Joel 2:12 - Bible in Tzotzil de Chenalhó with Deuterocanon

¹² Ja' yu'un jech chal li Muc'ul Diose: “Sutanic tal ta jtojol ta scotol avo'ntonic; ictaic ixim, oc'anic, ato avo'ntonic.”

Bible in Tzotzil de Chamula

¹² Ja' yu'un un, xi ta xal ti Diose: “Avi tana le' une, sjunuluc avo'ntonic, sutanic talel ta jtojol; ictao avotic, oc'anic, avananic xtoc.”

Joel 2:12 Iomraidhean Croise

2 Samuel 24:10

Pero li Davide oy smul ic'ot laj ya'ay ta yo'nton ti c'alal la spas li tsactsacvune, jech lic yalbe li Muc'ul Diose: —Muc'ul Dios, laj xa jta tsots jmul ta atojol ta sventa ti jech la jpase. Ja' yu'un avocoluc ch'aybun ta avo'nton jmul, vu'un li avajtunelune, yu'un ta jbolil no'ox ti jech la jvovil pase —xut.

2 Crónicas 30:6

Jech iloq'uic batel j'almantaletic ta scotol Israel xchi'uc ta Judá, yich'ojic batel cartaetic yu'un li ajvalile xchi'uc li banquilaletique. Ja' jech li smantal ajvalil yich'ojic batele: “Israeletic, sutanic xa tal ta stojol li Muc'ul Diose, ja' li Dios yu'un Abraham, Isaac, xchi'uc Israele. Jech ta sut tal ta atojolic ec vo'oxuc ti scomelaloxuc xa yu'un li ajvaliletic ta Asiriae.

2 Crónicas 6:27

a'ibo me li sc'opique. Pasbo me perdón yu'un li smulique, yu'un ja' avajtuneltac; ja' ateclumal. Ac'bo yilic li lequil be tsc'an tstamic batele. Taco tal vo' li' ta banamil ti bu laj avac'be yu'uninic li ateclumale.

Ester 4:16

“Batan te ta lum Susa; tsobo scotol li jchi'iltactique; ac'o yictaic ixim sventa chacoltaicun. Mu me c'usi xave'ic; mu me c'usi xavuch'ic oxib c'ac'al xchi'uc oxib ac'ubal. Ja' jech ta jpascutic ec xchi'uc li jquiarataque. Ja'o chibat ta stojol li ajvalile ac'o me mu jechuc chal li mantale. Me te lichame, ac'o chamcun”, xut batel.

Éxodo 33:5

Yu'un li Muc'ul Diose jech laj yalbe li Moisese: —Jech xavalbe li achi'iltaque: ‘Li vo'oxuque ven jtoyba cristianooxuc. ¡Me chtal jchi'inoxuc jliqueluque, ta ora ta xculesoxuc acotolic! Loq'uesic ta ora li c'usitic c'upilic sba avac'oj ta abec'talique; te ta jnop c'usi ta jpasboxuc’, uto —x'utat li Moisese.

Isaías 22:12

Ja' jech sc'ac'alil chac' oc'anic li Muc'ul Dios ti ech'em svu'ele, chac' avat avo'ntonic, chac' ajux stsotsil ajolic, xchi'uc chac' alapic c'u'il ti ch'ixlajan ta lapele.

Isaías 58:4

C'alal yorail chavictaic ixime, puru c'op, puru pleito chapasic; chamaj abaic, chayayijes abaic. Me ja' jech chapasic c'alal chavictaic ixime, mu me xanop ti chca'iboxuc li ac'opique.

Jeremías 3:22

Jbajmantaletic, suteso avo'ntonic ta jtojol; vu'un ta jpoxtaboxuc li atoyobbailique”, xi li Diose. “Lec oy, ta xitalcutic ta atojol, yu'un vo'ot Muc'ul Diosot cu'uncutic.

Jeremías 36:7

Naca me jech chlic sc'opanic li Muc'ul Diose, jech xu' chlic scomtsanic li chopol be stamojic jujunique. Yu'un toj tsots ch-ilin, toj tsots liquem sc'ac'al yo'nton ta stojolic li Muc'ul Diose”, xut.

