Joel 2:17 - Bible in Tzotzil de Chenalhó with Deuterocanon

¹⁷ Ac'o oq'uicuc te ta yochebal ch'ulna li paleetique; ac'o oq'uicuc te ta sts'el scajleb matanal li yajtuneltac Diose. Jech ac'o yalic: “Muc'ul Dios, pasbo perdón li ateclumale, mu me xavac' lajicuc ta labanel li ateclumale; mu me xavac' lajicuc ta tsalel yu'un li yantic banamile. Mu me xavac' jech chalic li yanlum cristianoetique: ‘¿Bu oy li Dios yu'unique?’, mu me xiuc jc'oplalcutic yu'unic”, ac'o xiicuc.

Bible in Tzotzil de Chamula

¹⁷ Oq'uicuc ti paleetique xchi'uc ti buch'utic ochemic ta yajtunel ti Diose, ti xi ac'o yalic talel ta ochebal yu'un ti ch'ulnae xchi'uc ti bu oy ti altare: “Ch'aybo smul scolo' ti ateclumale, Dios, mu teyuc no'ox aq'ueloj ti ta xlajic ta labanel ti avu'untaque. Mu xavac' ave ati' ti tsalbil ta xc'otic yu'un ti jyanlumetique, ti xi s'elan ta xloc' ta yeic ti buch'utic yan ti sjol yo'ntonique: ‘¿Bu oy ti Dios yu'unique?’ ”

Joel 2:17 Iomraidhean Croise

1 Reyes 6:3

Li yeloval ti'ch'ulnae oy stentenail. Ja' baluneb metro snatil jech chac c'u cha'al sjamalil li ch'ulnae. Li sjamalile ja' o'lol yo'bal metro.

1 Reyes 9:7

ta jloq'uesoxuc batel li' ta banamil ti bu cac'ojboxuque, xchi'uc ta jloq'ues batel li ch'ulna ti ts'u'iltasbil cu'une. Ta xlic slabanoxuc yantic lumetic.

2 Crónicas 7:20

ta jloq'uesoxuc batel li' ta avosilalic ti bu laj cac'boxuque. Ta jloq'ues batel ta jtojol noxtoc li ch'ulna li'i ti ts'u'iltasbil xa cu'une. Ta xcac' slabanoxuc cristianoetic ta yantic banamil.

2 Crónicas 8:12

Li Salomone lic xchic'be smoton Muc'ul Dios te ta scajleb ti yac'oj ta pasel te ta stuq'uil stentenaile.

Nehemías 9:36

“Q'uelavil li' ta orae, ochemuncutic ta mozoil li' ta banamil ti bu avac'ojbe li jmoltotaccutic sventa ac'o sve'ic li c'usitic chloc' li'i, xchi'uc li c'usitic yan xloc' x'ayin li'i.

Salmos 115:2

¿C'u yu'un ti jech tsjaq'uic li boch'otic mu xch'unic Diose: “Bu oy li Dios yu'unique”?, ti xiique.

Salmos 42:10

C'alal xa ta jbaquil chti'vanan ta uts'intael yu'un li cajcontrataque; jujun c'ac'al jech chiyalbicun: “¿Bu oy li Dios avu'une?”, xiic.

Salmos 42:11

¿C'u yu'un ti ep chc'unib co'ntone? ¿C'u yu'un ti ep chcac'be slo'il co'ntone? Yu'un ja' no'ox jpatoj co'nton o ta stojol li Diose, ja' li Dios ti mu xlaj co'nton ta yalbel slequilale, yu'un ja' jcoltavanej cu'un, ja' Dios cu'un.

Salmos 42:3

Yu'un ta c'ac'al ta ac'ubal ja' xa jve'elinoj li ya'lel jsate, pero ja'o jech chquich' jac'bel noxtoc: “¿Bu oy li Dios avu'une?”, xiyuticun.

Salmos 42:4

C'alal ta jnopilan li jvocole, yo'to chisnet'un batel chca'ay. Te cht'ab ta co'nton c'u x'elan c'alal la jchi'in to'ox li yepal jchi'iltaque, ti c'alal laj quiq'uic batel ta ch'ulna yu'un Diose. Toj xcuxet no'ox, xi'avlajetcutic no'ox ta yalbel slequilal li Diose; ja' jun muc'ta q'uin laj ca'ay.

Salmos 74:10

Dios cu'un, ¿baq'uin to chlaj jc'oplalcutic ta na'leel yu'un li cajcontracutique? ¿Me jech te sta yav o chchopolc'opojic ta atojol li avajcontrae?

Salmos 79:10

Mu me jechuc xalic ta jtojolcutic li yanlum cristianoetique: “¿Bu oy li Dios yu'unique?”, mu me xiicuc. Ac'bun quilcutic ti chapacbe sutel sc'oplalic li avajtuneltac ti la smal xch'ich'alique, yu'un jech ac'o yilic li yanlum cristianoetique.

Salmos 79:4

Solel na'lebiluncutic xa o yu'unic li boch'o jts'aquinojan jba jchi'uccutique; stse'inic no'ox ta jtojolcutic li boch'otic li' nacajtic ta jpat jxoconcutique.

