Joel 1:9 - Bible in Tzotzil de Chenalhó with Deuterocanon

⁹ Li paleetic, li jtuneletic yu'un Muc'ul Diose ta x'oq'uic, ta xat yo'ntonic, yu'un ta xlaj sc'oplal yaq'uel li matanal, li ya'lel ts'usub te ta xch'ulna Muc'ul Diose.

Bible in Tzotzil de Chamula

⁹ Ja' jech ta x'oq'uic ec ti paleetique, yu'un ti ta ch'ulnae, ch'abal xa ti sat ts'unubiletique, ch'abal xa ti vino ta sventa ti matanaletic yu'un ti Diose.

Joel 1:9 Iomraidhean Croise

2 Crónicas 13:10

Pero li vu'uncutique ja' Dios cu'uncutic o li Muc'ul Diose; mu'yuc jcomtsanojcutic o. Li paleetic ti chtunic ta stojol Muc'ul Diose ja'ic o li smomnich'nabtac Aarone. Li boch'otic tspasic c'usitic tsc'an pasel ta sventa Diose ja'ic o li levietique.

Éxodo 28:1

“Li abanquil Aarón xchi'uc xnich'nabe, ja' li Nadab, Abiú, Eleazar, xchi'uc Itamare, voc'bun loq'uel ta stojol li achi'iltac ta israelale yu'un ja' chcomic o ta paleal cu'un.

Isaías 61:6

Li vo'oxuque cha'albat ac'oplalic ti vo'oxuc paleoxuc yu'un Muc'ul Diose; ja' yajtuneltac Dios cu'untic, xi ac'oplalic. Ta to xac'upinbeic sc'ulejal li yantic banamiletique; ta to xac'ac'umtas lec aba achi'uquic li sc'ulejalique.

Lamentaciones 1:16

Ja' ta scoj ti ep chi'oq'ue ti ep ta xloc' ya'lel jsate, yu'un inamaj xa loq'uel ta jtojol li boch'o chispatbun co'ntone, li boch'o chiyac'bun jcux co'ntone. Li jnich'nabtaque muc xvinaj c'uxi ibatic, yu'un ja' toj ech'em xu' yu'unic li cajcontracutique.

Lamentaciones 1:4

Xch'ijan icom ta jyalel li sbelal Sione, yu'un mu'yuc xa boch'o chtal ta q'uel q'uin. Ta ti'coraltonetique mu xa junuc boch'o chjelov te; li paleetique xvicte-victeic ta oq'uel; li tsebetique toj abul sbaic ta at-o'nton; li lum Jerusalene toj ven tsots svocol cha'ay.

Oseas 9:4

Mu'yuc xa bu chavaq'uic o ya'lel ts'usub ta stojol li Muc'ul Diose, xchi'uc mu'yuc xa stu cha'ilbatic li milbil matanal chavaq'uique. Ja' jech cha'ilbatic jech chac c'u cha'al ve'lil sventa at-o'nton, ti chopol chcom li boch'o tsve'e. Yu'un li ve'lil le'e ja' no'ox sventa chave' atuquic; mu xu' chavich'ic batel ta xch'ulna li Muc'ul Diose.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:16

Ta jsatic chtal yich' pojel li ve'liletic cu'untique; chlaj sc'oplal ti xcuxet no'ox co'ntontique ti tse'ej lo'ilutic no'ox ta xch'ulna Diose.

Joel 2:14

Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Joel 2:17

Ac'o oq'uicuc te ta yochebal ch'ulna li paleetique; ac'o oq'uicuc te ta sts'el scajleb matanal li yajtuneltac Diose. Jech ac'o yalic: “Muc'ul Dios, pasbo perdón li ateclumale, mu me xavac' lajicuc ta labanel li ateclumale; mu me xavac' lajicuc ta tsalel yu'un li yantic banamile. Mu me xavac' jech chalic li yanlum cristianoetique: ‘¿Bu oy li Dios yu'unique?’, mu me xiuc jc'oplalcutic yu'unic”, ac'o xiicuc.