Joel 2:1 - Bible in Tzotzil de Chenalhó with Deuterocanon

¹ Jupanic oq'uesetic te ta vits Sión; avananic te ta ch'ul vits yu'un li Diose. Xi'anic acotolic jnaclumetic ta banamil, yu'un ta xtal sc'ac'alil li Muc'ul Diose; jutuc xa sc'an sta yorail.

Bible in Tzotzil de Chamula

¹ Oq'uisanic ti oq'ues ta vits Sione. Oq'uisanic yo' ta xac' ta na'el svinajeb ta ch'ul vits yu'un ti Diose. Nicnunicuc no'ox liquel ti buch'utic nacalic ta jteclum Judae, yu'un jutuc xa sc'an ta xvul ta loq'uel ti xi s'elan ta xc'ot ta pasel ti sc'ac'alil yorail ti Diose:

Joel 2:1 Iomraidhean Croise

1 Crónicas 15:28

Ja' jech laj yich'ic batel xcaxail smantal Muc'ul Dios scotol li israeletique. Xcuxet no'ox yo'ntonic tstijic batel sonetic, oq'uesetic, sepsep taq'uinetic, xchi'uc arpaetic.

Salmos 119:120

Li jbec'tale ta xnic ta xi'el ta atojol, jech ta xquich' lec ta muc' li mantaletic avu'une.

Salmos 87:1

Li snacleb lum yu'un Diose te oy ta ch'ul vits yu'un.

Éxodo 10:14

Te ic'ot scotol ta Egipto banamil. Bats'i ep li c'ulubetique. Mu'yuc ono'ox jech xc'ot ta pasel ta vo'one, me ja'uc ta to xc'ot ta pasel jech ta ts'acal.

Isaías 13:6

Me'on-oc'anic, yu'un nopol xa chc'ot sc'ac'alil yu'un li Muc'ul Diose; xco'laj xchi'uc jmoj ta majel chvul li Boch'o ech'em svu'ele.

Isaías 13:9

A'yo ava'yic, ta xa sta yorail sc'ac'alil li Muc'ul Diose; toj xi'bal sba, yu'un tstsan, chtil li sc'ac'al yo'ntone, chcom ta xocol banamil li yosilalique; ta xules scotol li jpasmuliletic te nacajtique.

Isaías 2:12

C'alal tsta sc'ac'alil yu'un li Muc'ul Dios ti ech'em svu'ele, tstsal scotol li jtoybaetique, li boch'otic stuc no'ox yac'oj sbaique, xchi'uc li boch'otic muc' yac'oj sbaique. J'ech'el tsbic'tajesatic o.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Isaías 66:5

Vo'oxuc ti avich'ojbeic ta muc' sc'op li Muc'ul Diose, a'yo ava'yic li c'usi yaloje: “Li avuts' avalalic ti chopol chayiloxuque, ti chasnutsoxuc batel ta scoj ti acuchojbicun jbie, jech chalic: ‘Ich'ic ta muc' quic li Muc'ul Diose; ta jc'an ta jq'uelcutic me chata xcuxetel avo'ntonic yu'un’, xiic. Pero ja' stuquic chyalic ta q'uexlal.

Jeremías 16:10

“C'alal chavalbe ya'yic li achi'iltaquique, jech chlic sjaq'uic: ‘¿C'u yu'un laj yac' mantal Muc'ul Dios ti chtal muc'ta vocol jech chac le'e? ¿C'usi chopol la jpastic? ¿C'usi jmul jtaojtic ta stojol li Muc'ul Dios cu'untique?’, xiic.

Jeremías 16:7

Jech noxtoc mu'yuc boch'o ta xac' lec ve'el ta sventa tspatbe yo'ntonic li boch'otic oy boch'o chcham yu'unique, xchi'uc mu'yuc boch'o chac' uch'bajel ta stojolic li boch'otic chcham stot sme'ique.

