Joel 2:16 - Bible in Tzotzil de Chenalhó with Deuterocanon

¹⁶ Tsobic scotol li achi'iltaquique, ac'o abaic ta lecubtasel; tsobic li moletique, tsobic li queremetique xchi'uc li boch'otic ta to xchu'unique. Ac'o to scomtsan sna li querem ti ja' to i'och ta nae; ac'o to scomtsan sna li tseb ti ja' to inupi its'aquie.

Bible in Tzotzil de Chamula

¹⁶ Tsobic talel steclumal ti Diose, mesic tusic lec. Tsobic talel ti moletique, ti ololetique, xchi'uc ti ololetic ti ta xchu'unique. Ja' no'ox jech xtoc ti buch'u naca to no'ox laj slec sbaique, ac'o loq'uicuc talel ta na ti bu vu' ti lequele.

Joel 2:16 Iomraidhean Croise

2 Crónicas 20:13

Scotol li judaetique va'ajtic ta stojol li Muc'ul Diose. Te oyic c'alal ta yajnil xnich'nabic.

2 Crónicas 29:5

Jech laj yalbe: “Levietic, a'yic c'usi ta xcal. Lecubtaso abaic; lecubtasic noxtoc li ch'ulna yu'un Muc'ul Dios yu'un jtotic jme'tic ta vo'onee. Loq'uesic scotol li c'usitic chopol te oye.

2 Crónicas 30:17

Ta sventa ti ep mu'yuc yac'oj sbaic ta lecubtasel li israeletic te oyique, ja' yu'un li levietique ja' i'ochic ta smilel ch'ium chijetic yu'unic sventa q'uin Coltael li boch'otic mu'yuc slecubtasoj sbaique, yu'un jech voc'bil chcom ta stojol Muc'ul Dios li chijetique.

2 Crónicas 30:19

vo'ot li Muc'ul Diosot yu'un jtot jme'cutic ta vo'onee, yu'un mu'yuc yac'oj sbaic ta lecubtasel jech chac c'u cha'al sc'oplal ta jpascutic li' ta ch'ulna avu'une”, xi.

2 Crónicas 35:6

Milic li chij ta sventa q'uin Coltaele; ac'o abaic ta lecubtasel. Chapanic c'usitic chtun, yu'un jech ac'o spasic c'usi yaloj Muc'ul Dios ta sventa Moisés li jchi'iltactique”, xut.

Job 1:5

C'alal chcuch yu'unic spasel li q'uine, li Jobe chic'an li xnich'nabe. Sob chliquic ta yoc'omal; chchic' smoton Dios ta sventa li jujun xnich'nabe, yu'un chac' ta lecubtasel ta sventa smulic. Yu'un li Jobe jech snopoj ta yo'nton: “Oy yic'al oy bu tsta smulic; oy bu chchopolc'opojic ta stojol Dios ta yo'ntonic li jnich'nabe”, xi. Ja' yu'un ja' jech la spasilan o.

Salmos 19:5

Ja' yu'un li c'ac'ale xcuxet no'ox yo'nton tstam batel sbe yan velta, jech chac c'u cha'al li boch'o ch-anilaje, jech chac c'u cha'al jun querem ti chbat xa nupinuque.

Éxodo 19:10

Li Muc'ul Diose jech laj yalbe li Moisese: —Batan, bat albo achi'iltac ti ac'o xchapan sbaic li' ta ora xchi'uc oc'ome. Ac'o xchuc' lec sc'u'ic;

Éxodo 19:15

Li Moisese jech laj yalbe li xchi'iltaque: —Chapano abaic sventa cha'ej; mu xa me xachi'in avajnilic —xut.

Éxodo 19:22

Albo noxtoc li paleetic ti mu me xjelovic tale, naca me chamicuc cu'un. Ac'o me xu' ono'ox chnopajic ta jtojol li stuquique, pero tsc'an chac' sbaic ta lecubtasel ec —xi.

Joel 1:14

Ictaic ixim, tijo aba acotolic ta muc'ta tsobajel te ta xch'ulna li Muc'ul Diose. Ac'o stsob sba scotol li moletique xchi'uc scotol li jnaclumetic ta avosilalique. C'anbeic vocol li Muc'ul Diose.

San Mateo 21:16

Jech laj yalbeic li Jesuse: —¿Me chava'ay c'usi chalic li bic'tal ololetique? —xutic. Itac'ov li Jesuse: —Chca'ay, ¿me mu'yuc aq'uelojic ti jech ts'ibabil ta sc'op Diose?: ‘Ta sc'op bic'tal ololetic xchi'uc boch'o ta to xchu'unic chc'ot ta ts'aquiel li avich'el ta muq'ue’, xi ono'ox ts'ibabil —xi li Jesuse.

San Mateo 9:15

Itac'ov li Jesuse: —C'alal yorail nupinele, ¿me smelol ta xictaic ixim li yuts' yalaltac malalil ti c'alal te to xchi'uquic li malalile? Ta melel ta ono'ox sta yorail ta xpojbatic loq'uel li malalile, ja' to xu' ta xictaic ixim.

1 Corintios 7:5

Jech tsc'an ti mu xajalan abaique. Ja' no'ox me co'ol chanop achibalic ti tsots sc'oplal chac'opanic Dios jayibuc c'ac'ale, xu' mu xachi'in abaic. Ts'acal xlic achi'in abaic yan velta, yu'un naca me spasboxuc preva avo'ntonic banquilal pucuj ta scoj ti mu xu' avu'un atuquique.

Josué 7:13

Lican, tsobo scotol li achi'iltaque. Albo ya'yic ti ac'o xchapan sbaique; ac'o slecubtas sbaic ta sventa oc'om. Scotolic ac'o tal sva'an sbaic ta jtojol, vu'un li Muc'ul Diosun avu'unique. Jech chcalbeic li achi'iltaque: ‘Vo'oxuc israeletic, te oy ta atojolic li c'usi albil sc'oplal chich' ulesel oe. Me mu xaloq'ues ta atojolique, mu xu' avu'un chatsalic o li avajcontraique’, xcut chcalbeic.

Josué 8:35

Scotol li mantaletic laj yal Moisese laj yapta scotol ta stojol xchi'iltac li Josuee. Laj ya'yic c'alal ta vinic, ta antsetic, ta ololetic, xchi'uc c'alal ta yanlum cristianoetic ti te nacajtic xchi'uquique. Me jbeluc mu'yuc la scomtsan.

1 Samuel 16:5

Itac'ov li Samuele: —Tal, yu'un tal jmilbe smoton Muc'ul Dios. Lecubtaso abaic, bat chi'inicun ta smilbel smoton li Muc'ul Diose —xut. Li Samuele te lic slecubtas li Isaí xchi'uc xnich'nabe; laj yalbe ti ac'o bat chi'inatuc ta smilbel smoton Muc'ul Diose.