Jeremías 4:1

Jech chcal vu'un li Muc'ul Diosune: “Israel, me chac'an chasut tale, la' me li' ta jtojole. Me chajip comel ta avo'nton li c'usi toj chopol chquile, me mu xabat ta buyuc no'oxe,

Jeremías 4:2

xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Daniel 9:3

Jech te lic cac' jsat ta stojol li Cajvaltic Diose. La jc'anbe vocol, laj quicta ixim, la jlap c'u'il sventa at-o'nton, xchi'uc la jchotan jba ta tantic.

Oseas 12:6

Israel, sutan tal ta stojol li Dios avu'une; ja' xapas li c'usi leque, li c'usi tuq'ue, ja' no'ox ch'uno o ti chascoltaot li Dios avu'une.

Oseas 12:7

Jech chal li Diose: “Li israeletique xco'laj xchi'uc jchonolajeletic ta Canaán. Mu'yuc ts'acal li skilo c'alal oy c'usi tsbise; ja' no'ox lec cha'ay li lo'lavaneje.

Oseas 14:1

Israel, sutan tal yan velta ta stojol li Dios avu'une, yu'un yalemot ta lum ta scoj li amule.

Oseas 6:1

La'ic acotolic, sutcutic batel ta stojol li Muc'ul Diose. Ja' laj yac' jvocoltic, ja' chixpoxtautic noxtoc; ja' la syayijesutic, ja' chixpixbutic noxtoc.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Zacarías 7:3

xchi'uc bat sc'opanic li j'alc'opetic xchi'uc li paleetic te ta xch'ulna Muc'ul Dios ti tspas ta mantal scotol te ta vinajele, jech c'ot yalbeic: “¿Me te no'ox chcat co'ntontic o, chquictatic o ixim ta yo'obal u jech chac c'u cha'al la jpasilantic xa tal jayibuc jabile?”, xutic.

Zacarías 7:5

“Jech xavalbe ya'yic sjunul li jteclumale xchi'uc li paleetique: ‘C'alal lavat avo'ntonic, lavictaic ixim ta yo'obal u, xchi'uc ta svucubal ue, mu ja'uc ta jventa laj apasic. Oy xa ta lajuneb xchanvinic (70) jabil jech laj aliquesic tal.

Malaquías 1:9

Ja' yu'un li' ta orae c'anbeic Dios ti ac'o xc'uxubinoxuque. Pero jech chal li Muc'ul Diose: “¿C'u x'elan xu' lec chaquiloxuc ti jech chapasic chac le'e?

Hechos 26:20

Ba'yuc laj calbe ya'yic li boch'otic te nacajtic ta Damascoe. Ts'acal bat calbe ya'yic li boch'otic te nacajtic ta Jerusalén xchi'uc ta scotol Judea banamile. Ts'acal bat calbe ya'yic li yanlum cristianoetic ti mu xotquinic Diose, yu'un jech ac'o sutes yo'ntonic, ac'o suticuc tal ta stojol li Diose, jech xu' chlic spasic c'usi lec ta sventa ti sutem xa yo'ntonique.

Jueces 2:4

C'alal jech i'albatic yu'un yaj'almantal Muc'ul Dios scotol li israeletique, scotolic x'avetic liquel ta oq'uel.

Jueces 20:26

Ja' yu'un li israeletique isutic batel yan velta ta Betel, c'ot yoc'ta sbaic ta stojol Muc'ul Dios te ta ch'ulna. Sbejel c'ac'al te oyic; mu'yuc xve'ic o. Te la xchic'beic smoton Muc'ul Dios, xchi'uc la smilbeic smoton sventa lec ch-ilatic.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.

1 Samuel 7:6

Jech lic stsob sbaic te ta Mizpa. Te la slupic loq'uel vo'; la smalic ta stojol Muc'ul Dios. Laj yictaic ixim, jech laj yalic: “Laj xa jta jmulcutic ta stojol li Muc'ul Diose”, xiic. Ja' te ta Mizpa i'och ta jchapanvanej yu'un israeletic li Samuele.