Jeremías 4:5

“Puquic mantal ta Judá xchi'uc ta Jerusalén; jupanic oq'ues ta scotol avosilalic; avananic, jech xavalic: ‘Batic ta lumetic ti bu lec setbilic ta coraltone, te jnac' jbatic’, chianic.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Ezequiel 12:23

Jech xavalbe ya'yic: ‘Jech chal li Cajvaltique, ja' li Muc'ul Diose: Li c'usi chalic le'e ta xcac' ch'ayuc o ta alel te ta stojol li israeletique’, xi. Jech chal noxtoc: ‘Po'ot xa tsta sc'ac'alil, ta xa xc'ot ta pasel scotol li c'usitic laj yich' aq'uel ta ilele.

Ezequiel 21:12

Xnich'on cristiano, oc'an, avanan, yu'un chapal xa chich' milel scotol li jteclumale; chich' milel scotol c'alal ta banquilaletic te ta Israel. Scotolic co'ol chlajic ta milel ta espada xchi'uc li jteclumale. Ja' yu'un, majilano sna avo'nton ta scoj li vocole,

Ezequiel 30:3

Nopol xa chc'ot yorail; nopol xa chtal sc'ac'alil li Muc'ul Diose. Ta xa xtal sc'ac'alil but'ulal; ta xa xlic svocolic li jujun banamile.

Ezequiel 33:3

C'alal me chil ti chtal xa jpaspleitoetique, ja' chlic sjupan yoq'ues sventa chac'be sna' scotol li xchi'iltaque.

Ezequiel 33:6

Pero me ja' muc sjupan yoq'ues li boch'o luchul ta toyol tsq'uel me oy bu chtal yajcontraique, me oy boch'o chlaj ta milel ta espada ta scoj ti muc sbijubtas li xchi'iltaque, ta scoj smul chcham li boch'o chmilate. Pero li xch'ich'al chmale ja' chcac'be xcuch li boch'o tsq'uel osil ta toyole’, uto.

Ezequiel 7:10

“A'yo ava'ay, laj xa sta li sc'ac'alile; ivul xa ta atojol. Ja' xa yorail chavich' li vocole, nichinem xa lec li svarae, yich'oj xa lec yip li simaronile.

Ezequiel 7:12

Ista xa yorail; ic'ot xa sc'ac'alil. Li boch'o chmanulaje mu'yuc xcuxet yo'nton. Li boch'o ta xchonolaje mu'yuc c'usi choc'ta, yu'un scotol oy ta sbaic li sc'ac'al yo'nton Diose.

Daniel 6:26

Vu'un ta xcal tal jtuc li mantal li'i: Ta scotol ti c'u smuc'ul jventainoje, ac'o yich'ic ta muc', ac'o xi'icuc yu'un li Dios yu'un Daniele. “Yu'un li stuque ja' cuxul Dios; te oy o ta sbatel osil. Li yabtel tspas mantale mu xu' chich' tuch'bel o; mu'yuc slajeb o tspas mantal.

Daniel 9:16

Cajval, ta sventa ti tuc' avo'nton o li vo'ote, loq'ueso xa batel sc'ac'al ajol, sc'ac'al avo'nton ta stojol li lum Jerusalén te ta ch'ul vits avu'une. Yu'un ja' ta scoj jmulcutic, ta scoj xchopolil jtot jme'cutic ti abul sba ta na'leel ta jujujot li Jerusalene xchi'uc li ateclumale.

Daniel 9:20

“C'alal ja'o xivulvun ta sc'opanel Dios ta yalel ta jamal li jmule xchi'uc li smul jchi'iltac ta israelale, xchi'uc ti te xivocolet ta stojol Muc'ul Dios cu'untic ta sventa li ch'ul vits yu'une,

Oseas 5:8

¡Jupanic cachu te ta Gabaa; jupanic oq'ues te ta Ramá! ¡Avananic sventa pasc'op te ta Bet-avén! ¡Batan me ta pasc'op, Benjamín!