Salmos 89:41

Scotol li cristianoetic te chjelovique chelc'anic batel li c'usitic oye; ta xa xna'leat yu'un li boch'otic nopol nacal xchi'uque.

Salmos 89:51

Muc'ul Dios, ep chiyilbajinuncutic li avajcontrae; ep chna'leat li ajvalil at'ujoje.

Éxodo 34:9

Jech laj yal: —Cajval, Cajval, me ta melel lec chavilune, bat chi'inuncutic jchi'uc li jchi'iltaque. Ac'o me toj tsots yo'ntonic ta melel li jchi'iltaque, pasbuncutic perdón li jmulcutique li jchopolilcutique. Ic'uncutic ta mero anich'on —xut.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 37:20

Ja' yu'un, Muc'ul Dios cu'un, coltauncutic loq'uel ta sc'ob, yu'un jech ac'o yotquinic scotol ajvaliletic ta banamil ti ta melel vo'ot no'ox atuc Muc'ul Diosote”, xut.

Ezequiel 20:9

Pero ja' la jpas li c'usi sventa chi'ich'at ta muq'ue, yu'un jech mu me soc batel jc'oplal ta yantic banamil ti bu nacalique, yu'un ya'yojic scotolic ti caloj ta jloq'uesic tal ta Egiptoe.

Ezequiel 8:16

Jech laj yic'un batel ta yut yamaq'uil xch'ulna li Muc'ul Diose. Laj quil te oy vo'ob xcha'vinic (25) viniquetic ta o'lol yu'unic li scajleb smoton Dios xchi'uc li ti'ch'ulnae. Li viniquetique sva'lupatinojic comel li ch'ulna yu'un Muc'ul Diose; ja' sq'uelojic batel li sloq'ueb c'ac'ale. Squejanoj sbaic; ja' chich'ic batel ta muc' li c'ac'ale.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:9

Li paleetic, li jtuneletic yu'un Muc'ul Diose ta x'oq'uic, ta xat yo'ntonic, yu'un ta xlaj sc'oplal yaq'uel li matanal, li ya'lel ts'usub te ta xch'ulna Muc'ul Diose.

Amós 7:2

Ts'acal to, c'alal lajubal xa'ox ta lo'el ts'i'laltic yu'un li c'ulubetique, jech laj calbe: —Cajval, Muc'ul Dios, pasbuncutic perdón, mu xcuch yu'unic li smomnich'nabtac Jacobe, yu'un solel mu'yuc stsatsalic —xcut.

Amós 7:5

Jech laj calbe: —Cajval, Muc'ul Dios, pajeso li c'oq'ue. Mu xcuch yu'unic li smomnich'nab Jacobe, yu'un solel mu'yuc stsatsalic —xcut.

Miqueas 7:10

Me laj yil li jcontrainvanej cu'une, chlic q'uexovuc, ac'o me jech to'ox laj yalbun: “¿Bu oy li Muc'ul Dios avu'une?”, xiyutun. Ta to jq'uel ti pech'bil ta teq'uel chcom, jech chac c'u cha'al ach'eltic ta xoraltique.

Malaquías 1:9

Ja' yu'un li' ta orae c'anbeic Dios ti ac'o xc'uxubinoxuque. Pero jech chal li Muc'ul Diose: “¿C'u x'elan xu' lec chaquiloxuc ti jech chapasic chac le'e?

Números 25:6

Oy jun israel vinic laj yic' batel ta sna jun madián tseb. Te laj yic' jelovel ta stojol li Moisese xchi'uc ta stojol li israeletic c'alal ja'o te tsobol ch-oq'uic scotolic ta sti' li ch'ulna pasbil ta nucule.

San Mateo 23:35

Ja' yu'un vo'oxuc chcom ta abaic scotol li xch'ich'al boch'otic tuc' yo'ntonique. Vo'oxuc chcom ta abaic c'alal lic milatuc tal li Abele, ja' li tuq'uil vinique, xchi'uc c'alal to imilat ta ch'ulna ta nopol scajleb smoton Dios li Zacarías xnich'on Berequiase.

San Mateo 27:43

Laj yal ti xch'unoj ti chcoltaat yu'un Diose; ac'o coltaatuc ta ora. Yu'un yaloj ti ja' Xnich'on Diose —xut sbaic.

Deuteronomio 28:37

Toj i'lal abaic chayiloxuc ti c'alal te oyoxuc ta slumalique. Chaslabanoxuc, chasbolc'optaoxuc li cristianoetic ta scotol lumetic bu chaspucoxuc batel li Muc'ul Diose.

Deuteronomio 32:27

Pero mu jc'an ti stse'inic xa li boch'o ch-ilinic cu'une; mu jc'an chlic stoy sbaic ta jtojol li cajcontrataque. Naca me jech chalic: ‘Mu ja'uc Muc'ul Dios la spas jech chac le'e; ja' vu'utic la jpastic ta jvu'eltic’, naca me xiic.

Josué 7:9

Me laj ya'yic scotol li canaanetic li'i xchi'uc li yan jnaclumetic li' ta banamile, xu' ta xtal yulesuncutic o jcotolcutic. J'ech'el chtu'p o jc'oplalcutic li' ta banamil. ¿C'usi chc'ot ta pasel ta sventa ti vinajem ac'oplal ech'em amuc'ule? —xut.