un li yantic banamile; mu'yuc xa bu abul abaic ta na'leel yu'un li yantic lume, yu'un mu'yuc xa bu chamilbeic xnich'nab li jnaclumetic avu'unique, xi li Muc'ul Diose’, uto”, xiyutun li Diose.

Ezequiel 36:29

Ta jcoltaoxuc ta sventa achopolilic. Ta xcac'boxuc tal ep trigo, ta xquepajesboxuc; mu'yuc ta xcac'boxuc tal vi'nal.

Ezequiel 36:30

Ta xcac' satinuc lec li te'etic avu'unique; ta xcac' yac' lec li c'usi chats'un ta avosilique, yu'un jech mu xa xavich'ic labanel yu'un yantic banamil ta scoj vi'nal.

Ezequiel 39:29

Mu'yuc xa bu chlic jnac' jsat ta stojolic yan velta, yu'un ta xcac'be ta stojolic Espíritu cu'un scotol li smomnich'nab Israele”, xi li Muc'ul Diose.

Oseas 2:15

Te ta xlic cac'be sutel li ts'usubtic yu'une; li soplejaltic Acore, ja' ta xc'ot ta smuc'ul yo'ntonic. Ja' te ta stac'bun li ca'yej jech chac c'u cha'al ta stsebal to'oxe; jech chac c'u cha'al la xch'un ti iloc' tal ta Egiptoe.

Oseas 2:21

Jech chcal vu'un li Muc'ul Diosune: Ta sc'ac'alil le'e ta jtac'be sc'op li vinajele; li vinajele ta stac'be sc'op ec li banamile.

Oseas 2:22

Li banamile ta stac'be sc'op ec li trigo; li ya'lel ts'usub xchi'uc li aceitee jech ta stac'beic sc'op ec li Jezreele.

Joel 1:10

Te ta osil banamile ch-ul scotol li c'usitic ts'unbile; solel me'on chcom o li banamile. Yu'un ch-ul o ta j'ech'el li trigoe; chtaquijan o li ts'usubtique, xchi'uc chlaj sc'oplal o ti oy aceitee.

Joel 2:24

Li yavil smajubil trigo avu'unique ta xnoj ta trigo; li yavil spits'ubil ts'usub avu'unique ta xnoj ta ya'lel ts'usub; li yavil spasubil aceite avu'unique ta xnoj ta aceite.

Levítico 26:5

Jech oy atrigoic o ti c'alal chloc' li sat ats'usubique, xchi'uc oy ats'usubic o ti c'alal yorail chats'unubajique. Oy lec ave'elic jech lec noj ach'utic, jech xcuxet no'ox avo'ntonic te chanaquiic ta avosilic.

Zacarías 8:12

Yu'un li jun o'ntonale te ta xcac' ta stojolic. Li ts'usubtique chlic satinicuc. Li banamile ep c'usitic ta sloq'ues. Li vinajele ta xac' tal sjob. Ja' ta xcac'be yu'uninic scotol li scomelal jteclume.

San Mateo 6:33

Ja' yu'un tsc'an ba'yuc chavac' abaic ta ventainel yu'un li Diose, xchi'uc ti chapasic c'usi tsc'ane, jech chayac'boxuc scotol li c'usitic ta xtun avu'unique.

Deuteronomio 11:14

ta xac' taluc lec vo' ta yorail li vo'olaltic ta otoño xchi'uc ta primavera, yu'un jech lec chloc' trigo, aceite xchi'uc ya'lel ts'usub avu'unic.

Rut 1:6

Li Noemie laj ya'ay a'yej te ta Moab ti laj xa xc'uxubin xnich'nab te ta Belén li Muc'ul Diose; laj xa yac'be sve'elic.