Joel 2:13 - Bible in Tzotzil de Chenalhó with Deuterocanon

¹³ Ja' li'o li avo'ntonique; mu ja'uc xali' li ac'u'ique. Suteso avo'ntonic ta stojol li Muc'ul Dios avu'unique, yu'un li stuque toj lec yo'nton, ja' jc'uxubinvanej. Toj vocol chlic sc'ac'al yo'nton, ja' toj muc' li c'uxubinel yu'une; toj vocol cha'ay ti chac' stojol mulile.

Bible in Tzotzil de Chamula

¹³ Sutanic talel ta stojol ti Ajvalil Dios avu'unique. Ja' majo ti avo'ntonique, ma'uc xach'i'ic ta jatel ti c'u'ile. Yu'un ti Diose mu albajuc ti syail xc'uxul yo'ntone. Oy sts'iquemal xcuchemal yu'un ta sventa ti xc'uxul yo'ntone. Oy sca'alil xpuxulil ta yaq'uel ti tsitsele.

Joel 2:13 Iomraidhean Croise

Génesis 37:29

C'alal ibat ta vomlum li Rubene, mu'yuc xa te la sta ta yut vomlum li Josee, la sli' sc'u' yu'un toj chopol laj ya'ay.

Génesis 37:34

Jech te la sli' sc'u' li Jacobe; la slap c'u'il sventa me'nal ti ch'ixlajan ta lapele. Ep c'ac'al laj yoc'ta, laj yat yo'nton ta sventa ti icham li xnich'one.

2 Samuel 1:11

Li David xchi'uc xchi'iltaque la sli' sc'u'ic; yu'un toj ep laj yat yo'ntonic.

1 Reyes 21:27

C'alal laj ya'ay li Acabe, la sli' sc'u', lic slap c'u'il sventa at-o'nton ti ch'ixlajan ta lapele; laj yicta yixim noxtoc. Ja' jech slapoj o ivay; bats'i toj biq'uit laj yac' sba.

2 Reyes 22:11

C'alal laj ya'ay c'usi chal svunal mantaletic li ajvalile, la sli' sc'u'.

2 Reyes 22:19

xchi'uc ti ic'ot ta avo'ntone, ti laj abic'tajes aba ta jtojol c'alal laj ava'ay c'usi caloj ta sventa li banamil li'i xchi'uc ta sventa li yajvaltaque, ja' ti laj cal ta to xyavnaijique, ti tstoj smulique, jech laj ali' ac'u', laj avoc'ta aba ta jtojol. Jech ec li vu'une laj ca'ibot li ac'ope. Vu'un li Muc'ul Diosune, jech chacalbot:

2 Reyes 5:7

C'alal la sq'uel carta li ajvalil ta Israele, la sli' sc'u', jech laj yal: —¿Me yu'un vu'un Diosun? ¿Me yu'un vu'un xu' cu'un chcac' cuxiuc, chcac' chamuc jun cristiano ti vu'un chistacbicun tal ta jcolta ta sc'a'el chamel li vinique? ¡Q'uelavilic lec, ja' no'ox tsc'an ta sa' c'u x'elan xu' chiscontrainun! —xi.

2 Reyes 6:30

C'alal laj ya'ay ajvalil c'usi laj yal li antse, la sli' sc'u', toj ilinel ic'ot. Ta sventa ti te luchul ta sba coraltone, laj yil scotol israeletic ti slapoj li c'u'il ti ch'ixlajan ta lapele.

2 Crónicas 6:27

a'ibo me li sc'opique. Pasbo me perdón yu'un li smulique, yu'un ja' avajtuneltac; ja' ateclumal. Ac'bo yilic li lequil be tsc'an tstamic batele. Taco tal vo' li' ta banamil ti bu laj avac'be yu'uninic li ateclumale.

Nehemías 9:17

Muc stuc'ulanic, muc svules ta sjolic li atsatsal avu'el laj apas ta stojolique. Ja' no'ox la spas ta tsots yo'ntonic, ta stoyobbailic la sva'anic jun banquilal yu'unic sventa ch-ic'atic sutel yan velta ta Egipto ti bu ochemic to'ox ta mozoile. Pero vo'ot li Diosot ti oy perdón avu'une, ti vocol chlic sc'ac'al avo'ntone, ti ja' toj ep li c'uxubinel avu'une, jech muc xajip comel ta avo'nton.

Job 1:20

Li Jobe iva'i, la sli' sc'u', yu'un toj abul sba laj ya'ay. La xjux loq'uel stsotsil sjol; la squejan sba sventa chich' ta muc' Dios,

Salmos 103:8

Li Muc'ul Diose ja' jc'anvanej, ja' jc'uxubinvanej stuc; c'unc'un chlic sc'ac'al yo'nton, ja' toj muc' li c'uxubinel yu'une.