Oseas 8:1

Jech chal li Diose: “Jupano li oq'uese, yu'un ac'o yaluc tal stojol mulil ta stojol li cu'untaque; ja' jech chyal tal jech chac c'u cha'al xic. Yu'un muc xich'ic ta muc' li c'usi jchapanoje; la stacchiquintaic li mantaletic cu'une.

Joel 1:15

¡Ay, jutuc xa sc'an sta sc'ac'alil chtal yac'bot atoj amul li Muc'ul Diose! Pero toj xi'bal sba li sc'ac'alil le'e, ja' jun muc'ta lajel chamel chtal yac' li Boch'o toj ech'em svu'ele.

Joel 2:11

Li Muc'ul Diose tsots chalbe mantal li soldadoetic yu'une. Toj ep ta jyalel li soldadoetic yu'une; toj tsotsic ta jyalel li boch'otic ta xch'unbat smantal yu'une. ¡Toj ven xi'bal sba sc'ac'alil li Muc'ul Diose! ¿Boch'o xcuch yu'un?

Joel 2:15

¡Jupanic oq'ues te ta vits Sión! Tijo abaic ta muc'ta tsobajel acotolic, ictaic ixim.

Joel 2:31

Ta x'ic'um li c'ac'ale, ta stsajub li ue., Le'e muc to ja'uc smuc'ta c'ac'alil Muc'ul Dios ti toj xi'bal sbae”, xi li Muc'ul Diose.

Joel 3:14

Toj ep ta stsob sba cristianoetic te ta soplejaltic, ta yavil li chapanele; yu'un po'ot xa tsta yorail chac' stojol mulil te ta soplejaltic li Muc'ul Diose.

Joel 3:17

Jech chal noxtoc li Muc'ul Diose: “Chlic avotquinic ti vu'un Muc'ul Diosun avu'unic ti te nacalun ta Sione, ja' li ch'ul vits cu'une. Li Jerusalene ch'ul lum ta xcom o; mu'yuc xa chtal soquesic yan velta li yanlum cristianoetique.

Amós 3:6

Me oy chlic xchapan sbaic cristianoetic ta lume, yu'un ijupanat oq'ues sventa pleito; me oy chtal vocol ta lume, yu'un jech laj cal mantal vu'un li Muc'ul Diosune.

Amós 5:18

Ay, toj abul sbaic li boch'otic tsc'anic ac'o c'otuc sc'ac'alil li Muc'ul Diose. ¿C'u yu'un ti chac'anic ac'o c'otuc li sc'ac'alil le'e? Yu'un ja' sc'ac'alil ch-ic'ub osil, mu ja'uc yorail sac osil.

Amós 8:2

Jech laj yalbun: —Amós, ¿c'usi chavil? —xiyutun. —Ta xquil jun moch noj ta sat te'etic, lec xa yijic —xcut. Jech laj yalbun: —Ja' jechic li israeletique, iyijubic xa. Ic'ot xa sc'ac'alilic; mu xa xu' cu'un ta jts'icbeic.

Abdías 1:15

Nopol xa sc'ac'alil chac'be stojol jujun banamil li Muc'ul Diose. Ti c'u x'elan laj apasbe achi'ile ja' no'ox jech chavich' ec; chjoybij ta aba atuc.

Sofonías 1:14

¡Nopol xa sc'an sta li smuc'ta c'ac'alil Muc'ul Diose, po'ot xa, jutuc xa sc'an! ¡Toj c'ux me vocol c'alal chtal sc'ac'alil li Muc'ul Diose; ta to me x'avanic ta oq'uel li boch'o toj tsots yo'ntonic ta pasc'ope!

Sofonías 1:16

Ja' sc'ac'alil chich' jupanel oq'uesetic xchi'uc avanel sventa pasc'op, ta sventa li lumetic ti setbilic lec ta coraltone, xchi'uc ta sventa li toyol q'uelub osiletique.

