Joel 2:10 - Bible in Tzotzil de Chenalhó with Deuterocanon

¹⁰ Ta xnic yu'unic li banamile, xchi'uc ta xnic li vinajele; ta x'ic'um li c'ac'al xchi'uc li ue, li c'analetique mu xa xac' xojobal noxtoc.

Bible in Tzotzil de Chamula

¹⁰ Ta xnic yu'unic ti banomile; xc'uyc'un no'ox yu'unic ti vinajele. Ta xmac sat yu'unic ti c'ac'ale, ti ue; ta xmac yu'unic ti xchijlajan yutsil xojobal ti c'analetique.

Joel 2:10 Iomraidhean Croise

Salmos 114:7

Banamil, nican ta stojol li Avajvale; nican ta stojol li Dios yu'un Jacobe.

Salmos 18:7

Jech tsots inic li banamile, inic c'alal ta yibel li vitsetique; inic ta sc'ac'al yo'nton li Muc'ul Diose.

Isaías 13:10

Li c'analetic ta vinajel xchi'uc li jujutsob c'analetique mu xa xac' xojobalic. Li c'ac'al c'alal ja' to no'ox chloc' tale, ta ora ch-ic'ub; li ue mu xa xac' xojobal noxtoc.

Isaías 34:4

Scotol li c'usitic oy ta vinajele ta xlic ulanuc. Li vinajele ta sbal sba jech chac c'u cha'al balbil vun; ta xbajan yalel tal scotol li c'usitic te oye, jech chac c'u cha'al chlilij taqui c'ob ts'usub, jech chac c'u cha'al chlilij yanal higo ti c'alal chc'anube.

Isaías 5:30

C'alal tsta sc'ac'alil chtal li yantic banamile, x'avetic no'ox tal ta scontrainel lum Israel jech chac c'u cha'al c'alal xvo'et no'ox muc'ta nabe. Me oy boch'o tsq'uel li banamile, chvinaj ti ch-ic'ube, xchi'uc chvinaj ti ch-ic'ub ta pimil toc li vinajele.

Jeremías 4:23

C'alal la jq'uel li banamile, ja' to laj quil ti xch'ijan, ti yavnaijem oe; c'alal la jq'uel noxtoc li vinajele, mu'yuc xa c'usi yac'oj xojobal o.

Joel 2:2

Ja' sc'ac'alil ic' osil, ja' yorail ac'ubaltic; ja' sc'ac'alil chtal but'ulaltic, ja' yorail chtal yaxinaltic. Jech chac c'u cha'al chtal saquil osil ta vitsetic c'alal tsacub tale, ja' jech ta xtal ven epal c'ulubetic ti toj tsots xu' yu'unique. Mu'yuc ono'ox bu jech c'otem ta pasel, xchi'uc mu'yuc jech chc'ot ta pasel ta ts'acal ti jayc'ol alab nich'nabetic chtalic toe.

Joel 2:31

Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Joel 3:4

“Jech ec li vo'oxuque lum Tiro, lum Sidón xchi'uc scotol yosilal filistaetic, ¿c'usi tal asa'ic li' ta jtojol ec? ¿Me chac'an chapacbicun sutel? Lec me chac'an chapacbicune, jutuc xa sc'an xcac'boxuc atojic ti c'u x'elan laj apasique.

Amós 5:8

Ja' sa'ic li Boch'o spasoj Xonob c'analetique xchi'uc li Orión c'analetique, xchi'uc ti ja' xu' yu'un tsc'atajes ta sac osil li ic' osile, ti ja' xu' yu'un tsc'atajes ta ac'ubaltic li c'ac'altique, ti xu' yu'un chic' muyel li vo'etic ta nab sventa tsmal yalel tal li' ta banamile.

Nahúm 1:5

Li vitsetique ta xnic ta stojol li Diose, li bic'tal vitsetique ta x'ulan ta stojol. Li banamil xchi'uc scotol li cristianoetic te nacajtique ta xnic yu'un; sbejlijil banamil ta xnic ta stojol.

San Mateo 24:29

“C'alal ja' to no'ox ch-ech' scotol li vocol laj calboxuque, ta ora no'ox ta x'ic'ub li c'ac'ale., Mu'yuc chac' xojobal li ue. Li c'analetique ta xbajan yalel tal. Ta xnic scotol li c'usitic oy svu'elic ta toyole.

San Mateo 27:51

Li muc'ta poc' te joc'ol ta yut ch'ulnae ta ora no'ox ili' yalel ta sjol c'alal ta yoc, cha'lic ic'ot. Tsots inic li banamile; li muc'tic ch'entique ijavan.

Hechos 2:20

Ta x'ic'ub li c'ac'ale; ta stsajub li ue. Le'e muc to ja'uc sc'ac'alil li Cajvaltic ti toj muc' sc'oplal, toj tsots sc'oplale.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.

Apocalipsis 6:12

C'alal te jq'ueloje, laj quil ituch' noxtoc li svaquibal spac' vune. Jech laj ca'ay ital tsots niquel. Li c'ac'ale i'ic'ub jech chac c'u cha'al ic'al poc' tslapic ta sventa me'nal. Li ue itsajub sbejlijil jech chac c'u cha'al ch'ich'.

Apocalipsis 8:12

C'alal la sjupan yoq'ues li xchanibal j'almantale, jutuc xa mu sta o'lol isoc li c'ac'ale, li ue, xchi'uc li c'analetique. Jutuc mu o'loluc imac xojobalic. Jutuc mu o'loluc imac li sac osil ta c'ac'altique. Ja' jech ta ac'ubaltic noxtoc.

Apocalipsis 9:2

C'alal la sjam li natil xabe, iloc' ep ch'ayil jech chac c'u cha'al xch'ayilal jun muc'ta c'oc'. I'ic'somtaj osil ta scoj li ch'ayil iloc' ta xabe.