Salmos 106:45

Yu'un it'ab ta yo'nton li c'usi xchapanoj ono'ox ta stojolique, jech lic c'uxubajuc ta yo'nton, yu'un toj ep c'uxubinel yu'un.

Salmos 34:18

Li Muc'ul Diose nopol oy ta stojol li boch'o oy svocol yo'ntonique; tscolta li boch'o lajem stsatsal yo'ntonique.

Salmos 51:17

Dios cu'un, ja' lec chavil, ja' amoton chc'ot chavil me ta jsutes co'ntoncutic ta atojole, me ta xcat co'ntoncutic yu'un li jmulcutique, xchi'uc me ta jbic'tajes jbacutic ta atojole.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 58:5

Ja' no'ox lec chava'yic ti abul xa aba chapas abaic yilele, ti xanijet xamachetic xa jech chac c'u cha'al yunin-ni' tut-ac' ti nijil xa yalele, xchi'uc ti alapoj chavayic li c'u'il ti ch'ixlajan ta lapele, ti chamochan abaic ta tanil ti' c'oq'ue. ¿Me ja' jech li lequil ictaej ixim ta jc'ane? ¿Me ja' ictaej ixim sbi avu'unic le'e? ¿Me ja' sc'ac'alil ti toj lec chquil c'alal jech chapasique?

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Jeremías 41:5

Ja'o italic jayibuc viniquetic ta Siquem, ta Silo, xchi'uc ta Samaria; ja' chanvinic (80) viniquetic ta scotolic, xjuxanoj tal yisimic, li'emic sc'u'ic, xtuch'anojic tal sbec'talic, yich'anojic tal matanaletic, xchi'uc pom sventa tal yaq'uic ta ch'ulna yu'un li Muc'ul Diose.

Jeremías 42:10

‘Me jun avo'ntonic ch'anxachi nacaloxuc li' ta avosilalique, ta jva'anoxuc lec; mu'yuc ta jbutq'uinoxuc. Ta jts'unoxuc lec; mu'yuc ta jbuloxuc loq'uel. Yu'un laj xa jsutes co'nton ta sventa li c'usi chopol la jpasboxuque.

Ezequiel 9:4

Jech laj yalbe: “Bat xano scotol li lum Jerusalene; ac'anbo senyail ta sti'baic scotol li boch'otic ch-oq'uic, chat yo'ntonic ta scoj li c'usi toj chopol chich' pasel li' ta Jerusalene”, xut.

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

Jonás 3:9

Oy yic'al jech xu' chlic c'uxubajcutic ta yo'nton li Diose, jech chlaj sc'ac'al yo'nton ta jtojoltic, jech mu xijchamutic o”, xiic.

Jonás 4:2

Te lic sc'opan Dios, jech laj yal: —Muc'ul Dios, ja' xa'ox jech c'an calbot ti c'alal te oyun ta cosilale. Ja' ta scoj ti chijatov ox batel ta Tarsise. Yu'un jna'oj ti toj lec avo'ntone, ti toj ep c'uxubinel avu'une, xchi'uc jna'oj ti muc ta aniluc cha'iline, ti toj ep slequil avo'ntone, xchi'uc ti chlecub avo'nton, ti mu'yuc chavac'be stoj li smulique.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Nahúm 1:3

Ta melel li Muc'ul Diose toj muc' yo'nton, pero toj ech'em svu'el; muc teuc no'ox tsts'icbe li boch'o oy smule. Li Muc'ul Diose te chanov ta tsatsal ic'al vo' xchi'uc ta sutub ic'; li toque ja' spucucal yacan.

Números 14:18

ti muc ta aniluc cha'iline, ti toj ep slequil avo'ntone, ti chach'aybe ta avo'nton smulic li jpasmuliletique xchi'uc li boch'otic tstoy sbaic ta atojole. Ta jna' noxtoc ti ma'uc yu'un mu'yuc chavac'be o stoj smulic li boch'otic tsa' smulique. Ta ono'ox xavac'be stoj smulic, xchi'uc chavac'be xcuch c'alal to ta yoxc'olal xchanc'olal yalab xnich'nabic.

Romanos 2:4

¿Me yu'un mu xava'ibe smelol li c'uxubinel yu'un Diose, li smuc'ul yo'ntone, xchi'uc li slequil yo'ntone? Na'o me, ta sventa toj lec yo'nton ti tsc'an ac'o asutes avo'ntone.

Efesios 2:4

Pero ta sventa ti toj ep c'uxubinel yu'un Diose, xchi'uc ta sventa ti ep chisc'anutique, jech la xc'uxubinutic,

1 Timoteo 4:8

Li boch'o ta snopes sbec'tal ta jchopuc tajimole, lec ta xtun ta sventa jaychopuc no'ox. Yan li boch'o ta snopes sba ta yich'el ta muc' Diose, ja' chtun ta sventa scotol. Oy c'usi ta jtatic yu'un ta sventa jcuxlejaltic li' ta ora xchi'uc ta sventa sbatel osil.