Sofonías 1:7

Ch'anchanic, mu me xabaq'uic ta stojol li Muc'ul Diose, ja' li Cajvaltique yu'un nopol xa sc'ac'alil li Muc'ul Diose. Li Muc'ul Diose chapal xa yu'un li milbil matanaletique; t'ujbil xa yu'un li boch'otic yic'anoj ta ve'ele.

Sofonías 3:11

Jteclumal, me la sta sc'ac'alil le'e, mu'yuc xa chaq'uexovic yu'un li c'usitic laj to'ox apasique, xchi'uc ti laj atoy abaic ta jtojole; yu'un ta jloq'ues ta atojolic li jtoybaetique, jech mu'yuc xa boch'o tstoy sba yan velta te ta ch'ul vits cu'un.

Zacarías 14:1

Lum Jerusalén, ta xa xtal sc'ac'alil li Muc'ul Diose; ja' yorail te chich' puquel ta atojol li c'usitic apojoje.

Zacarías 8:3

Ja' yu'un jech chcal vu'un li Muc'ul Diosune: Ta xlic jtoy liquel yan velta li Sione; ta xlic naquicun yan velta te ta Jerusalén. Li Jerusalene ja' Slumalic li Boch'o Jun Yo'ntonique, xi sbi chc'ot. Li vits yu'un Muc'ul Dios ti tspas ta mantal scotol te ta vinajele ja' Ch'ul Vits, xi sbi chc'ot.

Malaquías 4:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta xa xtal li jun c'ac'al ti tstsan jech chac c'u cha'al hornoe. Scotol li jtoybaetique xchi'uc li boch'otic tspasic c'usitic chopole ja' jech chc'otic jech chac c'u cha'al taqui jobel. C'alal chtal li jun c'ac'al le'e chchic' scotol, chlaj c'alal ta yibel c'alal ta sc'obc'ob.

Números 10:2

“Paso chibuc oq'ues ta saquil taq'uin. Teno lec ta martillo yu'un ja' chtun avu'un sventa chatsob li achi'iltaque, xchi'uc chtun ta sventa senyail ti c'alal chatotsic batele.

Números 10:3

C'alal ta xich' jupanel xchibal li oq'uese, ac'o stsob sbaic tal ta atojol te ta sti' ch'ulna pasbil ta nucul scotol li achi'iltaque.

1 Corintios 14:8

Jech noxtoc me mu'yuc lec smelol chich' jupanel li oq'ues sventa pleitoe, ¿c'u x'elan xu' chchapan sbaic li soldadoetique?

Filipenses 2:12

Ja' yu'un vo'oxuc ti lec jc'anojoxuque, lec laj ach'unic ti c'alal te jchi'ucoxuque. Pero mu me ja'uc no'ox, ech'em to me jech xach'unic ti c'alal nom oyune. Ja'uc me batem ta avo'ntonic xapasbeic yabtelal li coltael ataojique, tsotsuc me sc'oplal chava'yic, xi'anic me yu'un li Diose.

1 Tesalonicenses 5:2

Yu'un xana'ic xa lec acotolic ti ja' jech chtal jech chac c'u cha'al chtal j'elec' ta ac'ubaltique.

Santiago 5:8

Ja'uc me jechoxuc ec li vo'oxuque, oyuc me smuc'ul avo'ntonic, junuc avo'ntonic, yu'un jutuc xa sc'an xcha'sut tal li Cajvaltique.

1 Pedro 4:7

Po'ot xa chlaj scotol li c'usitic oye. Ja' yu'un bijanic me ta sventa li c'usi chapasique; teuc me avo'ntonic ta sc'opanel li Diose.

Apocalipsis 6:17

Yu'un ic'ot xa sc'ac'alil itsan li sc'ac'al yo'ntone, mu'yuc boch'o chcuch yu'un”, xiic.